بنااات جامعه الملك فيصل

جامعة الملك فيصل (بنات)



فرع الدمام طبعاً موب الاحساء

كليه خدعة المجتمع و العلوم التطبيقيه

مسميات للجامعه حتى بعض موظفين هذي الجامعه يستعملون هذا الاسماء



هذا الايميل يعبر عن جزء صغير من اللي في قلوبنا... يعني اللي في قلوبنا شي ما ينوصف و شي يعجز اللسان و القلم و الكي بورد عن التعبير عنه

هذا الايميل اهداء (( الى من يهمها امري ... رجاءً الى متى صبري؟ ))

صبرنا واجد على هذي الجامعه ... الجامعه المعفنه اللي كل شي فيها ماشي غلط





احنا بنبدا الكلام طبعا من خارج الجامعه لييين ننتهي في وسط الجامعه

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور

الجامعه من جوا

اول ما تدخلين طبعا تنفتح نفسك للدراسه ... كنك داخله جامعة هارفرد مو جامعه في السعوديه

باريس و لندن و الرياض عندنا في الجامعه

على اليمين حديقه مونيّ موستنقعات قصدييي بحيرات صغيره و اي نوع وردة تبينها موجودة حتى بلجيكا يطلبون من جامعتنا ورود كل سنه ...

و الطريق اللي يوديك من البوابه القديمه للمبنى الجديد هذا الهايد بارك...

و على يسارك الثمامه حتى البنات العرابجه يطعسون فيه لين جو رايحين من مبنى لمبنى

انا اللي قاهرني هذولي العاملات ينشرون ملابسهم على الشجر ولا على الارض على الحشيش الميت

و غير كذا البنات اللي يقعدون برا كل وحدة ماخذة لها كورنر وتقعد تكلم الربع كلهم...ولا يجتمعون شله و يحطون السبيكر و كلهم يكلمون ولد واحد

استحو على وجيهكم شوي... اذا تبون تكلمون كلمووو في بيوتكم...

و الكورنرات الفاضيه يجون فيها العاملات و يقعدون ياكلون ..

و احياناً يجمعون العلب بعد البنات و يقعدون في كورنر يشربونها و الباقي منها يخذون لهم قارورة مويه و يعبونها عصير ...

و العلب الفاضيه يضغطونها يعني الجامعه كشخه و يحافضون على البيئه يسون

recycling للعلب

بالله عليكم ..العاملات هذولي ياخذون رواتب؟؟؟ طيب الفلوس اللي ياخذونها مننا و يحطونها على قلبهم اكوااام ليه ما يعطون هذولي المساكين منها ؟؟

واذا هم ياخذون رواتب ليييه كذا مفاجيع على الاكل؟؟؟ ليه يطرون

و ما تطر منك على ريال ولا رياليين .. تجييك من بعيييييد .. " السلام عليكم ... سيستر فيييه عشره ريال"؟؟؟؟!!! مصخره صح؟

ولا بعظهم شكلهم منحرفات ولا فيهم وشه في عقلهم... فيه وحدة دايم في مبنى ج3 تجي و تسولف مع البنات وتتلصق و تقعد تلمسس و تسوي حركات مهي طبيعيه

eeewwwwwwwwwwwwww





المباني

هاهاهاهاها... احنا ما يحتاج نتكلم عن المباني... صحيح الحمدلله احسن من كليه الدمام بسسس المبنى ماله 3 شهور خلص و طاح

و من زين الطبايييع يوم طاح حاولو يصلحونه راحو صلحو نصه و الباقي خلوه .. يا ان العمال عجازين ((خاملين)) ... ولا ان الفلوس اللي عطيناها لهم خلصت

و يقولون المبنى كلف 10,000,000 ريال

ولا ج3 كل اسلاكه مكشوفه و اللمبات طايحه ..يعني يبونا نتكهرب و نموت ..ترا اذا متنا منتوب لاقين لكم اكل تاكلونه ... كل اللي عندكم و عند الجامعه من خيرنا

لا و السمستر اللي فات في ج1 طاحت مغسله على بنت

راحو اخلو المبنى و جابو رجال عشان يشيلون المغسله من فوق البنت ... و جابو اسعاف و سوو زحمه يومها

لا ...والموظفات يقولون احنا كنا دارين انها خربانه ... و قلنا لهم يصلحونها من زماااان بسسس ما صلحوها

خافوووو ربكم في البنات يا ناس

ولا المبنى الجديد ج5 اللي فرحانين فيه... الله يكرمكم ريحته حمام ما تشمون؟؟

و التنظيف جوا الجامعه الصراحه يعجبني... توصيخ مو تنظيف والله

& ;nbs p; ;



دَرَج ج5 (( سلّم ج5 ))

هذا موضوع لحاله

بالله عليكم هذا درج؟؟؟ هذا فلين و حاطينه للبنات ترقى عليه

و الليزبوززز((البنات اللي نص لفه )) دايم يقعدون تحته عشان يشوفون البنات وهم راقين و لابسين تنانير من الفراغات اللي حاطينها بين كل درج و درج

و حاطين اللوكرز فوق؟؟؟ ليه التعذيب طيب؟؟؟

كم وحدة لين الحين طاحت من هذا الدرج؟؟؟ انا شفت بنت طاحت منه...انواع الفشيله

اصلا هم حاطين لنا هذا الدرج وسله ذبح ثانيه...عشان اذا البنت ما شفطها الكهرب في ج3

تطيح من السلم في ج5 و تموت

الكفتيريا

اهم شي باسكن و جلفريز اللي حاطينهم لنا لوووووووووووووول

و الاكل المعفن... و كم وحدة تسممت من الطعميه و همبرقر و الاكل الغريب اللي يجيبونه

بليزززز بليززز بسس نحتاج شوية نظافه... اهتموو فينا شوي

الفلوس اللي نعطيكم مو على الفاضي... تبي اكل زي العالم

الجامعات الثانيه يتقولون لهم مع فندق و يجيبون طباخين و بوفي من الفندق كل يوم لطلابهم

احنا ما نبي بوفييي... نبي بس اكل زي العلم و يكون نظيفف بسسس لا اكثر ولا اقل





الحمامات ((الله يكركم))

تدخلين و كل الارض مويه... و الحمامات طبعا بسسس بسس للموظفات؟؟؟ بسس يعجبوني البنات يدخلون ولا عليهممممم ولا كأنه احد موجود

بعدين الجامعه ليه ما تسدد فواتير المويه؟؟ واذا كانت الجامعه تشتغل على خزانات مويه ليه ما يعبونها؟؟؟

تجي ايام نقعد يومين و ثلاثه بدون مويه...لا نصلي ولا شي و اصلاً الصراحه ما اثق في مويه الجامعه...

احسهم يجيبون شويه من المجاري اللي برا و يخلونا نغسل فيها... توفيرررررر





شي مفقود في الجامعه

((المكتبه)) وينهاا؟؟؟

لا تقولون لنا فوق في ج5 ..هذاك مستودع اصلا كله صناديق

و حاطين فيه كراسي بعد يعطون فيه كلاسات التمارييين

من الفقرر اللي عندنا ما فيه كفايه كلاسات

حولو المكتبه نصها كلاس و النص الثاني مستودع

ولا عندنا مكتبه

طيب كتااااب واحد سلف الله يرحم والديكم

الله يخلي البترول بسس..كل ما احتجنا شي رحنا طريناهم

الظاهر اننا بنقلب اولاد و نروح ندرس في البترول اصرف لنا





الدكاتره و الاساتذه ((اعضاء التدريس يعني))

هذوليي ارهب ناس... احنا مو مصبرنا الا الدكاتره والله... حتى هم حاسين بمعانتنا و يعانون معنا

و اصلا فيه دكاتره طلعو من الجامعه راحو يدرسون في محل ثاني لانهم متضايقين من تعامل الاداره و من الجامعه

و النعم في كل الدكاتره اللي يدرسونا و الاساتذه اللي يدرسونا

بس فيه يمكن دكتورتين ولا ثلاثه خايسين ..شكلهم متعاونين مع الاداره حقت الجامعه

و يرسبون البنات عشان يشفطون منهم فلوس زيادة

موظفات الجامعه

الله يرحم والديكم...الواحد لين عاملكم زين و احترمكم احترموه شويه... ما يحتاج نسوي مشاكل

ترا رواتبكم من جيوبنا ...يعني ترا انتو مستفيدين مننا .. لا تخلون الواحد يغلط عليكم يوم... واصله لنا لييييييييين فوق الراسسس بكيلو منكم

ولا مديرة القسم... كانت حبيبه وش حليلها السمستر اللي فات .. و فجئه قلبت علينا ..لين جينا نكلمها هذي الايام شويه الا تصفقنا

الله يعافيكم خفو شوييييه... العصبيه و النرفزه مو زينه عليكم

ارحمونا و ارحمو انفسكم





خذف 25 ساعه من الدبلوم لين جينا نكمل في الجامعه ليش

هذا نظام بالله عليكم؟؟؟ هذااا نظااااااااام؟؟

اول شي فيه احد يخلص دبلوم اذا شد حيله بقوه في ثلاث سنوات؟؟؟

طبعا هذا اللي حاصل في جامعتنا

عشان نتخرج من الدبلوم لازم نخلص 85 ساعه

و لين جينا نكمل بكلوريس في نفس الجامعه يحذفون من الدبلوم 25 ساعه .. 25 ساعه تعادل سمستر و نص او سمسترين و يحسبون لك بس 60 ساعه

ليه حرام عليكم... اذا بتحذفون لنا الـ25 ساعه هذي ليه تخلونا ندرسها اصلا؟؟؟

و المشكله ان هذي الـ25 ساعه كلها كورسات

ترا اذا احنا نبي ناخذ كورس نقدر نروح للعالميه بنفسنا و ناخذه

و العذر الوحيد عندهم ان الـ25 ساعه هذي مواد اختياريه

طيب اذا هي اختياريه ليه تغصبونا ندرسها

انا خبري ان الجامعات يحطون 20 ولا 30 ساعه مواد اختياريه

و الطالب يختار منها 6 ساعات

عشان ليين انحذفت ما يتحسف عليها

يعني مثلا البترول المواد الاختياريه عندهم (تنس طاوله , سباحه, سله ,كوره)

هذي هي المواد الاختياريه و يحسبونها لهم ظمن المعدل

بس احناااا ناخذ برمج مكتب ,اوراكل , اساسيات ,دعم و غيرها

و كل مادة فيهم 4 ساعات و في الاخير ما تنحسب ظمن المعدل

و كليه الهندسه يحسبون لهم دراسه الفخار و الفنون التشكيليه

بس احنا المواد اللي تكون ظمن تخصصنا و لها علاقه و يقولون انها اختياريه و غصب ندرسها ما يحسبونها لنا يشيلونها من المعدل

والله حرااااااااااااااااااااااااااااام





الأعذار الطبيه

الضروف الصحيه في الجامعه مستحيل يهتمون فيها

اذا مثلا البنت سوت عمليه وكان عندها امتحان و جابت عذر لهم يقبلونه

بسسس يعطونها وقد قصير تذاكر فيه الكتاب كلهههههههه ..

المفروض هذي يكون لها حاله خاصه و يعذرونها شوي

ليه يعني ما يقدرون ضروف البنات؟؟؟؟ هذي دراستنا و مستقبلنا

مو بسجن.. و تعاقبونا اننا مريضين بعد حرام عليكم





البنات المغتربات او الوافدات

يعني البنات اللي يضربون مشوار عشان يوصلون للجامعه

يعني البنات اللي يجون من راس تنوره , الجبيل , النعيريه , الخفجي و غيرها

40 ,80 كيلواو اكثررر حتى كل يوم

يعني 160 كيلو كل يوم روحه جيه

والله ينرحمووون... احنا رحمناهم ليه انتو ما ترحمونهم؟؟

فيه بنات يداومون الساعه 7:30 و هم يجون من هذي المحلات

و فيه منهم تصير دوامتهم من 7:30 ليين 4 العصر

تخيلووو... لا ...و يقعدون بريييك 4 و 5 ساعات في الجامعه

مساكيييييييييين... و كل سنه يقولون لهم انتو لكم حاله استثنائيه بنساعدكم

و بعدين يطنشونهمممم ولا يتعاونون معهم ابداااا

بالعكس والله اكثر بنات ينكرشون و يتبهذلون في الجامعه هذولي البنات

انا اعرف ان البنات الوافدات في المدارس لهم بدلات أو رواتب

و تصير عاليه بعدددد

يعني خلو فيكم روح انسانيه بليزززز و تعاونو معهم

على الاقل جدول زي النااااااس

(ارحمو من في الارض يرحمكم من في السماء)

العباية

يوم كنا في ج3 كنا نفصخ العبايه عاديييي

اللوكرات جنبنا و نستخدمها دايم

بس من يوم حطوها فوق خلاص الواحد ماله نفس يرقى و ينزل كل شوي

و هم حاطين مكاتبهم تحت عشان يرتاحون و كل شي جنبهم

بس احناا حرام نرتاااح

وين نحط عباياتنا واشيائنا؟؟؟ نرميها على الارض؟؟؟

عشان تنسرق اشيائنا و لين رحنا قلنا لهم ترا اشيائنا انسرقت يقولون والله مشكلتكم

ليه ما تحطونها في اللوكر؟؟؟

و يكتبونا تعهدات بعد ..أول ما يشوفون البنت داخله مع الباب و عليها عبايتها يخاصمونها

يا رب ينسرقووون كل الموضفات عشان يحسون اللي نحسه





السستم حق الجامعه ((الانترنت))

الباسورد و اليوزر نيم اللي عطيتوه لنا السمستر اللي فات ابي اعرف وش نسوي فيه؟؟؟

باليالله فتح لنا نتايجنا في الجامعه

و طبعا اذا احد جرب زيي يدخل على منتدى الجامعه و يكتب همومه و مشاكله ما قدر

ما ادري ليه؟؟؟

ولا عندنا ايميل ولا نقدر نصلح جداولنا من البيت زي العالم لين الحين طريقه القديمين

فورمات و تعبينها و تروحين تتضاربين مع العالم عشان جدولك

و لين جا بعد اسبوع غيرو اوقالت المحاضرات و يصير عندك تعارض و يحذفون لك كل المواد

تكونين ماخذة 6 مواد ..اخر شي من الزحمه اللي يسونها يصير معك بس 3 مواد

شي حلو صح؟

و بعدين انا من ايميلي حاولت ارسل لكذا موظف في الجامعه عشان ما اسوي هذي الحركه و انشر ايميل و اشتكي فيه

و اطلع اللي في قلبي قدام الناس كلهم

بس ايميلاتهم ما تستقبل

ابي اعرف هذي جامعه ولا وشو؟؟؟

جامعات ثانيه لين ارسلتي لهم بس عشان تسألين عن نظامهم ولا اي شي يردون عليييك بالكثيرر بعد 3 ايام

اذا انتي بس تسألين و بسرعه يردون اجل لو تدرسين عندهم؟؟

كان شالوك على كرسي ذهب

بس احنا لاننا في السعوديييه لازم ننذل و نستعمل طرق غير لائقه عشان نوصل لموظفين الجامعه

حشى وزارة مووو جامعه





و اخيرًا و ليس اخراً

ابي اعطيكم يا بنات حسابات عشان تعرفون وشلون هذي الجامعه مستغلتنا

لو نفرض ان في كل سمستر كل تخصص تدخل فيه 50 بنت

احنا اربع تخصصات طبعا غير العلوم الطبيه ...الطب اللي بفلوس هذولي مالنا دخل فيهم و غير قسم الاولاد بعد

يعني 50 بنت× 4 تخصاصات= 200 بنت كل سمستر

ميتين بنت كل سمستر مو كل سنه ..كل سمستر

بعض البنات ياخذون من اول سمستر 5 او 6 مواد و فيه بعظهم 3

يعني ناخذ الوسط... لو كل بنت اخذت 4 مواد وكل مادة ثلاث ساعات بسس... يعني 1500 ريال لكل مادة..

يعني كل بنت ماخذه مواد مجموع تكاليفها كلها بسس 6000 ريال

200 بنت × 6000 ريال= 1,200,000 ريال

يعني الجامعه تكسب من ورا البنات اللي مقبولات بسسسس كل سمستر مليون و ميتين الف 1,200,000

يعني لو نحسب كل بنات الجامعه كلهم الدبلوم كل المراحل

و لو نفرض كل البنات باخذون 4 بسس..يعني تجي حوالي 3,600,000

ثلاثه مليون و ست ميه كل سمستر

و اذا حسبنا الاولاد معنا يعني الدبل يعنيي 7,200,000

سبعه مليون و ميتين الف كل سمستر هذا اذا كل طالب ياخذ كل سمستر 4 مواد و كل مادة 3 ساعات بسس

يعني هذي اقل مكسب تكسبه الجامعه في السمستر ...

طيب اذا انتو تكسبون هذي الفلوس لييييه ما توفرون لنا الراحه

على الاقل بسسس المعامله الزينه بسسسسس

نبي احد يحترمنا

و نبي خدمات الانترنت نبي نرتاح شوي

والله لو تسون التسجيل بالانترنت والله تريحون بالكم و ترتاحون من الكلام

العذر حقكم يصير والله هذا سستم ما نقدر نغيره ..هو اللي يرفض او يقبل... عاديييي

واذا بتتكرمون و تصلحون الاشياء الثانيه تسوون خير





صححح شي اخيرر.. الملابسس الفله اللي نشوفها في الجامعه الصراحه وناسسسه

يعني لو يخلونا بعباياتنا والله اصرف... طلعت الفضايح

فيه بنات يلبسون ميوهاااات في الجامعه و اللي مطلعه بطنها... و مطلعته فرحانه فيه ..و فيه شعرر.. وعع عليككم ...الله يستر عليكم بسسس

استانسوووو ترا يبون يوحدون الزي نصير زي الكليه .. تنوره سودا و بلوزه بيضا ولا بيج

تستاهلون....

والفول ميك اب على الصبح ترا مررره مرره قويه

وديي اجرب يوم اصحى من النوم و احط فول ميك اب

يختي ما يحتاج...اذا مره مره تبين تكشخين كلها كحل و انتي في السياره حطيه و قلوووسسس و بسس خلصنااا

و اذا تحتاجين اساس عشان فيك حبوب ترا يمدحون الكونسيررر مره والله احسن لك يصير شكلك طبيعي و بنوووت



الله يعيييين الجيل الجاي على الجامعه



و الله يعينا لين تخرجناااا...

و تراهم بعد يبون يخلون البكلوريس في الجامعه بفلوس... يعنييي هجووو من ذلحين



(( و شكرا لحسن استماعكم...و السلام عليكم و رحمه الله و بركاته))

و اللي عندها او عنده اي استفسار بليززز يراسلنا على هذا الايميل و بنرد عليكم في اسرع وقت ممكن

و ان شاء الله الايميل هذا يوصل للمسؤولين في الجامعه و يتحركون شوييي

ارحمونااااااااااااااااااااااااااااااااااااااا



قولو امين

الله يبلاهم مثل ما بلوناااااااا

الله يسلط عليهم احد اقوى منهم مثل ما يسون فينا

يالله يا ربي اني اشوف اللي سووه فينا في عيالهممممممم يا رب

والله يوفق الجميع في الامتحانات



لااله الاانت..سبحانك اني كنت من الظالميين

حياك الله على المرور فديتك

الله معكم والله يعينكم على ما بلاكم .

لا اله الا الله محمد رسول الله
هادي ما صارت جامعه
على العموم مشكوره على هادي المعلومات يا اختي وننتظر جديدك

يسلموووووووو على مروركم حبايبي