مـــواقف في الصلاة..
يقول أحدهم:
مرة كنت انا قايم من النوم تعبان مرة،توضيت ولبست
ثوبي وشماغي وطلعت شغلت السيارة عاد تعرفون لازم نخليها تحما،قلت مدام تحما السيارة آخذ غفوة
داخل السيارة..خذيت غفوة واقوم قلت خلاص الحين السيارة حمت اكيد،وأشوف النور طللللللع والناس صلتتتتتتتتتت وانا توني اقوم.
لاو القهر الوالد مر علي وشافني في السيارة ولا صحاااااااني.
----------------------------
مرة كان في مسجدنا واحد مجنون ودايماً مايضحك الجماعة،من المواقف اللي حصلت معه انه مرة جاء مبكر وجلس وراء الإمام مباشرة يعني مكان المؤذن بالضبط..اثناء السجود تأخر المجنون في السجود
فــ شاف رجل الإمام مليانه بالتشققات والشطوب،،قام المجنون يضرب رجلين الإمام ويقول بصوت مرتفع
((والله هذي الشطوب ماينفع لها إلا فازلين))
وقاعد يكرر العبارة،طبعاً الإمام ما قدر يقوم من السجود بسبب الضحك حتى المأمومين.
-----------------------------
مرة احد الأخوووة كنا نصلي معه الفجر في الرياض
المهم سكت ماكمل الآية..لأنه توه ماسك المسجد ثاني يوم له.
،المهم رد عليه أحد الأخوة عشان يكمل الآية ..إلا شوي رد عليه الإمام قال: ادري ادري.
وخذ لك عااااااااااد من الضحك.
-----------------------------
مرة في الصلاة كنت نعسااااااااان،وفي التشهد الأخير طول الإمام وطول وطول،وطووووول فتأكدت انه نايم!!
بعد فترة حسيت الموضوع فيه إنا..رفعت شماغي من جهة اليمين واليسار مالقيت احد إلا كم شخص..فااكتشفت اني انا اللي نايم.
---------------------------
قبل سنواات قالي احد الشباب ان الوالد ماقومني لصلاة الفجراليوم..قلت له ليش؟؟
قالي لبست قميص كثيرة الوانه،وانا مو من عادتي البس قمصان..وهذ خلى الوالد مايعرفني لأن نظره ضعيف..وقلت له: ليه ماصحيتني لصلاة الفجر يبه؟؟.
رد علي وهو معصب..انت مانمت هنا البارحة امك اللي نامت بفراشك<<منتهى البرآة من الأب
----------------------------
هذي قصة لواحد من الشباب يرويها بنفسه..
كنت في بداية التزامي والحمدلله،حفظت من القرآن
*وبديت احفظ من قصار السور،بديت بسورة *ق..
المهم والحمدلله انا من المواظبين على صلاة الفجر.
وفي يوم من الأيام قدر الله ان الإمام يصيف عن صلاة الفجر،والتفت المؤذن علي وقالي تقدم..تقدمت وكلي ثقة(ولكن بيني وبينكم هذا في الظاهر اما داخلياً كان في نفسي رهبة)..كبرت وبعد قرآءة الفاتحة قلت في نفسي فرصة عشان اقرا سورة ق،
تعوذت بالله وقريت ق..وارتجيت وضاع الحفظ،وسكت قالي المؤذن والقرآن المجيد،قلت مثله
قال:بل عجبوا،وقلت مثله،واستمر يلقني آيتين وثلاث..اردد خلفه وضاعت طاستي..وكبرت وركعت وانا خلاص منتهي وش هذا الموقف،الا بعدين بديت اتذكرها..رفعت للركعة الثانية وقريت الفاتحة وقلت في نفسي:لازم اوري الجماعة اني حافظها،وبديت ق واول مانطقتها قفلت وضاع الحفظ،قام المؤذن يلقني مرة ثانية..وانا انتفض من الخجل والفشيلة..المهم سلمت وخلصت،والتفتوا علي الجماعة،والمؤذن كان معصب وقال:ماتقولي هالحين نطلعك من ق وترجع لها ليش؟؟
ومارديت عليه وظليت في المسجد لين طلعوااكلهم.
مع تحياتي
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
المواضيع المتشابهه
مختصرات طريق حواء
العرض العادي
