انكسرت من الفراق وشوف عيني
شوف عيني وانت تدري بإنكساري
كل مامديت لوصالك يميني
رحت تتجاهل يميني مع يساري
حتى صرت اشوف جرحك في يديني
في يديني جور صداتك مواري
حس فيها لابلاها حس فيني
لاتعبرها لكن رد اعتباري
وين مقفي جعل منت منتويني
بالجفاء والخوف وانواع العزاري
ياهلي يانصف ربعي ياخديني
يامواني غربتي ياروح داري
ياشموخي يانكشافي يادفيني
ياعلوي يابقائي يا انحداري
يابدايتي يامائي يا اوكسجيني
يا اندثاري يااعتدالي ياازدهاري
يابلادت حسي وقمة حنيني
يااختياري لا ياعشواء اختياري
اعشقك من عادني في اول سنيني
لين صرت اخذ مع نفسي قراري
من عرفتك وانت ثالث والديني
واللجواء اليك يعني لك فراري
ضمني خل الضرر بينك وبيني
الضرر من ضمتك شيء اضطراري
خل يدينك من الجور تحميني
من جمودي عيش لين انصهاري
كل ماضاقت بعيني يامعيني
ابتسمت وصار لي ليلي نهاري
فلا سكت تروح بالطيش تحكيني
رجعي بطبعك وبأسلوبك حضاري
ماذبحني فيك الا إنك تبيني
وماسحرني الا حكاك الأستعاري
لاحكيت احس بأشياء تعتريني
ينخشع قلبي وتطري لي طواري
اعشق حكيك واحفظه ياضنيني
حفظ بن تيميه لحكي البخاري
ولا سكت احط يدي في جبيني
وأرجي الله مايطول بإنتظاري
أدري اني عندك وأسألك ويني
داري لكن ما كأني بداري
لين شيطاني تلفظ كلمتيني
ورحت مني ماتبي سمع اعتذاري
لاتبكيني وتفرح عاذليني
لاتخسرني بعد كبر انتصاري
لاتخليني بعد فيضة كنيني
وانت خابرني عن الوصل انتحاري
لاتروح بروحتك كل يجيني
ماني مكابرولا حتى مداري
انكسرت من الفراق وشوف عيني
شوف عيني وانت تدري بإنكساري
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
مختصرات طريق حواء
العرض العادي
