قصه الكويتيه اللي حبت واحد في الجامعه

[size=4]مجموعة شباب متجمعين في مسافط جامعة الكويت .. ومستانسين ويضحكوووووووون

والله ما بغينا نخلص من الجامعه الزفت هذه ... ووووووووووووويه والله وخلصنا وافتكينااااا ... وفي صوووت واحد يقلون شبااااااب لي خالد الي كان يمشي في اتجه سيارته .. خلوووووووووود .. ممبرووووووووك على التخرج .. ويرد عليهم الله يبارك فيكم .. يالله نشوفكم على خير بس لا تقاطعون .. ويركب سيارته .. ويحط ايده على سكان سياره ويقول حق روووحه والله مشت اسنين بسرعه ولا حسيت فيها شغلت روحي ابي انساج .. الله يذكرج بالخير وين ما كنتي .. بس والله على طو ل السنين لين الحين أحبك



ويرجع زمان إلى وراء أربع إسنين
شوف محمد هذا رقم تليفوني أبيك تدق علي ال

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور

وبعد أسبوع رد لي جامعه وهو إنسان ثاني يكون في المحاضره وباله مشغول وسرحان .. وفي مره وهو ماشي في ممرات الجامعه .. دق التليفون .. ولا بصوت مريم .. وهو كان سرحان ولا حس إنه إلي تكلمه مريم
مريم : روح للمكتبه وراح تلقى كتاب على الطاوله إلي قدامك لما تدش المكتبه .. اسمها 20 خطوه كي تصبح رجل مثالي
وراح خالد للمكتبه ولقى كتاب ولا تدق عليه مريم
مريم : ها لقيته
خالد : إي
مريم : راح تلقى كتاب في صفحه مجفوسه من فوق .. اقراء السطر 13 ورد علي.. و لقى الصفحه مجفوسه في نص كتاب وفي سطر 13 لقى مكتوب وراء كل رجل مثالي إمرأة مثاليه
ويدق عليها .. وهو يضحك .. جان تقول له هذي أنا .. شنو رايك
خالد : أحبك يا مريم
مريم : تسكت .. ولا ترد عليه وكأنه في حالت صدمه
وبغير شعور صرخ فيه حبها وهو في وسط المكتبه لي درجه إنه إلي موجودين في مكتبه ضحكوا عليه
مريم : إنت شو سويت يا الخبل
خالد : ( وهو يركض براء المكتبه ) ما أدري حسيت من داخلي ودي أصرخ فيها .. والله أحبك .. ولا حسيت في غلاتج ومحبتي لج لين ما قلتي خلاص نبي نفترق .. أمانه يا مريم لا رد علي .. والله أحبك
مريم : خالد .. والله العظيم ما أدري شو أقولك .. إنت أربكتني حيل لدرجه إني أبي أرد لبيتي ما أقدر أقعد في الكليه أحس إني أبي أطير من .. ..... وتسكت .. مع السلامه
خالد : كمليها
مريم : مع السلامه تكفى والله منحرجه
خالد : مع السلامه

الساعة 5 العصر
كان خالد جالس على الكمبيوتر يكتب بحثه .. ويدق التليفون ولا أسم مريوووم طالع على شاشة التليفون
خالد:*هلا والله بالغاليه .. توج على بالي
مريم:*جذاب .. على بالك وأنت قاعد تكتب على الكمبيوتر شو قاعد تكتب ؟
خالد:*أيه قاعد أكتب أسمج
مريم(تضحك):*عيار والله عيار .. محد قالك عيار قبل هاذي مره ؟
خالد:*لا أنتي أول وحده تقولينها .. وشحلاتج وأنتي تقولينها
مريم:*صج عيل خلاص أبي أشيل أسمك من رقم تليفوني وأكتب
عليك عيار لايق مو ؟
خالد:*عيل وأنا أبي أشيل أسمج وأكتب .. حبيبتي .. لايق عليج مو ؟
(مريم تسكت ):* لا مو لايق .. خله مثل ما هو وأنت شو كاتب أسمي قبل ؟
خالد:*كاتب مريوووم .. وقبل كنت كاتب إزعاج ( ويضحك)
مريم:*لا والله .. يعني أنا قبل كنت إزعاج عليك !!!
خالد:*أيه والله كنتِ إزعاج بس حلو .. يا حلات إزعاجك .. وايد أحبه .. وأحبج أنتي بعد
مريم:*آه آه والله ما أدري شو أقول لك .. بس المهم سويت جدولك حق الكورس الياي
خالد:*شحقه .. ما بدأ الكورس الياي
مريم:*يا حبيبي في شي أسمه تسجيل مبكر .. لازم تسجل الحين المواد اللي راح تدرسها في الكورس الياي أنشاء الله .. الو الو .. شفيك ساكت
خالد:*قوليها مره ثانيه ؟
مريم:*شو أقول؟؟؟
خالد:*حبيبي .. أمانه قوليها مره ثانيه لما قلتيها ما أدري شو صار فيني
مريم:*ساكته
خالد:*وينج شفيج ساكته ؟؟؟
مريم:*خالد صدقني ما أدري شلون قلتها .. ما أدري شلون طلعت من لساني
خالد:*لأنها طالعه من قلبج وكلام القلوب دايم صادق .. وأنا والله أحبج صج ماعمري شفتج .. بس حبيتك .. أحبك يا مريم

مريم:*أقول خلاص عاد لا تحرجني زياده المهم أنا راح أحاول أخلي جدولك مثل ساعات جدولي عشان أقدر أشوفك فيه .. مو أنت ملعوزني كل شوي ألحق وراك

خالد:*خايفه علي ؟؟
مريم:*أيه أخاف عليك

خالد:*ولا خايفه أنه تجي وحده وتاخذني منك
مريم:*ياليت

خالد:*شنو طايح في جبدج يلالالالالالاه أسحبيها لو سمحتي
مريم:*ما راح أسحبها .. وياليت تي بنت الحلال اللي تاخذك مني . . وتريحني .. من عذابي
خالد:*( بغضب ) يعني أنا عذابج.. خلاص نتفرق ومع السلامه
ويجلس خالد زعلان وطفران من اللي قالته مريم عليه .. وتدق مريم عليه
مريم:*أقول لا تعصب ويا ويهك .. شكلك مو حلو .. صدقني أنت فهمتني غلط .. بس راح يجي يوم وتعرف قصدي .. وشو عذابي .. بس الحين أبي أخليك وأدق عليك بالليل وأعطيك جدولك وأقولك متى تروح تسجل أوكي
خالد:*( بدون نفس) أوكي
مريم:*الله ياخذك شحلاتك وأنت معصب
( خالد يقاطعها ):*وياخذج وياي
مريم:*( تضحك ) زين يا لله أقلب ويهك مع السلامه
وتسكر مريم التليفون .. ويجلس خالد يفكر باللي صار .. وشو قصدها في الكلام كله.. وتجي الساعه 9 وتدق مريم .. ويطالع خالد في التليفون حبيبتي ويعرف أنه مريم داقه ولا يرد عليها ويتم التليفون يدق ساعتين وتدز مريم رساله خالد ( خالد أنا عارفه أنك عند التليفون رد علي أبي أكلمك ) ولا يرد خالد .. ما يعرف ليش ما قدر يرد عليها .. وتدز رساله ثانيه .. ( خالد تكفى رد علي.. والله العظيم ما أقدر أمسك روحي من البجي .. حرام عليك رد علي) .. ويحن قلب خالد ويرد عليها
مريم:*( وهي تبجي ) شفيك خالد شو سويت لك شفيك ما ترد علي لين الحين زعلان . والله العظيم يا خالد أنت ما تدري ( وتسكت وتبجي )
خالد:*ما في شي خلاص بس كنت بعيد عن التليفون ولا شفته .. وكنت ناسيه على الصامت
مريم:*جذاب .. لا تجذب علي أنت زعلان .. خالد خالد .. ما أدري شو أقول مع السلامه



الساعة 12 في الليل

تدق مريم على خالد ويرد خالد على طول
مريم:*( ساكته )
خالد:*هلالالالالالا مريوووووووووم .. والله مشتاق لج وايد
مريم:*تشتاق لك العافيه .. بس خالد
خالد:*لا بس ولا شي أنسي كل شي
مريم:*( تمسح الدموع اللي على خدها ) أحبك يا خالد
خالد:*نعم ما أسمع ؟؟
مريم:*أحبـــــــــــــــــــــــــك والله العظيم أحبك
خالد:*هم أنا أحبـك وأموت فيج
مريم:*المهم خلنا من هذا كله .. شوف خذ مني هذا الجدول .. وهاذي ساعات .. وعلى فكره خليت لك يوم الأربعاء فاضي عشان تريح .. شو رايك فيني مو خوش بنت
خالد:*والله .. يا بعد روحي .. الله يعطيج العافيه والله بس عسى ما تعبناج
مريم:*إلا تعبتنا ونص وهديت حيلي تعرف شو سويت عشان أخلي جدولي نفس جدولك أنا شويه وتنبط عيوني .. والله يعيني بس .. بس شي حلو أن محاضرات أنجليزي كلها وياك .. هاهاهاها .. وفيك خير خل عينك تروح على بنت مني ولا مني
خالد:*أنا.. إذا سويتها قومي وأفلعيني بأكبر شي يمج
مريم:*لا بسم الله عليك .. وأنا أقدر ما يهون على قلبي
خالد:*يا بعد قلبي أنتي
مريم:*فديتك والله .. المهم أبي أخليك ونام الحين وباجر الساعه 8 الصبح روح للتسجيل أوكي .. يا لله تصبح على خير يا غالي
خالد:*تلقين كل خير يا عمري

وتسد التليفون وبعد ثواني تدق مره ثانيه

خالد:*هلا مريم
مريم:*خلوود والله ما صبرت على فراقك .. أنت فيك نوم تكفى قول لالالا
خالد:*( يضحك ) لا ما فيني نوم
مريم:*قطت ويه صح .. عادي فري كويت .. بس والله ما أقدر أخليك خلنا نقعد نسولف شوي لين يجينا نوم .. ويتمون يسولفون لين أنقطع الخط ويدق خالد عليها ولا يطلع خطها مقطوع .. وبعد خمس دقائق تدق من تليفون بيتهم .. وتسلوف وبعد ساعه ينقطع خط خالد .. ويدق عليها من تليفون بيته .. ويقول ممبروك حياتي أصلا تليفوني ما فيه رصيد
مريم:*أوووه من ربع رصيد أنت مسكين والله
خالد:*أيه أنتي من ربع فاتوره أشوفه مقطوع
مريم:*خلودي أنا قبل لا أعرفك إذا وصلت فاتورتي في شهر 40 دينار تكون معجزه وأنا من أول ما عرفتك وفاتورتي فيها أرقام فلكيه .. شوكبرها .. الله يعين أمي علي الود ودها تذبحني
خالد:*لا بسم الله عليج
مريم:*تخاف علي
خالد:*إذا ما خفت عليج أخاف على منو عيل
مريم:*عيل تستاهل أدخلك رصيد أصبر علي أدز الدريول الجمعيه الحين هي مفتوحه 24 ساعه
خالد:*لالالا .. مريم
مريم:*أسكت بس أنطرني لا تنام .. أوكي وتسد تليفون

بعد ربع ساعة

تدق مريم على خالد
مريم:*قوه عساني ما طولت عليك
خالد:*لا أنا أصلا نمت لين تدقين علي
مريم:*عفيه وأنا سهرانه .. أيه لنا الله .. بس والله لعلمك يا خالد يا ولد أم خالد سهران وياي اليوم
خالد:*خلاص
مريم:*أقول أنت جم تعبي رصيدك
خالد:*هيييي .. ولد فقاره يعني خمس .. دينارين وفي العيد عشره
مريم:*( تضحك ) يعني تعايد روحك .. زين ما عمرك عبيت ثلاثين دينار
خالد:*هااااا فال الله ولا فالج أعوذ بالله ليش
مريم:*( تضحك) صج ولد فقاره .. خذ عيل وسجله في تاريخ حياتك
خالد:*عيل لحظه أبي أشيك على رصيدي .. اااااااااااااااالله شو هذا
مريم:*ثلاثين دينار . .. بس وحياتك أطلعه من عينك
خالد:*شو مذله .. ( ويضحك)
مريم:*خالد أنت غالي والغالي لي غالي
خالد:*تسلمين لي والله

ويتمون يسولفون لين الصبح لين راح خالد للجامعه وهو سهران وتمو في خط السريع يسولفون لين وصل للجامعه
خالد:*مريووووووم الحين أنا رايح للتسجيل أوكي أخليج ونامي أوكي .. وقوميني الساعه 4 العصر لأني أبي أسجل وأرد للبيت
مريم:*أوكي حبيبي دير بالك على عمرك ولا تسرع تراني كنت أسمع صفارت السرعه وأقولك هدي وأنت مطنش .. تكفى لا تنسى
خالد:*أوكي
مريم:*عيل بحفظ الله
خالد:*مع السلامه

ويسجل جدوله ويستانس أنهم قبلوا ساعات أنجليزي خاف أن تسكر الشعب ولا يقدر يتم ويا مريم .. صج أنه ما شافها ولا راح يعرفها لو كان في السكشن اللي فيه مريم بس كان وده يكون قريب منها لأنه كل يوم صار يتعلق فيها زياده

الساعه أربع العصر

مريم:*الووووووووو حبيبي وينك ؟؟
خالد:*( توه قايم ) هلا حبيبتي كاني موجود
مريم:*تصحصح حياتي الساعه أربع زين تلحق على الدراسه .. يا لله ما نبي تكسل لازم تنهي الكورس هذا بتفوق حياتي أوكي
خالد:*أوكي
مريم:*أخليك حياتي تسبح وتتنشط وأكل لك لقمه .. والساعه 9 بالليل أكلمك أوكي يا لله مع السلامه
خالد:*مع السلامه

بالليل الساعه 9
مريم:*الوووو شلونك حبيبي
خالد:*طيب .. وأنتي شلونج
مريم:*الحمد لله .. شو سويت في تسجيل حياتي .؟؟
خالد:*الحمد لله سجلت وبعد أقبلوني في أنجليزي يعني أنا وياج في أنجليزي
مريم:*والله زين زين .. عيل عيني عليك يا ويلك تفكر تطالع بنت مني ولا مني
خالد:*زين مريم أنتي مو خايفه أني أقدر أعرفج لأنه الكورس الياي راح يقل العدد و وأنتي وصفتي لي شكلج
مريم:*زين أنها يت منك ما حبيت أقولها لك أنا
خالد:*شو؟
مريم:*لا تحاول أنك تدور علي يا خالد لأنه لحظتها بسرعه تقدر تعرفني لأن نظراتي لك راح تفضحني .. أرجوك يا خالد في الكلاس خلك ويه روحك لا تلفت وتدورني .. لأن لو عرفتني راح نفترق يا خالد
خالد:*لالالا خلاص صدقيني من أول ما أدش الكلاس لين أطلع عيني في الأرض
مريم:*( تضحك) أيه جي عفيه عليك

ويستمر الكلام لين آخر الليل ويوم ورى يوم وينتهي كورس ويبدأ كورس وحب خالد لمريم كل يوم يزيد ويتعلقون في بعض أكثر وأكثر .. مريم تحب خالد من كل قلبها وخالد ما بخل عليها في حبه .. لين جاء يوم كان يوم ما راح ينساه خالد طول عمره

خالد:*الووو وينج مريم ليش غايبه اليوم
مريم:*( بصوت حزين ) هلا خالد وأنت شو دراك أني غايبه ليكون أنت عرفتني وخاش عني .. بس ما يهم خلاص
خالد:*لا والله أنا أحس فيج اليوم وأنا في محاضرة الأنجليزي ما حسيتج قربي حسيت شي ناقص مني .. والله ضاقت فيني الدنيا .. شو صار فيج حياتي
مريم:*أنا يا خالد
خالد:*( يقاطعها) وشو قصدج بعد في ما يهم خلاص ؟؟؟ شو صار يا مريم تراج خرعتيني شو فيج ؟؟؟
مريم:*خالد ما أدري شو أقولك .. ياليت خليت حبي لك في قلبي وسكت بس أنا كنت أنانيه .. ( وتبجي وتسكر التليفون )
تم خالد يتصل عليها طول اليوم لين الفجر .. ردت عليه
خالد:*أنتي شو فيج شو صاير سهرتيني معاج وأنا علي أختبار
مريم:*روح أدرس يا خالد
خالد:*ما أبي أدرس في الأول أبي أعرف شو صار فيج
مريم:*خالد أنا منملج علي من أنا عمري 17 سنه على ولد خالتي .. وأمي عزمت خلاص تزوجني أنا كنت صغيره لما ملجو علي ولا كان أحد شاغل قلبي ولا همني أخذ ولد خالتي ولا غيره .. بس لما شفتك في الجامعه أول مره ما أدري شو صار فيني حسيت أنك خذيت قلبي ومشيت
خالد:*( ساكت)
مريم:*خالد لا تسكت تكلم .. أمانه لا تسكت تكلم .. لا تخليني جي خالد حرام عليك
خالد:*مريم وبعد شو ودج تقولين
مريم:*خالد أنا أحبك والله العظيم أحبك والله اللي خلقني أحبك أموت فيك .. صدقني عمري ما بدأ إلا يوم عرفتك أحبك وراح أتم طول عمري أحبك .. خالد أنا كان ودي ما تتعلق فيني كان ودي أنك تتعرف على وحده غيري بس شو أسوي .. خالد صدقني ما قدرت أمنع روحي عنك لما عرفت رقمك .. خالد أنت أنت .. ما أدري شو أقول
خالد:*شو بعد تقولين .. حرام عليج
مريم:*خلاص لا تقول جي .. أنا اللي سويته كان قصبن عني لأني حبيتك والله العظيم حبيتك من كل قلبي بس أمي خلاص معنده أنه أتزوج ولد أختها الله ياخذه يا رب
خالد:*لا تدعين على ريلك
مريم:*مو ريلي ولا أبيه أبيك أنت خالد أنت الوحيد اللي أبيه اللي حبيته ولا أبي غيره .. خالد شو رايك أنحاش وياك ونتزوج .. خالد أنا ما أقدر أصبر يوم عنك
خالد:*لا وشو ذنب أمج تبين تذبحينها
مريم:*وهي ذبحتني ألف مره لما زوجتني لولد أختها .. وراح أموت مليون مره لو أبتعدت عنك
خالد:*مريم .. طلبتج .. وأمانه لا ترديني لو أنتي تحبيني لا ترديني
مريم:*( تمسح الدموع اللي على خدها ) يا عيون مريم وروحها وحياتها .. أمرني
خالد:*أنسيني ولا تدقين علي
مريم:*( تنصدم ) خالد أنت شو قاعد تقول
خالد:*هذا طلبي ومع السلامه يا مريم

أها مرت سنين وأنتي على بالي ما نسيتج يا مريم وتخرجت وأنتي في بالي ولا حبيت أحد غيرج يمكن أنتي الحين خلاص نسيتيني وأنشغلتي في حياتج ويقاطع تفكيره رنت تليفون ولا رقم غريب
خالد:*الو
مريم:*مبروك على التخرج يا خالد
خالد:*( وتنزل دمعة الفرحه من عينه ) منو مريم
مريم:*أيه مريم .. اللي ما نستك ولا لحظه
خالد:*أنتي وينج ؟؟؟
مريم:*أنا طول عمري قريبه منك طالع قدام وراح تشوفني

ويطالع خالد من الدريشه سياره قدامه ولا في سياره فورد زرقاء فيه بنت بس ما قدر يشوف ملامحها عدل وينزل ويروح لها
خالد:*هاذي أنتي يا مريم
مريم:*أيه هاذي أنا .. شلونك خالد
خالد:*ما شاء الله عليج كل سنه تحلين أكثر .. لو أدري أنه يوم من الأيام كنتي حبيبتي كان
مريم:*( تقاطعه) ولا زلت يا خالد أحبك
خالد:*تكفين ما ودي أفضح عمري وأناقز في الشارع من الفرحه
مريم:*( تضحك) الله يقطع أبليسك .. أيه صج ما عرفتك على عيسى .. عيسى يمه تعال قرب .. ويقرب عيسى من كشن وراني ولا الولد ماخذ حلاة أمه كلها وكان يشبه أمه حيل
مريم:*هذا عيسى ولدي
خالد:*ماشاء الله عليه مزيون .. طالع على أمه
مريم:*وعلى أبوه الله يرحمه
خالد:*الله يرحمه .. مات متى.؟؟؟
مريم:*من ست أشهر .. الله يرحمه في حادث
خالد:*الله يرحمه .. مريم أنا من طبعي ما أحب مقدمات ولا شي .. مريم أنا تخرجت مهندس .. لو أتقدم لج موافقه ؟؟
مريم:*يا خالد بس ولدي
خالد:*حسبت ولدي .. ها شو رايج ودي تكمل فرحتي
مريم:*بس يا خالد
خالد:*لا بس ولا شي خلصيني
مريم:*( تبتسم ) أفكر

وتزوج خالد من مريم .. ولكن كان خالد عقيم .. ورضوا كلهم في عيسى ورباه خالد أحسن تربيه وكان حسبت ولده ويكبر عيسى ويتزوج من زميلته في الجامعه بس ما عانا مثل ما عانا خالد ويه أمه .. لأنهم تفاهموا الموقف وعرفوا أن الحب أثمن شي في الوجود
&*&*&*&
&*&الـنـهـايـه&*&
&*&*&*&

القصه مرة مؤثرة
مشكورة
انا لي قصة حب مشابهة للحين ماشفت نهايتها
وان شاء الله تكون سعيدة

يسلموو قصة مشووقه

ونيهايتها سعيده

وأحلى شي أنها بالعاميه


يعطيج العافيه حجيه والى الامـام

يسلمـــــــــــــــــــــــــــــــــــــو ع القصه اللع يعطيك الف عافية

قصه حلووه مرره

التشويق كان موجود بين عباراتها

القراء دائما يطمحون للنهايات السعيده وهذا ماتميزت به قصتك ... لا عدمنا من جديدك..

عليان نتمنى لك نهايه سعيده وسعاده ابديه..

والله الموفق