رحلة أعضاء قطوف الاولى .. الكل يدخل ويشوف.. برئاسة الساميون ودلع..

لسلام عليكم والرحمه والبركه...

حبايبي أخباركم... علومكم... انشاء الاموركلها تمااام..

اكيد شفتوا العنوان...

الموضوع الله يسلمكم لا ني بغيب عن المنتدى شهر...

قلت يابنت سوي لهم رحله يفرفشون ويستانسون ويضحكون... من باب
التغيير والبحث عن الجديد..

والفكره طبعاً ملطوشه..لكن الكلام كلامي... للعلم فقط...

وهذي الرحله الاولى للمنتدى وانشاء الله ماراح تكون الاخيره...

طبعاً انا اخترت شخصيات الرحله بناءً على اللي كانوا معي دائماً و باستمرار يردون بمواضيعي.. يعني رحلة شكر لهم..


والرحله الثانيه انشاء بيكون فيها كل من رد لي على اي موضوع

بالمنتدى... ولو موضوع واحد..



طبعاً الرحله كلها صرقعه ومزح بمزح وضحك ورجه... شوفوا احداثها

بروح رياضيه مرحه...


واذكروني فيها...

دلـــــــــــ مذهله ــــــــــــــــــــع

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور

الجــــــــــــــــــــــــزء الاول
________________
في و احدة من مئات أفكاري الجهنميـة....


أقترحت على الساميون نطلع طلعة بحريــة كلنــا على ضفاف بحر قزوين

<<<<< ( أقطع إيدي أحد يعرف وين _ يقولون باخر الدنيا لووووووووول)

قال الساميون : مــا دامك إقترحتيهــا ..نظميهــا ...

قلت : مو مشكلـة بدأت ..أحط شروط الرحلـــة و كانت أهمهــا

الدفع على 200 ريال و العضـو اللي مشاركاتـه تقل عن 500 مشاركة مـا يروح....

وجاتني العديد من الايميلات مفادها:


دلــــــــ مذهله ـــــــع اسمعي انتي مو تسويها فيني و الله لأكســر نوافذ الباصات لــو مــا أروح ....

عليان: اذا فيكم خير اركبوا الباص و إحنــا مو موجودين ..و اللـه لأدوس في بطونــكم..( مايسوى علي كل هالصراخ)


بعد أسلوبهــم الذوق معــي قررت ألغـي الشرط الثانــي بــس إشترطت أن يدفعوا 00 3ريال ..200 إشتراك ..و 100 بدل كرامـــة ....

وشرط بعد بالرحله مهم... اللي بيروج معنا لا يجيب معه جواله...

طبوا علي الجماعه كلهم اللهم ياكافي ... مسوين لي مظاهرات... ليش جوالاتنا ما ناخذها...بناخذها وانت ما تشوفين الدرب..

قلت اجل نكنسل الرحله... قالوا لا كل شيء نتحمله الا ان الرحله تتكنسل.... حرااام تعشميننا فيها وبعدين تهونون..( ما يجوون الا بالعين الحمراء)

قلت اسمعو كلامي وابشروا بسعدكم... قالوا ماعليه طيب ليه.. ما ناخذ جولا تنا.. قلت الرحله هذي رحلتنا ما نبي

احد يزعجنا ليش انا مو معكم .. وليش رحتوا وما اخذتونا ... نهوون عليكم.. ومن هالكلام من الاعضاء..

واقتنعوا بعد جهد جهيد...

اما بالنسبه للمباغ كلهم قطوا ما باقي الا تاج راسي .

.أتصل تاج راسي محتـج على المبلـغ (و الله انه قحيييييط)

و قال : ليه عمتي بتودينــا باريــس ..ليـه يعنـي 200 ريال ....

قلت له:-
انا ادري ان حدك اللي في حصالتك مجمعهم من فسحتك بالدراسه ..

وبتروح تستاجر فيها دباب وتفر بالبران وترجع تاكل فلافل ..

هذا وانا عازتك وأبي آخذك معانا بعد ..

اقول اهجد بس ههههههههههههه

وطلعت منه الفلوووس ريال ريال وانا بنت ابوي..






المهــم إتفقنـــا مـع >>>>>صرتوا تعرفونه الساميون,,,,

أن الطلعــة تكون يوم الجمعــة الساعـة 6 صباحآ و التجمـع عند كورنيش الخبر.. بالسعوديه..
( ابيكم تشوفون بحر السعوديه اول وبعدين قزوين اللي ما يندرى عنه لوووووول)

و جــا اليوم المحــدد .....كان أول الواصليــن بست فرند...( يا مالك بالرحله من مواقف)

كان بست مصحصح و نشيــط(خايف لا نروح عليه و تروح فلوس الرحله) ...

قال : هاااه و ين الجمـاعــة ..( بيستوعب هم راحوا والا لا)

قلت : توهــا الساعة خمس و نص اصبر شوي

قال:- ياليل ما اطولك( ذكرني بالعضو ليل التجافي اللي ماله شوفه بالمنتدى)

الزبده ( الزبده والا القشطه هههههههه)

بدأ توافد الشباب ... قلت لهم لكم مفاجاءه عندي...
البنات بيروحون معنا..

الشباب حالتهم حاله يوم عرفوا ان البنات معهم بالرحله... اللي يدور فرشه بيمشط شعره.. واللي بدى يتكشخ.. واللي طار النوم من عيونه.. واللي بدى يرقص .. واللي طار من الفرحه( مشكله طار من يجيبه اللحين هههههه)
( الله يستر كل هذا البنات تسويه فيكم يالشباب)

( كل واحد يقول بينه وبين نفسه ياحظي بهالرحله اكيد بتكووون حلوه لان فيها بنات)


وعلى الساعه 5 الا ربع شفنا تاج راسي جاي و معــاه البطانيـة و المخدة و معصصصصب .....
( الشرهه مو عليه الشرهه على اللي يعزمه)

يصارخ باعلى صوته : هييي أنتي حنا..دجاج مصحيتنا من فجر الله مــا تخلي الواحد يتهنـى حتـى يوم الجمعــة
( هذا وجهه وجه رحلات اقوول لايكثر هذرك)

(أنا سكت عليه لاني ادري شر النوم اللي فيه... هذا اذا ماكانوا الجماعه كلهم مسطلين نايمين ما فيه احد منهم صاحي لوووووول )


كانت أول الواصلين من البنات (ياويل حالي جينا للوردات)

صوت العشق ..الظاهـر خايفـه نمشي عنهـــا .......

ومعها زهرة الليل ما خلت شي في البيت وجت معاهـا ثلاث شنط كأن الرحلة شهــر(وهي اسبووع)

وصلن مع ابو هنود السواق... اللي يمشي وراهن تشوفه تقول كنه غنمه

( مربياته البنات على الفرفره بالاسواق اللي ياخذ اكياسها واللي يفتح لها باب السياره)

المزيونة جايه مو ممشطه شعرها ..سألناهـا ليــش مـا مشطتي شعرك؟؟؟؟ ...قالت : علشان تكون الرحلة أكثر واقعيــة
( مو مصدقه انها برحله)


أكتملوا كــل الأعضــاء إلا ((قيرل))..عصبوا الجماعــة وقررنــا نمشــي ....( سوالف البنات شنطتي.. شيلتي.. ساعتي.. وغيره وغيره)

آآخــر لحظـــة لحقت على البـاص ..وهي ضاربه الطبلون 180 ...( قلعة اللي يتاخر)


قابلها الساميون وهو واصل حده ... وقالها كم كلمة حاره على الصباح بسبب تاخيرها ..( برد على قلبه ههههههه)


قيرل: انا اسفه ياجماعه وانواع التحذيف عليها بسب تاخيرها.. والشباب كلهم يقولون بصوت انثوي انا اسفه وبصوت رجولي وين تصرفها هذي... هين اما طفرنا بك ما نكون اعضاء قطوووف..

<<<< بيجيها طرااق على وجهها من قيرل لوووووول
عاد انا يووم سمعت هالكلام وانا اشمر عن ساعدي (( الفزعه ههههههه)) .. وانا ارفع صوتي واثقل لهم العيار..
واقووول:- هي انت وياه من تحسبون انفسكم ... البنت تاسفت وانتم اخذتوها بشراع ومدياف صدق ما تستحوون..
وخليني اشوف واحد منكم يزقر لها بكلمه ياويله يا سواد ليله (( ماعندي ما عند جدتي ههههههه لكن حكم القياده الله يكافينا الشر))

وقبل مايتحرك الباص

حدثت مشاجرة بين>> العليان>>تاج راسي ( رئيس كليه التماسيح ونائبها)

على اللي يجلس جنب النافذة ..

بعد الموت حليناها بينهم

طبعاً البنات بالاخير والشباب بالاول... لكن ما ينفع معهم كل شوي واحد يخز الثاني شوووف شوووف .. (مالت عليكم حتى بالرحله ما سلمنا من المغازل)





و أنطلقنـــا على بركــة اللــه .....وقفنـــــا عند أقرب محطــة بنزيــن ...عبينـــا البـاص ......



توووووونــا مشينـــا ..


االا وينقز بحلقي عشق بدوي بكم عبيتي الباص ..و ين الفاتـورة ...أنــا : مـن أول دقيقــة مخــون ...

االثقه معدومه مررررررررره

اووه مفاجاه مووو... لان عشق معنا بالرحله..


الحين خلاص عرفتم صور الشخصيات اللي بالرحله يعني بكمل القصة

مو احسن علشان الموضوع يفتح مع الجميع

مشينـــا ..( وين الموتر لووووووووووووول)

طبعآ الطريق نوعآ مــا طويـــل ... مو طويل بس الا يهد الحيل...
( أحد جابركم تروحون قزوين ... كان رحتو لجده وارتحتو من الشقا والغرابيل)

طبعاً الباص ركبناه من احسن ما يكون يلمع وببيرقمن النظافه..(يبرق والا يرعد هههههههههه)

لكن اللحين اللي يشوفه يقول حشا.. يبيلكم جيش عمالة بلديه للتنظيف.. من الفص فص والمكسرات..وعلب الببسي بكل
مكان..
نجي اللحين للمسجل اللي قامت عليه الهوشه..


صوت العشق تبغــى أغانـي مصريــة....( تبي تهز الاخت هههههههه)

عشق بدوي يبغى خالد عبد الرحمن ...>> راعي مزاج الولد

ومزيونه تبغى اغاني عباس ابراهيم.. تقول لازم نشجع الجدد بالفن ...
( متفيجه البنت)( للعلم متفيجه = مروقه على الاخر)

عليان يقول حطوا نانسي...
<<< تقول بينها وبين نفسها شارب من فنجان الروقي اللي يمووت بنانسي

وزهره الليل تقول المسجل بغير حسين الجسمي ما يشتغل انت وياه...( ذويقه البنيه)

وانا اقوول غير راشد الماجد حريمتكم يشتغل المسجل..( لا تعليق وياويل اللي يعلق ههههههه)


وقيرل تقول : يــا جماعــة حررام عليكم ..هذا طريق خلونــا نسمــع قرآن ...( هذا العشم فيها )

السواق لبناني ..( لا تخافوون يالبنات انا تعمدت اجيبه مو حلو حتى ما تذوبن خبركن ما عندنا ثلاجه ههههههه)
<<< تقول السواق يقرب لمي
تعرفون صدره و سيــع ..أخذ المسجل كسره و رمــاه من النافذه ...( ولّ عليك مستقوي علينا)

و قال : أرتحتــوا هيييييك ...أيييه بلاهـــــا أغانــي .....(اييه شو علينا خيوو هلاّ انت خلصت من المسجلايه واحنا بدنا نتسلى )


انا دلـــــــ مذهله ـــــــــــع كنت وراه بالمقعد ..مت من الخوف ...لا يصفقني بشي...

فتكم علينا بست واطربنا بصوته الحلو...((لا تطير من المدح)) طووول الرحله... وطبعا انواع التعليقات...


مشينـــــا ..150 كيلو .....((عليان)) قال : أبغى أروح الحمــام .....

صحــى تاج راسي من النوم على هذي الكلمــة و قال ..

هذا اللي إخذنــاه من هالمستجدين مثــل الطفل كل شووي حمــام ....

<<< تقول لاتزعلون الدعوه مزح

عليان قال : أنت مــا أحد كلمــك ..أقول كمــل نومـك أحســن .....( هذا الكلام والا بلاش)

الساميون قال : مــافي توقيف قبل مـا نوصل ....

كنت حتى أنــا أبغى أدخل الحمـام ..

قلت لـه : حسب قوانين الرحلة كل 175 كيلو نوقف (( تصريفه من عندي ))...

قال إذا موجوده مـو مشكلــة وقفــوا ....بعض الأعضــاء أشتروا حاجات من السوبر ماركت من نفس المحطــة ...

صوت العشق أشترت كيك شوكولاتـه ..و أكلتهــا بالبـاص .. ( ما قالت اجيب معي لصديقاتي صج ما تستحي )

.و ثلثين البنات يطالعـوا فيهـا هههههه مـا عندهم فلوس يشتــروا ....( لا تسالوني منهن )

طبعا بما اننا كنا صاحين الفجر فالكل توسد كتف الثاني ونااام..


و بعد 3 ســاعات( لا حظوا ثلاث ساعات هههههه) و صلنــــا الى بحــر قزويــن ( واخيراً وصلنا)


ماذا حدث هناك لـــ مذهله ـــــدلع و بست؟؟؟

ماذا حدث للبنات بالرحله ؟؟؟؟

الجزء الثاني للرحله....

وصلنا المكان المطلوب بعد فرفره وعوار راس.. ومطامر ومناقز,,,

كانوا الشباب جوعاااااانيييين


و قال الساميون: يلا يا حلوات اناا جوعااااان بمووووت ( سلامتك يالدب وبعدين لا تفاول على نفسك)

و سمعه عليان و قال : وأنا بعد

المهم قالو الشباب يلا يا عسولات على الطبخ

قامت قيرل شادة الهمه هي و صوت العشق و مزيونه وسيدا على المطبخ ورحت انا معهم ...

ونشوف سيارة بورش ان ماكانت همر ( الشوف شجر ههههههه) جاية من بعيد وواحد را كبها يهبل

، مزيونة و صوت العشق و زهرة الليل ذابو

الا أنا وقفت ولا كني اشوفة <<<<< ااااااخ يا ثقيييلة، ماتنزل نفسها للشباب

وينزل من السيارة وتخيلو الصدفة مييييين طلع






طلع الافق ( والله انك خطير ذوبت البنيات لووول)

و استقبلوة البنات وحدة تشيل اغراضة ( من قدك)

و الثانية توصله المكان اللي جالسين فية الشيااااااب اقصد الشباااااب ( مو زلة لسان لوووووول)

و يوم شافو الشباب البنات ايش مسويين فية

عطوة خزة محترمة من حرتهم

ومن غير نفس سلموا عليه و لعب بعضهم كيرم (( تعرفونها؟)) وبعضهم السلم والداب (( تعرفونها؟))

والشباب يلعبون ويسولفوون الا ويسمعون صوت صراااخ

مين تتوقعون؟؟؟؟؟

هذي صوت العشق وقيرل و مزيونه ومعه زهره قايمين على دلـــــ مذهله ــــــــــــع

ويطالعون الشباب على المطبخ ( لا حظوا مطبخ ) يحصلونه منقلب فوووق تحت...

وقال الساميون: ايش هذي الفوضى مين سواها؟؟؟؟

قالت زهره في غيرها دلـــــ مذهله ـــــــــــــــع خربت كل شئ ( بغينها عون صارت فرعون)

عشق بدوي: ايش هالعجينه السودة؟؟؟؟؟

صوت العشق : هذي سلمك الله بيض الشيفه دلع

ويقول بست فرند: وش هالخشب اللي في الصحن ؟؟؟؟

مزيونه: هذا طال عمرك بطاطس دلــــ مذهله ـــــــــع الحلوة

قيرل تاقف وتقول مافيه غداء كل شيء اخترب


و تتجه النظراات علي وانا واقفه اضحك ميته من الضحك

ويقول تاج راسي و وعشق بدوي وهم ما صدقو يمسكون شئ علي:

يلا احبسوها في الكهف المظلم ( شرانيين لووووووول)

وحبسوني

المهم قامو البنات و جهزو اكل ثاني بعد الحفله اللي سويتها

وزهره جابت لي الاكل .. وتناظرني وتقول الجزاء من جنس العمل...((هين يا زهروه))

وجاء الليل وجلسلوا الجماعه يتكلمووون و يسولفون وتاركيني في الكهف اندب حظي اللي جبتهم معي صدق مو كفوا

الواحد يطلعهم من جو المنتدى ههههههههه

وقال الساميون سالفه كلها شلخ في شلخ

المهم عشق بدوي قال :ززززززززززززييييييييييط طع (يعني صاروخ) يعني على بلاطه سواليفك كذب بكذب

ويقوم عليه الساميون وتصير هوششششه عنيفه

ويتدخل بست فرند و تاج راسي لحل الازمة( راعين فزعه وشقرديه)

و الافـــــــــــق قام يتكلم و يسولف سوالف بااايخة و يقول أنا رحت و جيت

لاني ولد عز و قام يتكلم على السفراات و السيارات اللي شراهم و الموبايلات و الكلام الفاضي

الشبااااب عطوة اشكل و البنات جلسو يسمعونة وكل وحده فاتحه افمها ( صدق ما عندهن سالفه)

المهم بعد ما خلص الافق قامو ينامون على الساعه 7 الصبح..

وبعد ما نام الجميع

قام بست فرند شوي شوي وفتح باب الكهف و طلع دلـــــــ مذهله ـــــــــع يعني انا

وزهره الملقوفه شافته و قومت الشله وقامو عليه ضرب ودخلوني انا وياه الكهف

>>>>>>>> خطه هرب فاشله

المهم اليوم الثاني عفت الشله عنا وسامحتنا ( الله يالدنيا اعزمهم ويطفرون فيني صدق الدنيا مالها امان يوم لك وعشره عليك)

و قررو اني انا دلــــــع ما ادخل المطبخ ثااني( فكه جت من الله)

و بست فرند بأنه يشيل الفطووووور و الغدا و العشى والشباب متكين على الاخر هههههههههه

المهم عدا اليوم الثاني بخير غير الخلافات الصغيره اللي صارت بين صوت العشق و زهره الليل

وتدخلت المصلحه الاجتماعيه دلــــــ مذهله ــــــــــــع احم احم

وسوت الخلاف

ومرت الايام بهدووووء وسلام

طبعاً تطعيس بالدبابات كل عصر... ولعب كوره وتنس وطائره كل فجر... وبلياردوا كل ساعه والثانيه..

وجلسات سامريه كل ليل وتنكيت على كيف الكيف.. وتحذيف بالمساند ... وكررركره... وخبال ورجه وصرقعه..

الجزء الثالث...

ماسالتوني عن البحر اللحين حنا رايحين لبحر قزوين ومو معغقوله ما نسبح فيه..


مزيونه مع خشبتها تبي تسبح وهي ما تعرف


و تروح بالفلين حق السباحه وترووح بعيد

وصوت العشق تسبح بالعافيه الا وشوي تلاقي شئ متعلق فيها وينزلها لتحت

هذي الحلوه زهوره تعلقت فيها و بالمووووت تسبح صوت العشق

وتجي قيرل تنقذهن معي ( فيها الخير)

اما الشباب اللي يشوفهم يقول كانهم سمك... مهره بالسباحه.. مو مثل البنات خنت حيلي...

المهم كان عشق بدوي ذابحه العشق واسمه مبين عليه لووووووووول...

تعرفون تاثير البحر على العشاق... كان يمشي ومطنش الشباب ولا عليه من أحد ..ويهوجس وافكار توديه وافكار تجيبه...

خلاص انتم كملوا باقي الرحله

المهم رجعنا من الرحله وكل واحد مستانس حييييل من الرحلة الرائعة و يحمل في قلبة ذكرى جميلة مع احلى اعضاء

وتواعدنا بالمنتدى الساعه 6 المغرب بالمنتدى... نكتب عن رحلتنا...

وبالفعل تواجدنا بالموعد... وحنا شاقين الابتسامات من الوناسه...

الا ونتفاجىء بالاداره... تقول لنا صفطوا على جنب كلكم...

تخططون وتروحون وتجون على كيفكم... على الاقل كان عزمتونا معكم ...

وبعد محاولات من من المشرفين اللي كانوا بالرحله معنا...سامحونا...



النهــــــــــــــــــــــــــــــايه

ملاحظه :

اللي بيشيل بخاطره او بيزعل يتقبل اسفي مقدما

ترى كل مافي الامر اننا نبغى نغير شوي من المواضيع الجاده

الرحله الثانيه تكون للبر...

صيد.. وتطعيس.. وسامري.. وشعر.. وربابه.. وضوء.. وخيمه... وسباق خيووول...

وراح تكون الرحله الثانيه برئاسة دلـــــــ مذهله ــــــــــــــــــــع مع فارس قطوف...

وا لمجال مفتوووح للجميع...

اتمنى من كل من يشوف موضوعي يرد علي ... اياً كان هالرد...

وسامحوني ياللي ما كتبت اسمائكم... راح تكوون هناك رحلات كثيره... لكن بعد شهر

تحياتي للجميع

اذا فيه رحلة ثانية خلوها بعد سنه الين اجمع المبلغ فقرتوني في الرحلة اللي طافت
بس البحر كان لونه اصفر مدري ليش؟؟؟؟؟
والله يعطيكي الف عافية على الرحلة الجميلة
بس تعالي وين باقي الفلوس ؟؟؟!!!
ليكون ............... (اكمل الفراغ)
تحياتي
نائب رئيس كلية التماسيح
عليــــــــــان

ههههههههههههههههه
دلوع فكرتك مره حلوه
وبننتظر الرحله الثانيه

يسلموووووو والله دلع على المجهووود والله بس لو نانسي معنا في الرحله كاان كاانت الرحله خووووش رحله والله