ترتيب المكياج وصلاحيته
ما اعتقد في وحدة تدخل محل مكياج وتطلع منه وايدها فاضيه
من غير ما تشتري شي
عموما المكياج حلو
بس لي عرفت الوحده اشلون اتحطه ابسنع
اوكي .. وبعد ما نشري ابهالمكياج
انقوم وانحط اللي ينفع واللي ما ينفع فوق بعض
وبعدها بنتوهق
ما ندري هذا وين حطيناه وذاك وين خشيناه
وبعض هالشغلات اتصير قديمة لأن ما استخدمناها
انزين .. اشلون ارتبها بطريقة ممكن اشوف فيها اللي ابيه ابسهوله
وهم يكون فيها كل المكياج يدام عيني
من غير ما انسى شي شريته من فتره وراح يخترب علي بعد مدة
وانا ما استخدمته من الأساس
شوفي معاي بعض الحلول السهله
1
تخلصي من أي مستحضر ما استخدمتيه خلال الستة أشهر الماضية
خلي شغلج كلا جديد لأن المستحضرات بعد مدة ما تنفع كثر ما تضر
2
حطي باقي المستحضرات في حقيبة مكياج صغيرة
علشان اتسهل عليج الوصول للي تبينه ابسهوله
3
قومي بتصنيف المستحضرات
يعني
اللي للعين حطيهم ابروح واللي للخدود ابروح وجذي
وهذا يحتاج منج تخصيص حقيبة لكل صنف صنفتيه ابروحه
مثل ما وضحت لج
4
اتخلصي من كريمات الحماية من أشعة الشمس
( الخاصة بالعام الماضي )
لا تخشين كريمات فتحتيها لأكثر من سنه
وان كنتي محتاجتها استبدليها ابجديد
5
لا تكودين بالماسكرات .. خلج مع نوع واحد او اثنين لين يخلصون
وتذكري تبديل الماسكرا كل 3 شهور بعد استخدامها
لأن وجودها لمدة أكبر من جذي يساعد على نمو البكتيريا المزعجة
6
لا تكودين بعد بأنواع من كريمات الاساس
خلج مع نفس حجي الماسكرا مع نوع او نوعين وبس
واحد ثقيل للسهرات والثاني خفيف للاستعمال المتكرر
.. ولا اتعفسين ابشرتج
خلي كريم الاساس ابحقيبة مع شغل الكونسيلر
واستخدمي كريم الأساس لمدة عام كامل
بس هذا في حالة تخزينه ابمكان جوه خنقول بارد طبيعي مو حار
ولا تنسين
اتصكرين علبته لي خلصتي من استخدامه دايم
والحين عاد رتبي شغلج
وهالله
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
المواضيع المتشابهه
مختصرات طريق حواء
العرض العادي
