شباب فلسطين
بصوا شوفوا شباب فلسطين
شباب جد ووطنيين
لاعلى حقهم ساكتين
ولا على روحهم نايمين
لاع القهوة قاعدين
ولا فى الشيشة ماسكين
لافى جيوبهم قرن غزال
ولاجنازير
سلاحهم حجرهم
والحرية أملهم
لاشارون ولاغيرة
يوقف قدامهم
صدقونى دول مساكين
صدقونى على صعبانين
ضرب وقتل
وشد وكرب
ولاهماش ساكتين
العالم عنهم يتكلم
شباب منهم نتعلم
نتعلم معنى الصمود والمسئولية
عينى عليكو ياشباب فلسطين الأبية
الدرة مات وكمان وفاء
عشان يعلمونا معنى الوفاء
لأرض ووطن ولو بسفك دماء
فى غزة وجنين قتلة وسفاحين
مذابح وشهداء ألوف وملايين
عينى عليكوا يامساكين
صدقونى على صعبانين
وف وش شارون الارهابى
اللى قتل أهلى وأولادى
وف وش الصهاينة الملاعين
اللى على مقدساتكم دايسين
وف وش مدافعهم صامدين
وفى بحور الدم غرقانين
والأمريكان الملاعين
مع شارون واقفين
م عشان مصالحهم
أه يانصابين
والعرب واقفين متفرجين
وفى الكلام بس فالحين
وعلى أى حاجة تانى مش قادرين
وكله بيقول يلا نفسى
يا أخى سيبنى أقول اللى فى نفسى
كله كلام وتنديد
خايفين على مصالحهم م التهديد
مؤتمرات وشعارات
كله كلام ومهاترات
وساعة الجد كله يجرى
ويقول مش عيب
خايف على أجلى
صدقونى أنتوا مساكين
صدقونى على صعبانين
ياسلام عليكوا يا أسود
واقفين ضد شارون والجنود
يا سلام على شباب الصمود
الرب يعينكم رب الجنود
خليكم على مبادئكم
والكل شايف وسامع
وأكيد جاى اليوم
اللى فيه الحق راجع
اللى فيه الحق راجع
تأليف:جرجس رأفت
6-10-2002
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
المواضيع المتشابهه
مختصرات طريق حواء
العرض العادي
