إذا إنت بحريني لازم تدش هني

طبعا كل منطقة في المملكة يتميز أهاليها بشي

باقول جم منطقه وإلي عنده إضافه يقول

((( الموضوع للطرافه فقط دون القصد بتجريح احد أو الإستهزاء بأحد ومع شديد إحترامي للكل ))



مال الرفاع الشرقي: واحد حده صية يازعم بدوي وراكب نيسان وآخرته يطلع هولي من ربعنه!!!

مال الغربي: واحد في يده طاره ومعلق في رقبته درنكات والعود على ظهره.

مال مدينة عيسى: 24 ساعه طق باليس بالموتر وياخذ له فرتين ويرجع يطقه باليس!.

مال مدينة حمد : منخشين مالهم حس.

مال البحير : واحد متسبب عليك مني والدرب معنك لازم تنزل رقبتك عشان تقدر تجوفه من قصره!!.

مال محرق : يمه راشد هات الكاب إلي يم البالدي إلي على الموقعه صوب الترييج مال بانوش ابوك وحاسب لا تتحنقل بالقبان في دربوك
(( طبعا محد بيفهم شي إله ربعنه ))

مال الحاله: إنته شسموك وجم عمرووك والباقي يالسين على الدجه يم البراده .

مال قلالي : مب زين لك تفتر هناك بعد الساعه 12 بدون ما تعرف احد من قلالي صبيانهم مسوين عقد مع الداخليه

مال الحد: واحد يكلم رفيجه ، الله يا بو راشد شزين هالهوييييه ناقصتنه بس حلويييه من شويطر .

مال عراد: واحد زنده يمشي عليه التيس من البحر لي البيت ومن البيت لي البحر.

مال عسكر: لازم تقول دعاء السفر قبل ما تروح لهم

مال الحوره: تبي تدل بيتنه؟ سهل! جفت الداعوس إلي يمه داعوسين وسط الدواعيس الثلاثه إحنه بيتنه في الداعوس الوسطي.

مال ستره : ويش ابو عبدو علي شحوال السمش معاك.

مال سند : يمه بليييييز ابي أبي آروح وذ ربعي عشان هاف سوم فن.

مال الصخير: غير الينانوه ودكاتره الجامعه محد ساكن هناك.

وتقبلو خالص إحترامي

ههههههههههههههههههههههههههههااي بحرينيه


صراحة توني أكتشف ان لهجتنا طلاسم محد يقدر يفهمها الا ربعناا

بس انا زعلان عليج وين أهل البديع يالدبه

بقول عنج : أهل البديع اغلبيتهم دواسر والدواسر كواسر طبعاً ومن زود جلحتهم وملحتهم اذا تجوف الواحد منهم تقول متسبح في طحين
ههههههههههههههههههههههههاااي

معروفين بالطيب والكـرم وتعتبر البديع الديرة الوحيده في البحرين
المتميزة بسمج " الصافي " .

وأهم شي عندهم ألأخلاق وريحة الدلاغ

ههههههههههههههههههههههههااي

ويختلفون شباب وبنات البديع عن بااقي أهل البحرين بالصبغة البرونزيه
النادرة ويرجع السبب في النسل ؟؟ الوالد بحريني والوالدة هنديه ومن
نيودلهي بالتحديد والشعر أكيد ناعم ويتكتكت ...




يعطيج الف الف الف عاافيه حجيه


**************

السالطي