[poem font="Arabic Transparent,5,orangered,bold,italic" bkcolor="burlywood" bkimage="backgrounds/12.gif" border="outset,8,chocolate" type=2 line=0 align=center use=ex num="0,black"]
مشكلة لا جات حاجتك بإيدين المثول = مايفكك لين تدفع كثر ما يدفعه
ومشكلة لا صرت مطعون بكفوف الدخيل = في ظهرك اربع خناجر وبالصدر أربعه
ومشكلة لاضاق بالوقت رجال ثقيل = يطلب احبابه وعيّا زمانه ينفعه
ليت ربي ما يحاسب خليل ٍ من خليل = دام مال الحظ فزعه وللوجه أقنعه
ودام مال العقل تالي وما بالحيل حيل = الغلا ثم نذوقه ومر ٍ نجرعه
نحتري فيه اللقا والحصيل اهو الحصيل = مثل حلم ماتحقق وعيّيت أقطعه
كني اللي حط بشفاه من جمر المليل = لا قدر يرميه للناس وأثره يبلعه
والظروف اللي حدتني لنيران وفتيل = عرضت دمع المحاجر لشي ٍ يجذعه
والمدامع بالغلا لا تحال ولا تحيل = والمشاكل كل ما جات جات مجمعه
اعذلوني عن هوى النفس وعيوني تخيل = في حبيب ٍ ما تركته ولازلت اتبعه
مغرم في حب مثله ولا ارضى له بديل = عيني تشوفه وقلبي يجوع ويشبعه
ذاك كل ما زان بالي وطالعت النخيل = ما ذكرت الا ثباته بوقت الزعزعه
ماهو الا قطعةٍ من حشا قلب ٍ عليل = وماني الا قطعة ٍ منه مخلوق معه
لا جميل شفت قبله ولا بعده جميل = العذارى رهن رمشه وأنا رهن اصبعه
والله أنه لو طلبني طلوع المستحيل = لأطلعه مني مناك يعني لأطلعه
ما علي من الملامه ولا هرج الهبيل = ما اشجع الرجال لآثار غيره ما اشجعه
في عيون اللي عشقني ولا جاني هزيل = الله اللي حط عشقه بقلبي وزرعه
لو سكت ينطق له الصم والدنيا تسيل = وان حجى لو يمشي المزن يآقف يسمعه
سلسبيل من شفاته يخالط سلسبيل = معمعه بسكات وأحلى سكات بمعمعه
ما هقيت أن أكثر الليل يمدح بالجديل = لين شفته شوف عيني بكفه يرفعه
وأن حييّت وما بقى لي معه يا كود ليل = لأسهره بأول غروبه وأموت بمطلعه
والله ان العشق جمرة وطاحت بالشليل = وان حصل ما طاعك الوقت بأحدابك طعّه
منهو اللي علم عداي نكران الجميل = ومن اهو اللي خان خلي وحاول يقنعه
كل عاذل ردني عنك يالطرف الكحيل = يا عسا الله يقلعه يا عسا الله يقلعه
يا معرض قلب الأحباب للدرب الطويل = أسّعه لا بارك الله بالضيق أسّعه
والله ان الوقت قاسي وانا ماني ذليل = وأشهد ان الرجل مرات ظنه يخدعه
وأنتم تعذلون خفاق بعيون العديل = ما رحمتم نار جرحه و حيرة مدمعه
والسوالف ليلها ليل والحايل يحيل = والمشاكل مشكلة مشكلة متجمعه
مشكلة لا خانك الوقت بالحمل الثقيل = لو زرعت الزرع هوج العواصف يشلعه
ومشكلة لا صار عاذلك ما يبرد غليل = لا ترده طيب كلمة ولا حد ٍ يمنعه
ومشكلة لا صرت مطعون بكفوف الدخيل = في ظهرك أربع خناجر وبالصدر أربعه
***********
رائعة من روائع الشاعر / حـامـد زيــد [/poem]
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
مختصرات طريق حواء
العرض العادي
