~¤ô¦¦§¦¦ô¤~ الــ ــتــ ــمــ ــثــ ــال ~¤ô¦¦§¦¦ô¤~

[poem font="Simplified Arabic,5,chocolate,bold,italic" bkcolor="transparent" bkimage="backgrounds/17.gif" border="outset,8,sienna" type=2 line=0 align=center use=ex num="0,black"]
عفا الله عن خطا غدر الخناجر والضلوع أبطال = بسامح وأتركك تحت الظلام الهالك لحالك

دخيلك وفر دموعك ترى هذر الدموع ذلال = وترى مافيه أحد يصبر مثل صبري بغربالك

انا عيب علي أنقض كلامي والرجال أفعال = وإذا قلت اقطع أحبالك تراني بقطع أحبالك

عشان أكسب هدب عينك تجرعت العذاب أشكال = وليتك ترأف بحالي علشان أرأف بحالك

مسوي في حياتي شي ما يذكر ولا ينقال = حشا حتى العدو واهو العدو ما يعمل أعمالك

تمسيني على هم وتصبحني على الغربال = تقلطني فناجيلك وتقصر عني دلالك

تحملت التعب لأجلك وأنا حملي يهد جبال = رحلت من العذاب وما وقفت الا على جالك

علامك كل ما جيك متواضع جيتني تختال = معاك اليامتى بصبر وصبري معك يحلى لك

مثل ما أقبلت لعيونك لزوم تلد لي بأقبال = ومثل ما قد حشمتك حسّ واحشم قلب يشوى لك

انا محد بجابرني أساير معك هالمنوال = ترى لاني تبيع لك ولا ني بأصغر عيالك

انا جيت اعشقك نبض ومشاعر ما أعشقك تمثال = انا جيت أسكنك واحياك وابقى فيك وابقى لك

انا جيت بضمى عاشق تعب يطرد سراب الآل = انا جيت استفز رضاك من فرقاك والجآلك

انا ما همت بك عاقل انا كنت أعشقك بخبال = انا ما كنت احبك حي انا كنت اعشقك هالك

تخيل من كثر ما اخاف تلقى للزعل مدخال = اخاف اخطي على طيفك وأدوس برجلي ظلالك

تبتعتك والعرب تبتع رعود البارق الهمال = وانا شفت المطر يتبعك في حلك وترحالك

كأن اللي خلق حسنك خلقني مع جسدك ظلال = وصرت أقرب جسد يمشي معك بقفاك وأقبالك

ابي قلبك يحس أنه فقد بمحبته رجال = ملكته من هدب عين وخسرت رضاه بأهمالك

صحيح ان الفراق اقسى ولكن الوصال محال = وانا صعب علي ارضي غرورك وأضعف قبالك

بعد ما حققت عيني في بعدك للرقاد آمال = أعوّد للسهر ! ياخوي فال الله ولا فالك

ببدل نظرتك فيني واجيلك كل يوم بحال = بكون أقرب من ثيابك عليك ولاتهيآلك

بلمك وأنثرك وأجمعك وأرجع وأنثرك بأهمال = بخونك وازعلك وارضيك وازعل منك وارضى لك

اب ارسم بالثرى وجهك واب ادفن صورتك برمال = اب اشكي للعرب فرقاك واضحك عند عذالك

اب اهديك الوصال فراق واهديك الفراق وصال = بسوي مثل ما اشوفك تسوي وأفعل أفعالك

عشان تعرف من فينا الزعول ومن وسيع البال = ابيك تذوق فنجالي وانا باذوق فنجالك

نصيحة واحتفظ فيها قصر معك الزمن أو طال = ابي تسمع كلامي زين وتحطه على بالك

اذا حبك هبال أطفال إلك عندي هبال طفال = ولا ؛ وأبشر بعد بأهبال حبٍ ما هو بأهبالك

واذا قصدك تهين اسمي عشان تشمت العذال = حشا لا أنته ولا غيرك ولا عشرة من اشكالك

*********


رائعة من روائع الشاعر / حـامـد زيـد [/poem]

رااااااااائع ،،
على فكرة أفضل مايكتب من الشعراء أخونا الشاعر /حامد زيد،،
وهذا اللينك تبع موقعه أنصح الأخوة بزيارته..



تحياتي أخوكم..

السالطي تسلم وما قصرت..
أهم شئ الاخلاق مشكوور عالموقع ..
وياليت تكتب مو قع" فزاااع".؟؟

يعطيك العافية السالطـــــــــــــي

على نقلك لهذه القصيدة الرائعة

يسلموؤؤؤؤؤؤؤؤؤؤؤؤ حبايبي


شااكر مروركم الكرريم

وومشكور حبيبي أهم شي على الموقع
وإعطائك للموضوع رونق جميل


تقبلوا تحياتي

*************
السالطي

يسلمكـ ربي حبيبي سعد


يسلموؤؤؤؤؤؤؤؤؤؤؤؤ ع المرور


*********

السالطي

يعطيك العافيه اخوي السالطي على

تواصلك العذب والبهي

تقبل تحياتي ..

الله يعافيك حبيبي فاارس

شااكر مرورك وتواصلك الدائم


**********

السالطي