الشاااااعر حــــــــــــــــــــامد زيد

khaoula2007 · 13-01-2008 *, 10:58

سيرت الشاعر

هو حامد زيد سعدون فارس العازمي

مواليد 4/فبراير/1977 للميلاد

الحاله الاجتماعيه : متزوج ولديه ثلاث بنات ( اسماء-ساره-ريم )

اطلقت عليه العديد من الالقاب من خلال الصحافه الشعبيه الخليجيه ومن اهم هذه الالقاب ( قنبلة الشعر, شاعر المختلف, شاعر الشباب, شاعر المطولات, شاعر الخناجر )

من اجمل قصائدة
ومن أجمل قصائده التي قرأتها وسمعتها

تزعلين وتقعدين

عافت الشمس المدينه واعلنت وقت الزوال
رغبة للنوم منها مع عيون الناعسين
ابعدت من يوم شافت بالسما ضي الهلال
كنها كانت تهزا بالهلال وتستهين
كفكفت صبح التلاقي من ورا روس الجبال
واستخارتني وراحت وابعدت عن كل عين
وانتي اخطيتي خطاها وانعزلتي بالوصال
ولا رحلتي من سكات ولا وعدتيني تجين
عشت عمري بالمحبه في سبيل الاحتمال
وانتي تعيشين عمرج تفرحين وتجرحين
من غرورج في جمالج ما عطيتيني مجال
وادري انج تفهميني لو بغيتي تفهمين
كيف اشوف الشمس تشرق بالسما وانتي ظلال
ومن يعيش بوسط غاراً للذياب الجايعين
كنت احسب الكره زايل والجفا لو طال زال
ولا بديتي بالغرام وما بقى فيني حنين
اشهد اني ما خطيت ولا نويت الانعزال
وما خدعتج في غرامي لين شفتج تخدعين
اصدقي بالوعد مره لي ولو فيها سؤال
من عرفتج ما اذكر انج توعدين وتصدقين
كنت اشوفج من عيونج تامرين اقوى الرجال
والله اني قبل اعرفج ما هقيتج تخضعين
كنت اشوفج تبعدين وقلت من باب الدلال
وان بعدتي عن عيوني قلت باجر ترجعين
كنتي اكثر في عيوني من عدد وبل الخيال
وين انا ما ألد وجهي كنت اشوفج تضحكين
وان بغيت اصد عنج من يمين ومن شمال
ما قوت عيني تتلفت لا شمال ولا يمين
عاشقاً والعشق بلوه واشهد ان الحال حال
ولا تركتي رحمة الله ولا عرفتي ترحمين
وادري انج في غرامي للأسف نلتي منال
افترقنا في دقايق والسبب لعنة لعين
حبج اشبه في غرامي بالوصال .. الانفصال
ويلعب الخفاق لعبة كبرياء الخاضعين
بالهوا ما هي غريبه نكبة عيال الحلال
ولاني اول من يصون ولا انتي آخر من يهين
الصداقه في عيون الناس ملفى للعدال
وان جان ردت للصراحه كل ابونا مذنبين
والمحبه شبه زالت والصداقه لا تزال
بس اببقى في عيونج حامد اللي تعرفين
علميها يا قصيده واضربي فيني مثال
وعرفيها بالبداوه في طباع الأولين
عليمها كيف نصنع صبرنا والاحتمال
وعليمها كيف نفلح في العمل دنيا ودين
وعلميها في سوالف حلنا والارتحال
وعلميها كيف نظهر جورنا للجايرين
عليمها يا دقايق علميها يا ليال
وعليمها يا عصور وعلميها يا سنين
ان عشقنا ما بغينا غير عشقا بالحلال
وان نوينا ما لفينا كود ناساً طيبين
كاملين في عطانا بس لله الكمال
والرجل فينا غرامه لو يعين ويستعين
بدوياً ما يقوده للردى شد الحبال
يعسف اليد الشحيحه للعطا حتى تلين
همنا فعل الرجوله ورمزنا لبس العقال
وانتي

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً ( من هنا )

من مواضيعي في المنتدي

0 المعلقات .. العشر
0 أبيات لا تجديها في الانترنت
0 مــن صــغــــر ســـنــــي
0 مسجات منوعة
0 قصائد مغنات
0 قاموس الحب
0 بسالك للشاعر سعد علوش
0 :: أنتـي ولا شـي :: رسالة من قلب مجروح ...!
0 موضوع جديد ومفيد
0 تصاميم ساهر العرب كاظم الساهر
0 مسجات نكت
0 قيــس و ليلى
0 قصيدة نورة لحبيبها اللي تركها وتزوج غيرها
0 لي قلب مجنون ( مسجات روعة )
0 مسجات تعور القلب

khaoula2007 · 13-01-2008 *, 11:02

اقام العديد من الامسيات بالكويت ومن اهمها

الملحمه الوطنيه وكانت بمناسبة مرور عشر سنوات على تحرير الكويت واربعون سنه على الاستقلال وكانت بمشاركة عشر شعراء خمسه من الكويت وشاعر من كل دوله من دول مجلس التعاون وهم كل من :

(خلف بن هذال العتيبي) من المملكه العربيه السعوديه

(محمد عبدالعال) من مملكة البحرين

(هادي القحطاني) من دولة قطر

(خالد المعنى) من سلطنة عمان

(محمد المر) من دولة الامارات العربيه

ومن الكويت كل من :

(محمد عبيد العجمي)

(سعود الفهد)

(شنوف الهرشاني)

(طلال السعيد)

(وشاعرنا حامد زيد)

من اصداراته
وله أربع إصدارات ديوان مقروء ويحمل اسم أربع خناجر

والبوم مسموع يحمل أسم شعر حامد زيد

وآخر يحمل أسم السفينه

والاخير شريط مشترك للشاعر حامد زيد والشاعر خالد المريخي

واسمه امسية هلا فبراير 2004

احلي ابيات الشاعر حامد زيد

مقتطفاااااااااااااااااات
لعنبوك ان مت بيدك وش يفكك من أخواني ... لحزنو ربعي علي وش اللي تستفيده

تخونين وتبين ارضى واحد يرضى تخونينه.. انا لاجيت اخونك مع حبيبه ثانيه ترضين!!

ولا اناقررت اسافر وامتطي ظهر السفينه***لان مابه شي واحد يستحق اقعد عشانه

يـاكبري بـعيني وانـا توني شاب..وأهم كتاب الشعر حاربوني
حتى ولو يهوي على نجمي شهاب..يكفيني إن اسمي iiكبيربعيوني
كد قال ابوي ان هبتهم قول ماهاب..ولو يقدرونك قول ماتقدروني
مشكله لا جات حاجتك بيدين البخيل..ما يفكك لين تدفع كثر ما يدفعه

والـعذاب اللي يذوب بعين من يفقد خليله عندي أكبر من عذاب العين لوتفقد نظرها
والـحبيب اللي صدوده مثل مداته iiجزيله صدعني..واعرفه لاصدعن حاجة iiهجرها

ليه تطعني وانا ميت بليا ؟..ماكفاك اللي حصلي قبل ساعه ii؟..
كن بين همومي وبينك حميا ..جيتكم واحد وجيتوني جماعه ii!..
انت منا والمصايب من هنيا ..كلكم ضدي ترى ماهي شجاعه !!

لا جـميل شـفت قـبله ولا بعده جميل العذارى رهن رمشه وانا رهن اصبعه..
والله انـه لـوطلبني طـلوع iiالمستحيل لاطـلعه مـني مـنا يـعني لاطلعه ii!!

الله العالم لو انك جيت متأخر iiثواني ماتشوف الا بقايا من حصااه ومن حديده

لوكان بقلوب العرب صبر واصرار ماكان سووا فيكم اللي iiيسوون

أجمل قصيده بنظري لحامد زيد

من تحت لي تحت

لو تعرف الخطايا كيف كنت محروم
كان سود الليالي يوم طحت سمحت
ولو هموم المقارق مثل كل الهموم
ما تشوفون عيني بالدموع سبحت
ولو تحن المشاكل عقب حب الخشوم
كان حبيت خشم المشكله واستحت
بين صدة عزيز وكبرياء مهزوم
عين شحت علي وعيناً استسحمت
بس ما الله خلقني من بكاي معصوم
وادري ان المحاجر لو تفيض فضحت
والله اني على جرحي صبور وكتوم
بس الدموع لي روحت .. روحت
اعذلتني ظروفي وانهكتني عزوم
والوجيه حزنت لي والقلوب فرحت
والله ان الليالي ما تعرف السلوم
قلب جافي لقاه ووجه صافي باحت
راهنتني تبلل بالدموع الكموم
ويشهد الله عليها راهنت وربحت
احرمت نور عيني من غلا ريم قوم
بذرة وارتوتني واثمرت وطرحت
جادلاً دوم ما هي بمثلها كل يوم
استضاحت غموض وبالغموض وضحت
دورت بين قلبي والهدب درب نوم
وامرحت وين مدري المهم امرحت
تنحت اسمي بقلبا جيت فيه معزوم
واسمها بين جلدي والعظام انحت
مثل جفني لعيني للنعاس محكوم
كل ما نمت نامت .. كل ما اصحى صحت
ما تعارض كلام غير عند اللزوم
بس لا قمت اسولف واندمج سرحت
دايم ازعل عليها بس قلبي رحوم
وهي تموت في عذابي من تحت لي تحت
مثل وجه الصداقه في ثياب الخصوم
ان تطيبت طابت ان جرحت .. اجرحت
خصها الله بوصف من خيال معدوم
لا آذان سمعت به ولا عيون لمحت
كن ربي خلقها من بياض الغيوم
ومن كفوف السحابه بالورود لقحت
عن سواها فرقها بالقمر والنجوم
وكل عذرى تباها بالجمال نزحت
بالحلى هي كوم وباقي الناس كوم
كفة عادلوها بالبشر ورجحت
حسبي الله على اللي ما بغاها تدوم
من بعد كيف كانت شوف كيف اصبحت
لا تحقق وصال ولا فراق محتوم
خطةً قربتني للفشل ونجحت
لعنة العشق تبقى مثل ضرب السهوم
لو محى الوقت جرحه طعنته ما امحت
كيف ابنسى وانا اللي من جفاف لسموم
ما حشمت العيون ولا الدموع فلحت
كانها بالحميا كل ربعي قروم
لو يلدون لصعاب الظروف صلحت
اجزم ان كنت يا قلبي شجاع وجزوم
لد لعيون بنتاً لا التفت لفحت
من تهين البخيل الا يدين الخدوم
دام كف الخطايا بالجفى لوحت
نطح الباس باس ونطح اللوم لوم
ان تهدت تهد وصيح ان صيحت
يا تعيش بمعزه يا تموت محشوم
ودك ان الليالي لا فعلت مدحت
عمر ضعف الاراده ما يسر الرخوم
ضربة السيف لو بأيد الشجاع ذبحت

شبح المنتدى · 13-01-2008 *, 11:06

مشكوررررررررررررررررررررررررررررررررره يا مبدعه ومشكوره على القصائد الجميله
تقبلي مروري ولا تحرمينا من جديدك
تحياتي لك

khaoula2007 · 13-01-2008 *, 11:07

ـألـشُـعـــرآء { يَـقـُولـون مَـآلآ يَـفـعَـلـون } ..

مابقى الا سـود الايـام تحرمـك الرقـاد
كيف الاوهـام اتجـرأ اتسريـك مغبـون

من متى تجزع من الدمع وتخاف البعـاد؟
من متى تقفي بك ظنون وتجيبك ظنـون؟

صرت تاخذ كذبتي صدق، ومزاحي وكـاد
لو بقول اني بخونك تحسب انـي بخـون

ماتعرف ان كل شاعـر يهيـم بكـل واد؟
وانهـم دايـم يقولـون مـالا يفعـلـون؟

ابك انا لاقلت ابنسـاك وانكـرت الـوداد
والله انـي مانسيتـك وولاهـم يحزنـون

من جزع من صفعة الشمس يطمع بالبـراد
ومن فقد وجهاته الخمس يلقى بك ركـون

اعتبرها هفـوة انسـان او كبـوة جـواد
لو بتسمح فانت غالي ولو تجـرح تمـون

عـد صداتـك مـروة وطعناتـك ضمـاد
خلهن لاراحـن طعـون ولا ردن طعـون

خنجرك يستاهل الطعـن ومتونـي شـداد
ومنك يازين الخناجر ويا بخـت المتـون

ردلي حنيـة المـزح باحسـاس الجمـاد
خلنا واحد يجي صلـب والثانـي حنـون

موت فيني واندفـن فيـك بثيـاب الحـداد
وان حييت أموت لرضاك واحيا بك بهـون

مره ارقد بالكفـن وانـت ترقـد بالمهـاد
ومرة ارقد بالمهد وانـت ترقـد بالكفـون

ادري ان شجونك شجون واعنادك عنـاد
والبلا ان عنادك عناد وشجونـك شجـون

ربك اللي سخرك لـي تقـود ومـا تقـاد
والله الخالـق ولله فـي خلقـه شــؤون

ازرع ضلوعي من رضاك وابشر بالحصاد
لعنبو من جيت ترضيـه وتـرد امحـزون

بس تسوالك بلـد ؟ قـول تسوالـك بـلاد
انت كـل العالـم بكـون ولحالـك بكـون

مابعـد محبتـك حـب ومـرادك مــراد
غير كونك سيد حشاي تدري من تكـون ؟

نعمتين اختصوا الخلق من جـود الجـواد
كافل الأرزاق مـن حيـث مـالا تعلمـون

البنـون ونعمـة المـال بعيـون العبـاد
زينة الدنيا بـلا شـك فـي كـل العيـون

مثل زينة دنيتي بـس عنـدي شـي زاد
من عرفتك صاروا المال وانـت والبنـون

انتشي بك نشـوة التيـه لعنـاق الرشـاد
وافزع الك فزعة القرم لشهـاب الwww.kholla.comwww.kholla.comـون

واحصنك تحصين الأرزاق عن درب الفساد
واعشقك عشق المظاليم لفراق السجـون

لو تزيد الشـوق جمـرة تحولنـي رمـاد
لو يزيد العشق شعـرة بوصـل للجنـون

خـل هقواتـك كبيـرة ونظراتـك بـعـاد
كانك انت بكبرك تهون من اللي ما يهون ؟

ازعلك وارهن حياتي تحت رحمـة زنـاد
تهبى لا والله الا انـت والمـوت تهبـون

عاد اذا ما ارضاك هرجي ولا اللي قلت فاد
انـنـا لله وانــا الـيـه راجـعــون

وانت باكر بتعـرف علـى نـاس جـداد
والكلام يجيك من كـل شكـل وكـل لـون

لاتحسب ان كـل كلمـة بتسمعهـا وكـاد
ولا تصدق هرج شاعر وتخدعك الظنـون

دايم اعرف كـل شاعـر يهيـم بكـل واد
وان هـم دايـم يقولـون مـا لا يفعلـون

حتى انا اللي قلت اعشقك وما اطيق البعاد
يمكن اطلع ماعشقتك .. ولا هم يحزنـون

khaoula2007 · 13-01-2008 *, 11:08

شكراااااااااااااااااااا كثير على الرد الحلو

khaoula2007 · 13-01-2008 *, 11:09

ـألـحِـلـمٍ ..

بوقـت مـن البطا،وبليـل تتـراقـص شياطيـنـه
بعد شفت الضيا ينـزع مـن ثيـاب المسـا ثلثيـن

تحايلـت المنـام اللـي مـثـل بيـتـك تمريـنـه
وانا اللي من تفارقنا وأنـا ماغمضـت لـي عيـن

غريبـة كـل حلـم يـمـر بـرقـادي تزوريـنـه
والاغرب كيف أحلم الحلم،وارجع واحلمـه بعديـن؟

قبـل يومين،شفتـك بالمنام..وقمـت مـن حينـه!
ونمت أمس،ورجع نفس المنام اللـي قبـل يوميـن

أنا اللي قبـل اسافـر شلـت قلبـي مـن شرايينـه
تركته فـي يـدك مثـل الأمانـه ،واحفظيهـا زيـن

تـرى حفـظ الأمانـه دين..مجـبـورة ترديـنـه
أجل ، مافيه أحد كد قال لك(حفـظ الأمانـة ديـن)؟!

مـرد المقفـي بيلفـي.. ويستـوفـي ،وتوفيـنـه
بعـد ليلـه ،ثلاثه،أربعه،عشره،شهـر، شهـريـن

إذا انتـي ،ماانتـي بقـد الكـلام اللـي تقوليـنـه
حرام..استامنك حاجـة،وإذا جيـت اطلبـك تنسيـن

تخونين،وتبيـن أرضى.!وأحـد يرضـى تخونينـه!
أنا لاجيـت أخونـك، مـع حبيبـة ثانيه،ترضيـن.؟

من أول مارجعت من السفـر ماشفـت لـك بينـه؟
وأنا اللي كنت أحسبك قبل ادوس ارض المطار..تجين

تكونين أنتي أول شخـص عينـي تحتضـن عينـه
وكنـت أتخيلـك مـن زود فرحـة رجعتي..تبكيـن

وأشـوف بدمعتـك حكيك..وأعرفـه قبـل تحكينـه
واجيب أحلى مـن اللـي بتحكينه،وأتركـك تحكيـن

تقولين:الـوطـن نـور..وأقـول بنورمضـويـنـه
تقولـي لي:غديـت أحلى،وأقول:عيونـك الحلويـن

كــلام نــام بشفاهك..وخفـتـي لاتصحـيـنـه
ذخرتيـه لغـرام للـي ينام...ويـتـرك تصحـيـن

تغانمـتـي غيابي..لـيـن رجحـتـي موازيـنـه
تعلم مـن يـدك لمـس الكفـوف وعلمـك تجفيـن

وليتـك لاقـيـه بــه شي..فيـنـي ماتلاقيـنـه!
مهـو بغرور..لكـن خابـرك مالـك أمـل تلقـيـن

تغافلـك بغـلا..والإ الحـلا مهـو بمـن زيـنـه!!
تزينه الصور ..بس الصحيح ابـن الحـلال زويـن

وأنـا مانـي بنقـاص عنـه يـوم أنـك تبديـنـه
نصيبي..هو نصيبي لـو يسددهـا مـن الصوبيـن

قنـوع بمظهـري ،والـسـم مايـذبـح ثعابيـنـه
على قول المثـل مانـي حلو..لكنـي مانـي شيـن

إذا أهـداك الزهـر مره،فأنـا اهديتـك بساتيـنـه
وإذا ألهاك بفرح ليلـه، فانـا تهـت لبكـاك سنيـن

وإذا استضعفـتـك أملاكه...وشتـتـك ملاييـنـه
أنا حتـى فتـات الخبـزة أقسمهـا معـك نصيـن

طموحـي ،بـس أجـي وأظفـر بشـي تستحقينـه
تدينـتـه ،تسلفته،سرقـتـه ،مومـهـم منـيـن؟

كأنـي مـن كثـر ماارضـى بكـل اللـي تمنيـنـه
لـو انـك تطلبيـن الله ..يعنينـي، بقـول آمـيـن

أنا ماالعب علـى الحبلين،وقـت الطيـش وسنينـه
تبين الحين يوم أني كبرت العـب علـى الحبليـن؟

ترى عنـد البـدو بالـذات عيـب اللـي تسوينـه
حـلاتـك لاعشقتي..تعشقيـنـي لـيـوم الـديـن

غـرامٍ نسكـن ضلوعه..حشيمـه مـن مجانيـنـه
جفا،يجمـع معزتنا...ولاعـشـق يــذل أثنـيـن

كـثـار الـلـي تحـدونـي وقالـولـي :تحبيـنـه
امانـه ...لاتخلينـي صغـيـر بعينـهـم تكفـيـن

لانــي كـــل ماقالوا(تخون)..اقول:مسكـيـنـه
عليـك الله وأمانه..علميهـم منـهـو المسكـيـن

أنـا خايـف لياطـاح الجمـل تكـثـر سكاكيـنـه
وأنـا ماعـاد بضلوعـي مكـان لطعنـة السكيـن

مثـل ماقالواالمكتـوب واضـح مــن عناويـنـه
لو ارحل منك للغربه بسافـر مـن ظلامـك ويـن؟

كفايه..كـل حـلـم يـمـر بـرقـادي تزوريـنـه
كفاية..مـن تفارقنا..وأنـا ماغمضـت لـي عيـن

قبل يوميـن شفتـك بالمنـام وقمـت مـن حينـه
ونمت أمس،ورجع نفس المنام اللـي قبـل يوميـن

khaoula2007 · 13-01-2008 *, 11:11

ـألـسَـفـيـنـَـــــــه ..

ضاقت وساع الفيافي والوعد متن السفينـه
للطريق اللي دعاني بعد أمـان الله وأمانـه

لاتنادينـي وصونـي قلبـك الله لايهيـنـه
لايراهن في رجوعي لجل مايخسـر رهانـه

ليه ما أرحل عن غرامك بعد ماذقت الغبينـه
أذكريلي شي واحد يستحـق أقعـد عشانـه

قلب ماحن لوصالي مانـي بحاجـة حنينـه
وأشهد أنـه مايعـزر بالرفيـع الا هوانـه

الهـوى الغـدار حـد الله مابينـي وبينـه
والرجل لاخير فيه إن ماحفظ قدره وصانـه

واحدٍ مثلي اليا من حدتـه عوجـا سنينـه
ماشكى لقرب أبن ادم لوهو أقرب من أخوانه

يوم قلبـي ماعصـاك وماقدرتـي تذبحينـه
ليه خنتي فيه وأنتي معه من نفس الديانـه

كان ذبحي بيدك أرحملي من اللـي تفعلينـه
وأن طلبتـك تذبحينـي ماذبحتينـي لعانـه

كل جرحٍ من جروحي تذكرينـه .. تنكرينـه
كن مالك في نزيفه (يـد) خانـت بالأمانـه

ينزف الخافق تواضع لين لطختـي جبينـه
والا أنا ماكنت أبيها توصـل لحـد الأهانـه

قلت من باب الميانـه صاحبـك وتعذبينـه
لعنبوك إرخي معاي أشوي ماصارت ميانـه

طعت عقلك يوم قيل إن العقل للبنـت زينـه
لكن الشرهه علي اللي كنت أحسب إنك تكانه

من بعد ماكنتي أنتي في حشاي أغلى سجينه
بوعدك بطلق سراحك وأتهمينـي بالأدانـه

وين رايح..؟ لأي دربٍ مايرجـع للمدينـه
ليه رايح..؟ لان قلبك ماترك قلبـي وشانـه

كيف أبنسى.؟ ربي اللي ملهم القلب السكينه
مثل ماعانه بقربك لانـوى فرقـاك عانـه

كان قاسي يجرح أطراف السكاكين السنينـه
مايطيح وبنتٍ مثلـك حبهـا هـزت كيانـه

والا أنا خابر خفوقـي مايمـد الا الثمينـه
وإن بغى يغيض الثريا قعد القمـرى وزانـه

مزعلٍ لجلك هنوفٍ رجـت عقـول رزينـه
وإن تهادت بالطريق الجرهدي تزهر جنانـه

جادلٍ كـن الجمـال قبالهـا كتـف يدينـه
والقمر لو شاورت له ينزح وتقعـد مكانـه

كانت أول من تحكم في فـروع الياسمينـه
وأن تعدتهن تثنـن خيزرانـه .. خيزرانـه

بعتها لجلك وصارت لأصغر أطرافك رهينـه
وألا هي لفتة هدبها تغمـرك ثقـل ورزانـه

والخفوق اللي تغذى مـن معـزة والدينـه
مشكلته إنه تعلق في زمـن ماهـو زمانـه

كل مازادت جراحه وأكتشف غلطة ضنينـه
صدقيه أن قال مابه شخص يستاهل حنانـه

يـوم نـادا يافلانـه مارضيتـي تسمعينـه
ليـن صـوت يافلانـه ,يافلانـه ,يافلانـه

كنت أشوفك زعفرانه تقرض الورد وتدينـه
يمكن أني ماقطفتك بس أشوفـك زعفرانـه

كنت أهاب البعد عنـك وأطلبـك لاتذكرينـه
كان خوف من الفراق وخطوت الفرقا جبانه

وماقتنعت أن الخيانه للرجل تلـوي يمينـه
لين ماربي بعثك وذقت مـن طعـم الخيانـه

إسمحيلي..مابقـى فينـي مكـانٍ تطعنينـه
وأقبلي من جوف قلبي كل عطفه وأمتنانـه

والله الله في عذابك بتركـك عينـك بعينـه
دلليـه ولايـرده عـن شقـاك إلا لسانـه

والا أنا قررت أسافر وأمتطي ظهر السفينـه
لأن مابه شي واحد يستحق أقعـد عشانـه

hawaway · 14-01-2008 *, 11:57

الله الله على هالموضوع الغاية بالروعه

مسيرت شاعر انجزتها اختنا الغاليه خولة

موضوع شيق عن شاعر ابدع في قصائده

اشكرج يا مبدعه وفي انتظار جديدك

تقبلي تحياتي

khaoula2007 · 14-01-2008 *, 03:38

شكرا على ردودكم التشجيعية و الله يقدرني و أجيب قصائد أخرى

هناء عيادي · 14-01-2008 *, 03:42

مشكورة يا غالية و الله ابهرتينا بجديدك تحياتي لك
هنو نة تسلمي يا مبدعة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الشاااااعر حــــــــــــــــــــامد زيد

موضوع في شعر نبطي