بسم الله الرحمن الرحيم
السلام عليكم و رحمة الله و بركاته
مساكم // صبحكم .. الله بالخير ..
الموضوع عباره عن قصيده من النصائح إنشاء الله أستفيد و تستفيدون منها ...
أترككم مع الأبيات :
((يالعبد هونها ترى كل مطرود ملحوق))
دنياك هــذي كلهــا هَــزِّ قــاووق
ما تعرف الصاحــب من اللـي معاديـك
واكثــر كلام الناس بالمكــر والبـوق
يهـرج معــك واليا تِقَفَّيـت يرميــك
المـال دايــم صاحبــه مرتفــع فوق
والقـل خايــب لو تَرَفَّعْــت يرْخِيـك
عزِّي لمــن دَوَّرْ لها عنــد مخلــوق
إما بخــل ولاّ مَنَــن يـوم يعطيـك
أوصيــك بالطيِّــب إن كان لـك ذوق
إرمــه وراك ولازمٍ إنــه يلاقيـــك
يا العبــد هوِّنها ترى كل مطـرُود ملحُــوق
لا تِشْتَحِــن لك رَب ما هُـو مخليــك
اللي جعــل لك رُوح جاعلــك مرزُوق
كما تَكفَّــل بك مـن الخلــق كافيــك
يعطــي وباب الرِّزق ما هُو بمغلــوق
واليا طلبتــه وانـت محتـاج يعطيــك
الـرِّزق له حبســه وله وقت مطلُــوق
وإن مــت ظل عند قبــرك يناديــك
والموت جايــك لو تقع جوف صنـدُوق
دع عنـك ما بك من حــذر لا يعنيــك
لا تشتغــل بالمال ترى المال ممحُــوق
مـا مالـ! ـك إلاّ ما تمـــده أياديــك
إن كان مالــك يا فتــى ضيق السـوق
تـراه عند المــوت ما هـو منجيــك
الجــار والعانــي لهُم شرط وحقُـوق
والضيــف واجب تكرمه يوم يلاقيــك
وان كان تبــي تأخذ المـدح مطبُـوق
خلك مشمــر دُون ضيفـك وعانيــك
صُـون الأمانه واظهر الهرج بصــدُوق
ولا تعاشــر صاحب البـوق يعديــك
لا تصحــب الخايـن ولا تامن النُّــوق
وان لاح بـراق الحيــا عَذَّرَت فيــك
والـدرب لا تامنــه لو كنت مرفُــوق
إلا بِحـــدٍّ في يمينـــك يباريـــك
أترك طريقــة كل عاشِـق ومعشُــوق
ترمي برُوحــك في الشرك ثُم يرميــك
والكلب ما يتبعــك لو تلبسـه طــوق
ولا خلاخيــل الذهــب ما يراعيـك
وبالصبر تغلب صاحب العزم يا شــوق
والعزم طيــب مَيْـر حزات يرميــك
وافــرح ليا منك عن الشـر مــدروق
واحذر صديقــك واحذار اللي يُواليــك
هذا كـلام الصــدق ما هُو بمســروق
وابيــات يا قلبــي بِناَهَــا يسَلِّيــك
من هاجسٍ يطمــي كما بحر صافــوق
احذر على القلب الشقـي يوم يِطْريِــك
يا رَبِّ تجعلنــي من النــار معتــوق
واجعــل ختامــي طيباً يوم الاقيــك
7
7
7
و سلامتكم ...
الشاعر // بديوي الوقداني ...
..إنشاء الله أعجبتكم و إسافدتوا ...
تقبلوا تحياتي و تقديري أخوكمــ//د.مبدع
و دمتم بود
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
المواضيع المتشابهه
مختصرات طريق حواء
&& نصاايح && بلساان الشاعر بديوي الوقداني
العرض العادي
