هذه قصة حقيقية حدثت في احدى الدول الخليجية
و قد سمعت عنها قبل كمن اسبوع
المهم القصة تتكلم عن عايلة
مكونة من اختين و أخوين و الأب و الأم
و اسمحولي نص القصة بالعامي
...............
المهم
البنت العاشقة كانت ترمس واحد عالتلفون و كانت تحبه مووووت و ما تقدر تستغني عنه
المهم في يوم من الأيام كشفتها الأخت الزينة و كانت تنصحها بس مافي فايدة
و في يوم من الأيام كان التلفون يرن و للأسف ردت الاخت الطيبة عالتلفون
و يوم سمعت الصوت سكرت في ويه الريال و طلع ****** داق حق أختها
فهددتها الأخت الطيبة إن إذا ما هدته بتخبر الأخو و الأبو و هنيه المصيبة و قالتلها بفكر
و في يوم من الأيام كلمت العاشقة الريال و قالتله ييبلي كاميرات فيديو
فلبالها ****** الطلب
و ياليته ما يابلها الكيمرة
المهم
في يوم من الأيام اشترت العاشقة فستان و لبسته و بعدين قالت حق اختها البسيه يمكن عليج أحلى و أصرت على الموضوع
المهم يوم كانت البنت تبدل دخلت عليها الأخت العاشقة و يلست تصورها و هي عارية لين ما لبست الفستان
و بعديت نقلت الفيديو على التلفون و خزنته
و قالت حق اختها انها بتفضحها اذا خبرت الأهل المهم البنت يحليلها تمت ساكتة لأنها ما تبى تنفضح
المهم قالت العاشقة حق حبيبها انها تباه ينشر الفيديو اللي صورت فيه اختها عشان الأهل ما يصدقونها يوم بتخبر عليها
المهم فطرشت الفيديو
و في يو من الأيام كان الأخو في الميلس أو الديوانية يالس ويا الشباب
و فيلس ****** يراوي أصدقاءه أو ربعه الفيديو و كلهم يضحكون فعرف الأخو ان هاي اخته و طلع شوي شوي من الديوانية و قال حق الشباب انه هو تعبان
و بعدين راح الأخو البيت و يستلم البنت و يخبر الأبو و تمو يضربونها ضرب ضرب من الخاطر على الفضيحة و يوم قالت البنت الطيبة حق الأخو الصدق صدقها بس عقب ما اتعذبت البنت و انشلت تقريبا و حست ان كرامتها ضاعت و محد كان يصدقها غيره
و مرت الأيام و كانت العاشقة الحياه حلوة عندها و بعدين خططت انها تطلع و يا ****** فقالت حق أخوووها انها بتطلع و يا ربيعتها و قالتله وصلني وبراويك اياها و قالتله اوثق فيني
و قاللها و صدمها :
كيف أوثق فيج و انتي دمرتي عايلة بأكملها ..
..........
أسأل الله لنا و لكم الستر
عافان الله دمرت عايلة عشان شخص لا تعرفه و لا يعرفها
ما أقووول الا ليش يا دنيا ؟؟؟
و بصراحة هاي الأشياء منتشرة في مجتمعنا و السبب مجهوول بس ما نقدر انقوول الا لا حول و لا قوة الا بالله العلي العظيم
وانشالله تعجبكم
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
المواضيع المتشابهه
مختصرات طريق حواء
العرض العادي
