أمس الضحى عديت روس المراقيـب
واللـي حدانـي للمراقيـب هاجـوس
هاجوس يطري مـن ثلاثيـن ويغيـب
وليا طرى كني من الهـم ..ممسـوس
وسبايب الهاجوس شفـت التعاجيـب
في تالي الايـام,, والوضـع محيـوس
شفت أختـلاف فالعـرب, والهناديـب
وأختـل ميـزان الرياجيـل فالـروس
صـارت مجالسنـا لحـش العراقيـب
الهرج غـدرا ,, والعراقيـب فانـوس
صـارت مجالسنـا لـدق المناسيـب
من بعـد ماهـي للرياجيـل نامـوس
مـن بعـد ماهـي مدهـل للمكاسيـب
راحت خسايرهـا مروبـع ومسـدوس
فيها الثعل يامر وينهى علـى الذيـب
والحر يزهم بـوم والليـث جامـوس
وفيها الثلاث اللـي تزيـد المشاهيـب
بالوت ,,والتنباك ,,والثالـث المـوس
موس الصحيب اللي يجـز الأصاحيـب
منه السليم اللي به المـوس مغـروس
وأكبر قهر.. واللـي يزيـد الغثاريـب
الريس اللي تخبـره صـار مريـوس
وليا نشدت العرف ,ويـش التسابيـب
فاللي جرى وأضحى به الحال من*** ؟
جاوبك منهـو لحيتـه كدهـا الشيـب
المال عز نفـوس ,, ومذلـل نفـوس
كم واحد"ن" صدر لـه المـال ترتيـب
حتـى لـو انـه فالرياجيـل دنفـوس
وكم واحد"ن" مفهوق ما بـه عذاريـب
عذروبه المزعوم مـا عنـده فلـوس
وكم واحد"ن" للطيب يرسـل مناديـب
وهو مالبس للطيـب عمـه وملبـوس
ولكن علـى الله,, يازمـان التعاجيـب
منك أستفدنـا جملـة أحكـام ودروس
منك استفدنا كيف فـي شمـخ النيـب
تسكن حرار القوم ما تسكـن طعـوس
منك أستفدنا كيـف عكـف الاشانيـب
اتشوم عن درب به الـراي مديـوس
ومنك أستفدنا كيف صفـو المشاريـب
يبقا صفا..مـا دام مـا راده نجـوس
وأخصهـا مـا اعمهـا ..للمعـازيـب
اللي مجالسهـم بهـا العـز ملمـوس
والكلمه اللـي تسلـم الشـك والريـب
بجرها جـر الربابـه علـى القـوس
المجلس اللي ما يعمـر علـى الطيـب
لا بوه ..لا بو ناس في ظلـه جلـوس
المواضيع المتشابهه
مختصرات طريق حواء
أمس الضحى عديت روس المراقيب ,
العرض العادي
