السلام عليكم
اليوم جايب لكم
محاوره شعريه بين شايب وفتاه عمرها17 سنه ......
بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن فيها ومشهور بانه حبيب ..........
فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله كيف تكون
راحت له وردت عليه السلام كيف حالك يا شايب رد السلام والله بخير الله يعافيس
وفجأه عطته ظهرها ومشت ولا استإذان ولا شي
ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت باخوي حمود اللي في قبره ويذكر التاريخ واليوم اللي قابلها فيه
يقول الشايب :
>>>>>>>>
يا بنت خوذي خاطري وارحميني
لا تجرحين العود بعيونك السـود
غضي نظرك وغطي الوجنتينـي
لعل يومٍ جدد الجـرح مـا يعـود
يوم انتهى مع مرمسات السنيني
جتني صواديفه على غير مقصود
باول شهر عشره نهار الثنينـي
حمدان مروا به على جنازة حمود
البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ راحته في التغزل
ردت عليه وهزأته تقول
>>>>>>>>>>>>>>
يا شايب الرحمن وينك وويني
عزي لحالك قدمك الباب مسـدود
قلبك عطوف وجاه قلبٍ متيني
والبنت ما تشفق على مغازل العود
حبل الرجا مقطوع بينك وبيني
مثل الغليث اللي رعا قلبه الـدود
اقفى شبابك والعرب مقبليني
يا عود ما يرجع من العمر مفقود
حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها صدي عني انه ما يبي الغزل بعد ما وصل عمره ثمانين سنه
يقول حمدان :
>>>>>>
يا بنت صدي بالعيون الظليله
لا صد عنـك الله نهـار القيامـه
مالي ومالك يالفروع الطويلـه
لو فيك من رسم البـداوه علامـه
يابنت ما لي بالثمانين حيلـه
اهدف كما تهدف على البير قامه
اقفى شبابي والدهر شفت ميله
يالله حسـن الخاتمـه والسلامـه
اعطيك موجز والبضاعه قليله
واخذت لك من صافي الماء سنامه
راحت الايام والشايب مسكين سنه خذله معها شايب وهي بنت وتقول له كيف اعطي شايب وجه
بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب
يقول حمدان
>>>>>>
يا بنت ما جاس الكبر والخشونه
وعادت شباب اليوم يجفل من الشيب
ياسرع ما وبلك تمـزع مزونـه
يالفاتنه يـا ام الثمـان ا
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة وإذا لم تكن فيمكنك تسجيل عضوية جديدة
مجانا ً (
من هنا )
المواضيع المتشابهه
مختصرات طريق حواء
محاورة شعرية بين شايب وبنت عمرها17 سنة
العرض العادي
