عكس معظم البنات

السلام عليكم ورحمة الله و بركاته ..

أختي العزيزه بأرد على سؤالك .. لأني من شهرين و شوي كنت أعاني نفس معاناتك ..
والحمد لله .. تعرفت عالغاليه (( منوهه ))و أنقذتني بفضل الله من النحافه اللي كنت متوهقه فيها ..

الوصفه الأولى ...
طعمها واااااااااااااايد حلو ..
المقادير ..
حليب الأبل .. كريم أو قشطه طازجه حسب المتوفر عندك.. سكر .. نقطتين بس من قطر الموز ولا تكثرين عشان ما تصير مره ..
نشاء مذوب في ماي بارد ..
وتقدرين تضيفين بودرة الكاكاو .. أو الكاسترد .. أو الفراوله بحسب ذوقك ..
انا سويتها بالكاكاو و الكاسترد ..
وفيك تضيفين النوع المحبب لك من المكسرات المجروشه ..

الطريقه ..
تغلين الحليب على النار و تضيفين النشاء بعد ما يغلي و تخففين النار شوي وتضيفين السكر و الكريما أو القشطه
وقطر الموز .. والنكهه اللي تفضلينها "" كاكاو .. كاسترد .. فراوله ""
ولما تبدء تثقل أو تثخن تطفين عليها وتوزعيها بالكاسات وتضيفي المكسرات .. أو حتى الفواكه المجففه << جنااان وياها ..
وتخليها تبرد بالثلاجه و عليك بالعافيه ..
وهذي وصفه جربتها ولها نتيجه واااااااااضحه ..
ومريحه أنه بأمكانك تسوين كميه وتحطيها بالبراد وتاخذين منها كل يوم ..

وهذي وصفه ثانيه لمنوهه روووووووووووووعه ..
وتزيد الوزن بعد ..

الكريمة هذه ما تصدقوا قداش هي سهلة وما فيه كريم أحلى منها بس خذوا بالكم لأن كثرتها تسمن
المقادير
1- 1علبة قشطة بأي نكهة او سادة (انا استعمل الفراولة ومرات العسل ومرات سادة ) حسب المتوفر بس شوفو الصنع ما تاخدوش الدنماركية أوكي
2- 2 علبة كريم شانتي بالسكر أو لا على حسب حبك للسكر .
3- شوية حليب .
4- عصير اي نكهة برتقال او فراولة او خوخ الموجود عندك.
5- موز مقطع وفراولة مقطعة .
الطريقة
خلطي الكريم شانتي حسب التعليمات وماتهتميش لو لم تكن كثيفة
فرغي محتوى القشطة وحركيها جيدا ثم اسكبي العصير مع الخلط بحيث تكون الكريم ليست مثل الماء وليست جامدة (بيب البينين)
أخيرا وليس أخرا ضعي الموز والفراولة داخل الكريم وقلبيه جيدا
ضعيها في الثلاجة تبرد ثم قدميها في اكواب وزينيها بقطع من النعناع والفراولة والقليل من صوص الفراولة الذي يعد باخذ حبات من الفراولة ووضعها في خلاط مع شوية سكر وماء قليل جدا صحتين


الوصفه الثالثه ..
سلطة الفروت روووووووووووعه وطعمها جنااااااااااااااان ..
ومقاديرها ..
الفواكه الموجوده عندك ..
كيوي .. اناناس .. تفاح .. برتقال .. منانجو .. كمثرى ..قريب فروت ..كرز .. توت .. فراوله ..موز
كل المتوفر عندك من الفواكه ضيفيه ..
طبعاً قطيعها حسب رغبتك .. وحطي عليها عصرة ليمون عشان ما يتغير لونها ..
وأخفقي كريم شانتيه (( كريمة الخفق الخاصه بالحلويات ))
بشوية ماي بارد حتى تنتفش و ضيفيها للفواكه وتقدرين تضيفين كاجو ولوز وفستق مع الوصفه ..
وأذا توفر عندك عصير للفواكه ضيفي شوي منه للسلطه
وحطيها بالبراد شوي و بالعافيه عليك ..

وأهم الوصفات اللي مواضبه عليها للحين وأخذها معاي وين ما رحت ..
هي وصفة " السلو "
1 كلغم لوز بأنواعه
1 كلغم فول سوداني
250 غرام حلاوة " الطحينية المعروفه عندنا "
4 كلغم دقيق ابيض محموس
لتر زيت نوار او دوار الشمس
قليل ملح ..
1 ملعقه كبيره قرفه " دارسين " مطحونه
250 غرام زبده ذايبه
قليل جوزة الطيب
250 غرام عسل

الطريقه ..
تقريباً هذي كميه كبيره شوي بس تحفظينها بعلبه خاصه و تحطينها بالخزانه الخاصه للمواد الغذائيه أو البراد
وتاخذين منها ملعقه او ثنتين كل يوم حسب رغبتك ..
يقلى اللوز و الفول السوداني بعد ما تسلقينه و تقشرينه ..
وتحمرين الدقيق و السمسم بالفرن حتى يصير لونه ذهبي محمر ..
وتطحنين اللوز والفول و السمسم مع بعض وتضيفين له الدقيق و القرفه و الملح و جوزة الطيب و العسل و الزبده وباقي المكوناتوالطحينية .. بحيث تكون مثل العجينه الملساء (( مثل زبدة الكاكاو والفول السوداني أو النوتيلا ))
وتحفظينها بعلبه و تخزنينها وتدوم صالحه لشهر ..
وهذي أكثر الوصفات اللي عطتني منوهتي وفادتني بصراحه زبأذن الله تفيدك بعد ..

للمعلوميه ..
قبل ما أعرف هالوصفات كان وزني بالثلاثينات والحين شوي ويصك الثماني و الأربعين