تعبت آخِيط من طاقة جروحك ثوب
... يجي قدّي .. ولكن يفضح أحوالي !!
مغير أمشي وراك وهو يجرّ ذنوب
... الين اسوّد وجهي وانتحر فالي
آنا مذنب في حبك بس عجزت آتوب
... آنا مذنب في حالي .. يا بري حالي !
متى ما جيت أكفّر عن خطا .. يا دوب ..
أبتصدّق .. وطيفك يقطع ريالي !!
يمرّ الغيم ، وأفتح عيني ، وآجرّه
... الين ْيحك جرحي وأبكي احساسي
وأوادع كل راحه وأرجع اتشرّه
... على ثقل القرار وما صنع باسي
لأنّي ما فقدتك لو ربع مَرّه !!
.... انا يوم افترقنا فاقدٍ ناسي !!
أحس بـ ( لا شعور ) ولسعة الحرّه
... ولكن لا ذكرتك وانت متناسي ...
... هذاك اليوم ، كنّي بالعٍ جمره
... اغص آبعتذر لك ، والبلا ياسي ...
... يقول انسى القضيّة واكفني شرّه
... مثل ما ذقت كاسه عبّ له كاسي
-
وأنا مقفي ، وأشوف الموت !! وآجرّه
... وأطيح بـ شوق ، وأرجع وألقط انفاسي !!
تقل كنّي يتيم يعانق الحسره
... بعد ما رحت وانت مكفّن احساسي !!
فمان الضيق . روّح . والوعد بكره ،
... مصير القاسي ايعتّب ثرى قاسي
وانا ما عادني شفقان عالنظره
... انا شفقان عقلي يرجع لـ راسي !!
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
المواضيع المتشابهه
مختصرات طريق حواء
فمان الضيق
العرض العادي
