نفسي اعيش براحة مثل الجميع
ابي حياه عاديه جدا ما ابي مظاهر ولا ابي فلوس
ابي ارتاح ابي اطالع المرايا القى نفسي اجمل انسانه تستحق انها تحب وتتزوج وتكون اسره مثل باقي الناس
تعبت نفسيا من حياتي تعبت من بشرتي ومن حب الشباب وحساسيه جلدي من اي شي ..
الدنيا تغيرت كثير صار اهم شي مظهر الانسان وبالاخص البنت لو ماكانت على قدر من الجمال مالها نصيب من
الحياه لا زواج ولا حب ولا اهتمام ؟؟
اتمنى احد يقول لي وش اسوي لمشكلتي .. انا اعاني من حب الشباب من كان عمري 14 سنه وانا الحين 29 سنه ومو راضيه تتركني بحالي تشوهت وتشوهت بشرتي وصار عندي ندب وعلامات ومسامات واسعه
وغير كل هذا والمشكله الاعظم اني اذا شلت شعر جسمي تطلع الحبوب بكل جسمي لمده شهرين وتترك علامات تشوه جلدي يعني وش اسوي حتى النظافه انحرم منها
كل جسمي حبوب وعلامات
تعبت والله
لو حبيت اهتم بنظافتي اتشوه واتعب نفسيا وما اقدر اطالع في نفسي بالمرايا عشان ما افكر انتحر ولو تركت الشعر وماشلته حسيت بقرف وش الحل ارجوكم ؟؟؟
انا ما كتبت اللي بنفسي غير من ياسي من الحياه تدرون ان كل ما يتقدم لي شخص يبي يتزوجني اخاف وارفض اخاف من نظرته لي اخاف يعايرني ويلومني بشي مالي دخل فيه اخاف يجرحني اخاف يقول انتي متاكده انك بنت وش هالشكل بس الكل يقول لي لازم تتزوجين مو معقول تبقين باقي حياتك بلحالك
نفسي احب وانحب نفسي اتزوج والقى انسان اهتم فيه بس ؟؟؟
الحين تقدم لي شخص ووافقت بس ماصرت انام من الخوف تعبت من التفكير كل يوم ادخل المنتديات وادور على الخلطات واجرب على نفسي ماخليت شي ما جربته تقريبا يومي كله وانا اسوي خلطات وافكر وبداخلي اتمنى ان كل شي ينتهي ومايصير الزواج خايفه وربي ما اعرف وش اسوي اتمنى اللي يقرا الرساله يحس بمعاناتي ويجاوب بفايده ما ابي اي انتقاد او جرح لمشاعري لاني خلقه تعبانه ومافيني حيل
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
المواضيع المتشابهه
مختصرات طريق حواء
اريد ان اعيش واموت كل يوم ماهو الحل ؟؟؟
العرض العادي
