بسم الله الرحمن الرحيم
السلام عليكم ورحمة الله وبركاتة
جبتـ لكم هااا الشعر واعجبنيـ مرة وانـ شاء الله بيعجبكمـ.....
بس صرااحة يحزن
بختصاار.,.,
عن الام وهي اغلى مافي الوجود ..
اشوف الكل يودعني ولكن بينهم تبقين
يا يمه امسحي دموعك عيونك لا تبكيها
يا يمه هذي القسمة وقدر قد عرفنا زين
ياخذ ارواح من حوله ويوديها لباريها
يا يمه اليوم انا راحل بلاها الدمع عالخدين
ترى روحي تودعني بحالك ذا تشديها
ابي يمه تضميني كما طفل على الإيدين
ابي فحضنك تخليني إلين الروح اخليها
وبوسة راس تكفيني ومسحة إيد عالهدبين
اغمض فيهم عيوني يا آخر وجه يضويها
يا يمه وش بقى ليا وانا عالموت لي شبرين
وروحي تغتسل مني ابي ببسمة تنشريها
وخلي عنك كل هالناس..عيونك ترتمي لا وين؟؟
تصرخي بينهم ياكيف روحي لي ترديها
علامك كل مايقولوا "خلاص هديه "ماترضين
ولا قالوا لك الرحمة بكيتي إلين قلتيها
وكتفي تهزه ايدينك بنبضات الأمل ترجين
عساها تنبض بقلبي وتحيي روح راعيها
خلاص اليوم ودعيني ومسحي دموع هذي العين
واذا غلطاتي في حقك كثيرة اليوم انسيها
يا يمه قولي لأخواني وصية حقهم بعدين
ترى رضاك يغنيهم عن الدنيا ومافيها
ووصيهم يطيعونك بقولة " ايه ..نعم..وانزين"
اقسم بهذي اللحظه حياتج صعب نوفيها
ابي بإيدك تغسليني ياجنة تحت هالرجلين
عسى بإيدينك اتطهر من ذنوب ومساويها
يا يمه الحين كفنيني وقبليني اذا تكفين
واذا فيني سقط دمعك لفيني ولفيها
اشوف الكل يودعني ولكن بينهم تبقين
يا يمه امسحي دموعك عيونك لا تبكيها
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
المواضيع المتشابهه
مختصرات طريق حواء
يامه اليوم انا راحل بلاها الدمع على الخدين
العرض العادي
