بحر العيون

تقول اللي طرف عينك انا مدري هدب او عود
احس اني من اللي صابها ماشوف قدامي
ضحكت و قلت لا تخافي على بحرالعيون السود
على شط الكحل مريت و هذا موضع اقدامي
ادور عن ذهب عمري بقايا كنزي المفقود
و اشوف الموج يطوي الموج و يبحر مركب ايامي
عيوني بسمة عيونك ولو صارت مطر و رعود
ابشرب من ضما دمعك و بغسل جرحي الدامي
عطيني عيونك الليله و باكر ياعساه صدود
امانه لا مسحتي الكحل خلي طيف احلامي
أحبك كان يكفي الحب جروحي في هواك شهود
انا اللي راس مالي حلم و هم الدنيا قدامي

بدر بن عبد المحسن

عفوا صاحب

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور