قالت ترى منت بحلو قلت رجـال .. والزين ماهو من شروط الرجوله
الزين يلقى عند لابسـات الشـال .. والرجل زين إن كان زانت فعوله
قالت علامك تلبس شماغ وعقال .. انت بدوي قلت بدوي ومن حموله
مالبس بناطيل لها ألوان واشكال .. وامتر الشارع بعرضـه وطولـه
قالت أجل راعـي معاميـل ودلال .. شرب القهاوي تحسبونه بطولـه
قلت اسمعي وافهمي كل الاقـوال .. تمعني فـي كـل حـرفٍ اقولـه
كيفي يابنت العطر دله وفنجـال .. وحليب خلفه في المراح معقولـه
حب الكرم والجود وعلوم الابطال .. مغروسةٍ فينا من زمان الطفولـه
قالت ترى بنت البدو خطها مـال .. قلت افهمي وحذري تكوني جهوله
بنـت البـدو مضـرب للامثـال .. غير الجمال وطاعة الله خجولـه
ماحطة صبـاغ ولاحطـة ظـلال .. ولاسيرت في السوق سير مهبوله
ماتنخدع في كل ماكـر ومحتـال .. الي لهم في السوق صوله وجوله
تحمي شرفها خوفت القيل والقال .. درب الدنس والشين ماهي بحوله
ريمـة ماصابهـا كـل خـتـال .. حتى من انساب الهبايب جفولـه
هي مهرة تصعب على كل خيـال .. وانتي ومثلك عسفهم بالسهولـه
قالت تغزلبي وشف حبة الخـال .. ناظر عيوني والرموش الكسولـه
ناظر جديلٍ فوق الامتـان ميـال .. ومبسـم يعجبـك نظيـم لونـه
قلت العفو مايستوي زين وهبـال .. والي تبينـه يصعـب حصولـه
قلتي وقلت وكلمة الحـق تنقـال .. والزين ماهو من شروط الرجوله
اتمنى ان تنال اعجابكم اذا كان في احد بالمنتدى
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
المواضيع المتشابهه
مختصرات طريق حواء
العرض العادي
