أول مشاركاتي (( لو قبلتوها مني سمّوها ))

إنت لا منك صفيت ... وصفا بالك
وقتلك الشوق ... وهد أثقالك

صرت أنا لك .. نجمة سهيل
حبيبك اللي مابه أحد غيره
ولابه أحد مثله
حبه .. مابه مثل حبه
قلبه .. مابه مثل قلبه
ووصفه مابه مثل وصفه
ولا به حي من بعده
العصامي .. والخيالي ..
والشخص المثالي

صرت أنا العزوه
وأنا المحبوب والحبوب
صرت أنا الوافي .. وكل الدنيا خوانه

حتى إلا منك جلست .. ومن معاك ربعك
صرت أنا الفارس
وأنا العود .. والطيب للجالس
أصير راعيها وتاليها
ولامن قضت .. صرت باقيها



بس لا ضاق صدرك .. أو زعلتي
أو به أمر لخبط أوراقك

ياااااااااااااااااااااهـ

ياشيني أنا مأسوى
ولا حتى ربع وقفة
تغير الزين فيني
وكل شيٍ شين
أخلاق ومابقى فيني

وبعد ما كنت أنا العزوه
صرت أنا ألحين متخللي
بعد ما كنت أنا الفارس
وأنا المزيون .. وأنا طيب المجالس
صرت أنا الخاين
وأنا الكذاب والخايس
وأنا الشخص اللي إذا جابته سيره
تقوم ويتعذر الجالس



ألحين أنا أقولها لك .. تكفيييين
خليني لحالي
أنا راضي بنفسي .. ولا أبيك تطريني
طيبي إذا به طيب
وأخلاقي على حالي

لا توصين ولا ترتجين
لا أبي مدحك
وذمك ما يئاذيني
خلني بروحي
وحالي أداويه (( بلحالي ))