ابـــــــي رايكم
في طـــــــراف الشعـــــــر
لا تسأليني ليه طبع العرب غير .... لا تسأليني وين عصر الصحابه
صارت ثقافتنا مظاهر وتزوير .... نرقص مثل جاكسون ونلبس ثيابه
نشري الحضارة بالذهب والدنانير .... ياويلنا لاسكر الغــرب بابه
كم واحد بيبدل البنز ببعير .... ويبدل الدســكو بصوت الربابه
****************************************
قال الذي بطنه من الرز مليان ... يلهم من المزه على غير قـــادي
عمره وصل خمسين ماذاق قرصان ... ولا ناظر المرقوق وسط البوادي
يدربي كرشه ويزنت بليهان ... وان قلت له وين انت به قال غــادي
ماهو بمثل اللي مر دكان ... شرى طحينيه وخبز وزبـــادي
********************************************
انا وليفي طش راسي غرامه ....... لولاي اكافح حبها بالبـــندول
خلي ذبحني طسمته واللثامه .... والعين تشدي لابرق الريش مع جول
يقطش وليف الروح قطش الحمامه .... يامحلا ريقه مع الشدق سعبول
ياناس انا هلي واحف السلامه .... واموت من حب اريش العين لاحول
خلي لمع في راس خشمه زمامه .... ومعلق في الحلق فضه بدلــدول
تقول قرد في روابي تهامه .... يفجعك شكله لاضحك كنه الهــول
لا هوب دبه ولاهو هلامه .... ماشفت مثله سيد الاحباب عصـقول
************************************************
يامرحبا بك عدد ماطار تمساح .... او عدد ماتـنقش سنون نعامه
او عدد مايزعل على الموز تفاح .... وعداد قشر في بعير وسنامه
او دب امعط لابغى يطير ماطاح .... الا بجــرف بعيد ولا عــدامه
والا خروف دايم الدوم نواح .... ضيع ثغاه وجاب صوت الحمامه
على عشير كن زوله لاراح .... كنغر وشكله مايعرف الوسـامه
ماشافني وانا مع السوق رواح .... صد وتركني بين شبه وعلامه
*************************************************
لي صاحب منه تبي تطلع الروح .... خبل ومنهي مولــعه فيه خبله
عامين أوضح له مع الجد ومزوح .... واقول ياعنتر تـنــاديك عبله
طال المدى ثم قلت انا اغليك يالوح .... مجروحه جرح مخاطره عجله
دنق وقال انا من العام مجروح .... واشر لجرح مبطي وســط رجله
************************************************** *
ياوجدي وجد من ضيع نعوله
لاقى وحده والاخرى مالقاها
عايش معاها من ايام الطفوله
شاب راس العود نعله مانساها
**************************************************
لا بغيت تصير شاعر
احرق اوراق المشاعر
واكذب وجامل ونافق
وزور بكل الحقائق
وكلها حفنة ورق
مايضرك .. لو تقول الليل اصفر
وعبلة كانت اخت عنتر
المهم الناس تضحك
معك .. او تضحك عليك
ماعليك
يعني شاللي راح تخسر
منته شاعر بالاساس
ولا شغلت عيون الناس
يعني معروفة النتيجة
انت في اي حال تكبر
************************************************
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
مختصرات طريق حواء
طـــــرائف الشعـــر
العرض العادي
