حدث مر بحياتك

السلام عليكم ورحمه الله وبركاته حبيت ابين لكم شغله بناء على رغبه اخوى المشرف فارس قطوف والاقتراح الى اقترحه حب يضيف لنا فكره والى اهى اخوانى وخواتى ان يطلب من اي عضو يتصفح منتدى القصه الدخول لهذا الموضوع والمشاركه أذا رغب وهو بأختصار: صندوق ذكريات يكتب فيه العضو حدث مر بحياته او سمع فيه وكان له وقع في نفسه ,طبعا مواقف طريفه او محزنه او مفرحه أي شي المهم ان يكون حدث له ذكرى أو من واقع حياتنا اليوميه ولو كان مجرد سطر واحد اخيرا أتمنى التوفيق للمنتدى والقائمين عليه ودمت سالمه.. منقوووووووووول من على لسان اخوى فارس قطوف وحياكم الله واشكر الجميع الزياره

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور

يعطيك الف عافيا اخوى عشقققققققققق ههههههههههههههههههههههه

حلوه مره ياعشق بدوي ونطمح منك الى الأكثر



عضو منتدى المشاكل الإجتماعية
الساميون

أختي قيرل ماني عارف اقرأ منها شي
عموماً مشكورة

حياكم الله على الزياره بس شنو الى مو فاهمه بالضبط اخوى الافق

حلو ومشكور اخوي

أخت قيرل أشكرك على

أهتمامك بالأقتراح وهو في النهايه يخدم الجميع

منتدى .. أعضاء.. موقع.. لكن حبيت أنبهك الى أن المشاركه رقم واحد

غير واضحه بناءا عليه كان رد الزميل الافق بعدم فهمه للموضوع

شكرا مره أخرى وسيكون لي مشاركه قريبا معكم

دمتي سالمه..

السلام عليكم ورحمه الله وبركاته

شكرا على الموضوع

بالنسبه لي هي مو ذكري بس صدمه اقدر اسميها


ثنين من اعز اصدقائي واللي هم من ايام الدراسه (س) و (ع)

المهم انا توظفت والشباب ربعي الاثنين كانو يدرسون اخر مرحله ثانويه عامه ولهم فيها ثالث سنه

الاول راح للسعوديه يدرس ورجع بعد سنه ولا اهو مطوع وملتزم وتغير 360 درجه واسمه ( س )

ونقدر نقول ان انقطعة العلاقه بيننا احنا الثلاثه بسبب الانشغال واحد يدرس بالجامعه واحد بالتكنلوجيا وانا موظف

كل واحد التزم بشغلات ابعدته عن الثاني

بعد مده تقريبا شهرين حضرت عرس لواحد من الربع وصادفت (ع) ولا اهو التزم وصار مطوع ومتشدد


المهم الاثنين تطوعو وتشددو عسي الله ان يلحقنا في طريقهم

مره تقريبا سنه ثانيه

سالت عن (س) والصدمه وفعلا يوم قالولي حسيت بدوخه قويه ... قالولي راح العراق :( ياناس مستحيل شفيه شعنده قالو راح يجاهد بالفلوجه

صدمه عجيبه لحقة على صديقي (ع) قلتله شلون وليش ومتي قالي ياحظه راح يلاقي ربه باذن الله شهيد

طبعا كنت لحضتها مصدوم وماني قادر استوعب الوضع رجعت البيت وبعد بعد سبوع تقريبا دقيت تلفون على (ع) ومارد على

رحت له البيت وصادفة اخوه قالي راح العراق وتوه قبل ساعه مكلمني ويطمني

طبعا لحظتها انا ماني قادر اسوي شي

المهم والصدمه القويه اللي جت بالقلب وعانية منها جاني واحد من القريبين منهم

وقالولي (ع) ويا (س) استشهدو بمعركه بالفلوجه

لحضتها مدري اعزيهم ولا اباركلهم استشهاد ولدهم وصديقي

ضليت انا لحالي وراحو اعز اصدقائي عسي الله ان يعطيهم على قد نيتهم ويغفرلنا واخواننا المسلمين

وتقبلو تحياتي واسف على الاطاله

المواقف الظريفه اللي مرة علي ومحرجه شوي

اخذت اجازتي السنويه وقلت مستحيل اقعد بالكويت لازم اسافر اغير جو

قدر الله واخذت تذاكر لرحله جميله جدا ودولتين حلوين

حطة الطياره على الدوله الثانيه اللي هي رومانيا وطبيت بمطارها بوخرست

ومن بوخرست رحت لجبل بيا برشوف وسكت بفندق اسمه قودست سانت جورج
هي قودست او قوداست او قودوسات شي جذي

العله بسانت جورج

خلصت الرحله ورجعت الكويت وخلصت الاجازه كانة عالميه
المهم ربع الدوام 80 بالميه منهم مطاوعه ومتشددين

كل ماسالني واحد وين سكنت باي فندق اقول سانت جورج وانا مستانس لانه خمس نجوم

والاحظ انهم يزعلون كذا واحد صارتلي نفس الحاله

يزعل لما اقوله سانت جورج

جاني واحد معصب وقالي شلون تقول قودست سانت جورج وعادي عندك تقولها

قلت اي شفيها هذا اسم الفندق ... قالي انت ماتدري ان قودست سانت جورج يعني


تعظيم القسيس جورج لحضتها وجهي انقلب اصفر واحمر وفسفوري مدري شسوي الربع مطاوعه ومتشددين والسالفه ماترقع

وهذا مشكله اللي مايعرف الانجليزي مثلي :( يطيح في موقف محرج

على فكره فيه بـ دبي فندق اسمه سانت جورج ومعروف بعد

بطلو الجرايد وشوفو السفريات تلاقون هالفندق موجود بـ دبي وهي دوله اسلاميه

واسف على الاطاله

وعندي مواقف وذكريات كثيره بس خلوها بعدين