الرزفـــه
--------------------------------------------------------------------------------
محـلاة رزفة الأوليين = ما هو بدقة زار و طقوس
لي شلوا الشلة في صفين = تلقاه منها يجيك ناموس
وان يالوا اليولة ابحين = محلاة يولتهم شرى القوس
وان ابرزن ترفات ليدين = طاب الهوى في شامخ الروس
بالخص كانه بديرة العين = مرتع بداوه و ناسم ال***
وتنويش نعاشه و زفين = وضربة تفق له ذوق محسوس
والليل باقي منه ثلثين = و من عقبه العازي له رموس
ما هو شرات الوقت هالحين = ضاع التراث و ضاعت ارسوس
الحين صار الزين و الشين = فيها شرات المالد إينوس
رزفه و صارت صفقة ايدين = مزمار طبل و عود و حسوس
حطوا لها انغام و تلاحين = كنهم حفله سهره ايلوس
دبكة و فيها هز كتفين = و منهم شرى الي يدور مرفوس
هل هذي الرزفه من سنين؟ = والا لها دستور مدروس
يا اهل التراث الأولي وين = لحقوا التراث ايصيبه السوس
دخلوا عليه اجناس غازين = دشوا عليه بدرب من***
من حسرتي عضيت ليدين = و اصفقت انا بالخمسه اخموس
قالوا التطور و التمدين = قلت الأصاله ورث محروس
عاداتنا و موروثنا الزين = لا ما نريد اتغيره جنوس
صرخه بها حنا منادين = اتراثنا لا يكون ممسوس
منــــقوووول
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
مختصرات طريق حواء
العرض العادي
