عالأرض لو قالوا خلق متلك حرام
يللي بيقولا بيجرح ضمير الاحترام
بجوز خلق متلك بالسما شو الفايدي
هونيك ممنوع التغازل والغرام
بفقع اذا فيكي البشر بيتطلعوا
ومن غيرتي بيّي اذا حكيكي بمنعوا
ليكي الهوا هربان مدري شو سرق
شفتو بعيني عا خدودك مرق
يمكن سرق عن وجّك شي نقطة ندا
وراح يسكر ويشرب عليها عرق
رحتي واتركتيني بنيران وحريق
ساعات أغفا من الألم وساعات فيق
تصار قلبي متل عصفور بقفص ينقد القضبان ويفتح طريق
وضلّيتي تنزلي سهم عا قلبي الجريح
عيونك ضابط وقلبي عسكري وغمزاتك تقلّي تأهب واستريح
ومن بعد من هالنوم عا عيونك سطا ورحت نايم لا فراش ولا غطا
وما وعيت الاّ عا نجوم مفرفطا وشيطان بيصرخ ويقول مات ولفك يا صبي
وفتّحت عيني عا كلمة ولف مات
ولقيت الحلم معي بالفكرة بات
هيدي نتيجة كل عاشق بالحياة خمول , وهم , ويأس , وسرسبي
ايلي غزال مقيم في لبنان الأشرفية تلفون :9613081682
أتمنى مراسلتي على هاتفي الخليوي ولكم جزيل الشكر والاحترام...
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
المواضيع المتشابهه
مختصرات طريق حواء
حلم وولف مات
العرض العادي
