قصه## ناداني ...ولبيته## الجزءالعاشر

اما نجلاء وشوق بعد ماعرفوا ان ساره تحب حمد بدوا يتكلمون عنها بشكل مايحسس حمد انهم قاصدين هالشئ
وهم جالسين بالصاله غمزت شوق لنجلاء يعني تكلمي

نجلاء..الا صدق حمد بكرا موعد ساره يالله مرره تعبانه نفسيتها
التفت حمد لها وبدأ يركز معها
حمد..ليه هالتوتر موعد عادي
شوق..مسكينه كلمتها اليوم والمفروض تكون مبسوطه لكنها خايفه من الموعد والنتيجه
حمد بعد تفكير ..احنا اعطيناها تعليمات اذا هي اتبعتها النتائج بأذن الله بتكون كويسه اما اذا مااتبعتها
اكيد بتكون النتايج سلبيه
سرح حمد وتوقع خوف ساره من مواجهته اكثر منها من النتيجه لكن قطع تفكيره رنة تيلفون نجلاء
نجلاء..هلا وغلا بالهاصوت تونا نحكي عنك
ابتسم حمد لانه عرف انها ساره
غدير..ان شاء الله تحشون فيني
نجلاء وهي مبتسمه..وساره من يقدر يحش فيها
حمد غير عينه لكن اذنه مع نجلاء اما شوق كانت تراقبه وتشوفه وهو يبتسم لكنها عملت نفسها ماانتبهت
غدير..ساره بعينك يعني ماعرفتيني
نجلاء..سارونه لاتخافين ان شاء الله كل شئ اوكي
غدير..ههههههههههه الله يأخذ عدوانك انتقال خبال شوق لك من عندك
نجلاء..ابد انا وشوق وحمد نتفرج عالتلفزيون
غدير..قلتي لي اقول روحي اكذبي بعيد انا طفشانه وانتي تكذبين يالله مع السلامه
نجلاء..هههههههههههه طيب مع السلامه

شوق..هذي ساره شعندها
نجلاء..تسأل بتروحين للمشغل وقلت ايه
شوق..بتروح هي
نجلاء..لا غدير والعنود بيروحون
طلع حمد وضحكت نجلاء وشوق عليه لانه كان مركز معهم مره
شوق..نجلاء حمد لو كان مايحب ساره بمعنى الحب انا واثقه انه مايل لها كثير
نجلاء..اممممم حتى انا
شوق..نجول شرايك تكلمين عبير
نجلاء وباابتسامه.شوق روحي كلمي محمد
شوق...ههههههههههه لاخلاص مافيه مكالمات قفلت جوالي بس خليني اتسلى كلمي يمكن يرد عليك احد
نجلاء ..اقول بروح اعمل لي قهود
شوق..هههههههههههههه جبانه

هنا ينتهي الجزء ..

بعد الاعتراف الجميل من البنات شو تتوقعون تكون الامور ابسط او اصعب..؟؟

توقعاتكم للقاء بين حمد وساره لقاء الدكتور بمريضته او ابن العم ببنت عمه ..؟؟

توقعاتكم لزواج محمد وتطوراته واحداثه..؟؟

ايضا اقتراح فيصل وسفر الجميع مع بعضهم البعض هل سيكون لصالحهم ام لا ..؟؟

بالنهايه توقعاتكم للعمه لطيفه وهل انظمامها للعالئله هل سيقربهم ام يساهم بخلق مشاكل..؟؟

الصباح الساعه عشره الكل نايم ومرتاح الا ساره الي مو قادره تسيطر على دقات قلبها الي تزيد مع كل ثانيه
حاولت تكون طبيعيه لكن ماقدرت وام فيصل قدرت وضعها وتوقعتها خايفه من النتيجه وماكانت تعرف ان
ساره خايفه اكثر من حمد خايفه منه بااعتباره دكتور وبااعتباره الشخص الوحيد الي دق قلبها له الشخص
الي بثلاث كلمات منه عاشت بدنيا من الاحلام بدنيا منفصله مايسافر لها احد الا بدقة قلب الا بنظرة صدق
الا بكلمة حنان ..استمرت ساره تتخيل هالمقابله لكن المقابله فاقت كل توقعاتها ..

وصلت ساره مع امها وجلست بالانتظار ولما نادوا على اسمها حست برجفه برجولها ماتوقعت تقدر تكمل
لحد الغرفه لكن امها مسكت يدها ومشت معا ودخلت سلمت ام فيصل وساره من شافت حمد وقف لام فيصل
انهارت كل القوه الي من يومين تتسلح فيها من شافته كل مقاومتها انتهت ضاعت كل الكلمات الي كانت
مفكره تقولها
حمد وبأبتسامه ..هلا خالتي شلونك وشلون العيال بشريني
ام فيصل..بخير ونعمه انت شلونك وخواتك وعروسنا شلونها
جلس حمد..عروسكم هدت حيلي تعبت والله مساكين هالبنات
ام فيصل وهي تضحك..خليك عشان تعرف قبل ماتتزوج
حمد..ههههههههه دعواتك ياام فيصل
ام فيصل..الله يوفقك ويلين راس هالي عندي بالبيت وافرح فيه
حمد...ان شاء الله
التفت حمد على ساره لكنه كان اقوى منها وكان طبيعي مرره..ها يابنت العم طمنينا عليك
ساره وهي متغطيه وبتموت..الحمد لله
حمد اخذ الملف من الممرضه لكنه انتبه قبل مايبدأ يقرأ ان ام فيصل قامت وجلست بكرسي بأخر الغرفه
ماعرف ايش تقصد لكنه انسجم مع الملف وساره تراقبه سرحت معه الى دنيا ثانيه لكنها بسرعه انتبهت
ورجعت تركز وشافت حمد رافع حاجبه وشكله مو عاجبه الي مكتوب بالملف رفع راسه
حمد وشكله تغير ومعصب شوي..عفوا ساره ممكن تشيلي طرحتك اشوف يدك
بخوف شالت ساره طرحتها وحاول حمد مايرفع عينه لكنه ماقدر وقف عندها ولما مسك يدها حس برجفة
يدها ماقدرت ساره كانت خايفه اولا لانه عصب بعد ماشاف الملف والشئ الثاني انه ماسك يدها
حمد بصوت واطي ..ساره هدي شوي تحبين خالتي تجلس جنبك حتى ترتاحين
هزت ساره راسها يعني لا وكمل حمد فحص وقبل مايجلس بمكتبه همس لها بصوت ماتسمعه ام فيصل
حمد..اسف ساره على كل الي صار
جلس حمد مكتبه ورجع يقرأ الملف وساره تمنت انها تفتح الباب وتطلع كانت خايفه متوتره مو عارفه كيف تتصرف
اما ام فيصل ماحبت تضايق حمد ولاتحرج بنتها ابتعدت شوي عنها وكانت طوال الوقت تذكر الله وتستغفر وتسبح
( اشهد ان لا اله الا الله واشهد ان محمد رسول الله استغفرك اللهم واتوب اليك )
حمد بعد مااطلع عالملف رفع راسه وتغير ماهو حمد الي اعتذر منها لا رجع حمد الدكتور الي كان معصب
حمد..ساره للأسف انتي مالتزمتي بالتعليمات قلنا يدك ماتكون بوضع واحد اكثر من ساعه لكن الظاهر انك
مااهتميتي يدك ماتحسنت المفروض انك مع العلاج تساعدينا
ساره مع كل الضغوط اول شئ توترها قبل هالموعد وبعدين خوفها لما شافته وبعدين
اعتذراره لها وتقلباته مابين الدكتور وولد العم ماقدرت نزلت دموعها وسكت حمد
وقال بنفسه لا ساره دموع لا انا مااستحمل الدموع
التفت حمد على ام فيصل حتى يتدارك الموقف..خالتي تعالي الظاهر زعلت بنت العم مني
جات ام فيل ومسكت ساره ..خير ياولدي شفيك يابنتي
حمد..خالتي ساره يدها ماتحسنت مو لانه صعب لانها هي ماساعدتنا
ام فيصل..شلون ياابوي
حمد..خالتي ساره المفروض يدها ماتكون بوضع واحد يعني تتحرك لكن الظاهر انها مالتزمت بالتعليمات
ام فيصل..قالي فيصل انتبه وعجزت مع الاختبارات ماسكه هالكتاب بالساعات
حمد..خالتي راح نمدد مدة العلاج لشهرين لكن بشرط ساره تساعدينا
ام فيصل ..ان شاء الله قلتي له ساره عن الي تحسين فيه بيدك
ساره بصوت واطي..مافيني شئ خلاص
ابتسم حمد عرف انها زعلت..احم اسمعك ياساره تفضلي
ساره ماقدرت ترد وحمد حتى مايحرجها بدأ يكتب بالملف وام فيصل استحت من ساره
ام فيصل..ساره يابنتي تكلمي او اقول ياولدي انا بقول لك بنتي واعرفها مابتحكي دامها صاحت
ابتسم حمد وقالت له ام فيصل..تحس ان يدها ثقيله والوجع بكتفها مازال
حمد..اكيد ياخالتي بتحس لانها تتعب يدها والاعصاب ضعيفه عندها لكن اذا حركت يدها بتكون ان شاء الله
احسن من قبل المهم انها تلتزم بالعلاج والتعليمات ..وبعد ولاتزعل علينا
ساره ساكته وام فيصل شكرت حمد وقامت بتطلع لكن حمد وقف معهم وهم عند الباب قالها بهمس
حمد..انتبهي لنفسك لخاطري
ابتسم حمد وساره كل الي كانت محتاجته غرفتها ودها تضحك وتصيح وتصرخ ماتعرف تحدد مشاعرها
ولاقادره تتوصل لتعريف لاحساسها بمشاعره هل هي خوف او محبه او اهتمام ظلت ساره طوال الطريق سرحانه

بالمكتب فيصل لاول مره كان متضايق وحاس بتعب ورأسه منزله عالمكتب وحتى شماغه عالمكتب
دخل عليه فهد بعد ماطق الباب ولا احد رد عليه خاف فهد وبسرعه راح له
فهد..فيصل فبصل
رفع فيصل رأسه وشكله كان تعبان ..هلا فهد
فهد ..خير يااخوي سلامات شفيك
فيصل ويتنهد..الله يسلمك مااعرف هالدنيا بكل نورها اشوفها سوداء
فهد وعاقد حواجبه ..اف ليه فيصل شفيك
فيصل..ولا شئ صدقني من الصبح وهي قافله معي حتى ماخلصت شغلي وكنسلت مواعيدي
فهد..طيب اطلع روح للبيت ارتاح
فيصل..شكلي بعملها
فهد..يالله اجل اطلع معي
طلع فهد بعد ماحاول مع فيصل انه يوصله لكن فيصل رفض وركب سيارته ورجع للبيت

وصلت ام فيصل وساره ودخلوا وحصلوا العنود وسلمان جالسين برا وسلمت عليهم العنود
وابتسمت لساره الي بعالم ثاني
ام فيصل..تعالي يالعنود داخل هنا شمس
دخلت العنود وام فيصل وساره طلعت تبدل ملابسها اما سلمان رفض يدخل وجلس يلعب
مع الخدامه برا

العنود..بشري خالتي كيفها ساره
ام فيصل..فشلتني الله يعين الي بيأخذها على هالدلع
العنود....ههههههههه لا خالتي ساره دلعها حلوو
ام فيصل..ايه انا بتحملها بس ولد الناس بيتحمل الرجال يكلمها والله ولانطقت
ابتسمت العنود لانها عرفت انها تقصد حمد ..طيب خالتي شصار
وقبل ماترد ام فيصل
فيصل..احم ..احم
ام فيصل وتناظر الساعه..ادخل فيصل
تغطت العنود ودخل فيصل وانصدمت ام فيصل والعنود بعد من شكله
فيصل..السلام عليكم
ام فيصل..وعليكم السلام قامت له ام فيصل ..شفيك فيصل
فيصل ويبتسم..سلامتك الغاليه مافيني الا العافيه بس شوي تعبان قلت ارجع انام
ام فيصل ولاهي مصدقته..فيصل قولي شفيك
فيصل..يمه مافيني شئ بس تعباان
العنود انحرجت لانها ماتقدر تطلع لان فيصل عن الباب ولاحبت تحرجه لانها موجوده
ام فيصل..طيب اسوي لك شئ تأكله
فيصل..لا الله يخليك يمه محتاج ارتاح بس عن اذنك
طلع فيصل وامه مو مرتاحه حاولت العنود تطمنها
ام فيصل..لا فيصل ماهو طبيعي حتى ماسأل عن ساره وموعدها
العنود..تطمني خالتي اكيد ضغط من الشغل
ام فيصل..ان شاء الله العنود روحي قومي غدير والا انا بروح واعرف شغلي معها
العنود وهي مبتسمه..ارتاحي خالتي انا بطلع لها

طلعت العنود لغدير وجلست تصحي فيها وبعد معاناة صحت غدير
غدير..عنوده اطلعي خليني انام
العنود..غدير خالتي معصبه عليك بعدين خالتي متضايقه
غدير..ليه شصار
العنود..فيصل
غدير..شفيه
العنود...تعبان
قامت غدير وجلست .....تعبان شفيه
قالت لها العنود الي صار ورجعت غدير تكمل نومها
العنود..غديروه روحي تطمني على اخوك شكله تعبان
غدير وترفع البطانيه لوجهها ...اذا خايفه عليه روحي تطمني
ضربتها العنود..غدير قومي بلا كلام ماله داعي
غدير وهي تضحك..طيب ماله داعي بروح اتطمن عليه وبقول له العنود ارسلتني لك
العنود..اقول انخمدي احسن
غدير...ههههههههههههههههههه طيب بنزل الحين

طلعت غدير وصادفت ساره وجلست معها بالصاله الي فوق وقالت لها ساره الي صار
العنود..حلو يعني حمد تقدم خطوه
ساره..الي هي
العنود..ياحلوه اول شئ الاعتذار والشئ الثاني انه قال انتبهي لنفسك لخاطري
ساره..طييب يمكن عادي كذا قالها
العنود وبأبتسامه..لا طالما قال لك لخاطري فهو اكيد توقع ان له خاطرك عندك
شهقت ساره..يعني عرف اني ...سكتت ساره
العنود....ههههههههه تحبينه ليه ماتقوليها يمكن ويمكن شك بس
ساره..طيب
العنود باابتسامه ..سارونه الايام بتغير كل شئ بس لاتستعجلين الحب ولاتتوقعين الكمال بالحب
ساره..عنوده ارجوك هالكلام احس انه مو واقعي
العنود..واقعي صدقيني بس احنا اذا سمعنا كلمة احب نتوقع انها هي الحب لا الحب مشاعر ومواقف
اذا اجتمعت تكون الحب
ساره..هههههههههههه على كذا احتاج سنوات
العنود..لا سارونه يمكن تحتاجين نظره ماسمعتي بالحب من اول نظره او من اول مشكله واحيانا من اول
كف
ساره..هههههههههه لاخلينا نمشي بالتدريج مو ناقصه كف منه
العنود..ومن يقدر يرفع يده عليك
ساره..آه منك يالعنود بس لو تتحقق امنيتي
العنود وتناظرها بطرف عينها..وايش امنيتك
ساره..يهمك تعرفيها
غدير وبصوت عالي..سارونه سمعت كل كلامكم وبروح اشوف ناس تعبانين واطمن ناس قلقانين عليهم
العنود ابتسمت وسكتت
ساره..شسالفه
غدير..تعالي معي واقولك بروح نشوف فيصل

رجع حمد للبيت وهو مبسوط برغم انه تمنى انه يشوف من ساره نظرة رضا لكن ساره كانت عاديه ولاهو
واضح عليها اي شئ غير الخوف بس مع هذا حمد ارتاح لانه شافها وكلمها واعتذر لها ..
دخل لصاله ولاحصل احد وراح للمطبخ وحصل نجلاء الي التفت عليه وهي مبتسمه
نجلاء..اهلا اهلا ياسلام شو هالابتسامه
حمد..الحياة حلوه خليني ابتسم
نجلاء..قول يارب الله يديم عليك هالابتسامه ويسعدك
حمد..يارب ويسعدك يانور هالبيت
ودخلت شوق..ياسلام وانا
حمد..ويغز لها..انتي بعد كم يوم بتنورين بيت ناس غير
شوق وسكتت..لا ماابي خلاص هونت
حمد..هههههههههههههه لعب بزران هي شوق شرايك تتزوجين بكرا تعبت اعصابي
شوق وتضحك..اجل انا ايش اقول
نجلاء..حمد بنروح لسوق
حمد ويأشر على عيونه..من عيوني
شوق ..مشاء الله الشيخ راضي ومبسوط
نجلاء..اليوم اكيد كان حلو
ابتسم حمد وطلع وجلست نجلاء وشوق يتكلمون عن الموعد وايش صار فيه وكانوا بيتصلون بساره
بس قالوا لا البنات كلهم بيسهرون عندهم بكرا قبل زواج شوق وبتقول لهم ..

محمد كان مشغول مع فيصل وحمد وكل عيال عمهم بتجهيزات الزواج الاخيره واتصل حمد بعيال عمته
لطيفه وعزمهم وام فيصل كلمت العمات وعلمتهم على موعد الزواج والكل بيحضر

اما خلود وعبير وامهم كانوا يتناقشون بهدية شوق
خلود بخيبة امل ....يعني بتكون هديه مننا كلنا انا وانتي وامي
عبير..ايه
خلود..كم اعطاك فهد يمه
ام فهد..يقول بالليل بيعطيني
خلود..عموما انا بطلع ارتاح وانام شوي تعبانه صحيت بدري اليوم
طلعت خلود وظلت عبير مع امها الي كانت بتطلع واصرت عليها عبير تطلع معها وراحت مع امها وهم بالسياره
راحت ام فهد لبيت ام نواف واستغربت عبير
عبير..يمه ليه بتروحين ماقلتي لي
ام فهد ومرتبكه..ايه قالت لي امر عليها تبي مني اشوف لها اغراض معي من السوق
سكتت عبير ماركزت على كلام امها كانت فرحانه انها بتروح لبين نواف يعني فيه احتمال تشوفه
وصلوا ورفضت ام فهد تنزل عبير واستغربت عبير وزعلت لكنها ظلت بالسياره عشر دقايق وطلعت امها
ام فهد..روح لسوق الذهب
عبير ومستغربه..ليه يمه
ام فهد..بروح اشتري هدية شوق
عبير..من وين مو فهد قال باليل
ام فهد..عطاني نص المبلغ وانا عندي يكفي يالله
عبير حست بشئ ..يمه لاتقولين انك اخذتي من ام نواف
ام فهد سكتت ..لا
عبير..ارجع بيت بابا نواف
ام فهد..عبيروه ليه
عبير..يمه يرضيك تجرحين فهد الي عمره ماقصر معنا فهد يمه الي يبدينا على نفسه ليه يمه
ام فهد..شسوي يابنتي ابيكم احسن الناس ابي الهديه تكون حلوه وتشرفكم وانا تسلفت منها مااخذتها صدقه
عبير..حتى يمه الله يخليك اذا تحبين فهد وتحبينا رجعيها
ام فهد..استحي ارجعها شبتقول الحرمه
عبير..انا برجعها ولايهمك خالتي ام نواف بتفهم
اخذت عبير الفلوس ونزلت ماكانت مهتمه من نواف لان الي صار جرحها كثير حست انها ضعيفه بتصرف امها دخلتها الخدامه وتفاجات بنوا وامه بالصاله سلمت
نواف وامه..وعليكم السلام
ام نواف..هلاوالله عبير تفضلي
عبير..هلا خالتي شلونك شلونك نواف
نواف..بخير شلونك يابنت العم وين من سنين مادخلتي بيتنا
عبير وكانت متوتره..ان شاء الله الايام جايه
التفت عبير على ام نواف ومدت لها الفلوس ..تسلمين ياخالتي وماقصرت
ناظرت ام نواف ولدها وقالت..ليه عبير رجعتوها
عبير..بس خالتي مو محتاجينه
نواف..عفوا عبير بس مابينا هالحساسيه وهي سلف يعني بترجعها
عبير وتوترت اكثر لان الكلام بيكون موجه لنواف ..ادري ماهي المشكله بالسلف ياولد عمي بس امي
تسلفت حتى تهدي شوق واحنا اذا نقبل هديه لو هي كلمه تكون غاليه بغلاة الشخص ماهو بقيمتها لكذا
احنا نبي نهدي شوق بالي نقدر عليه لان الهديه رمز ماهي دلاله بقيمتها على مكانة الشخص
ابتسم نواف وسكت وام نواف مسحت على كتف عبير..الله يكملك بعقلك والي يريحك يابنتي ولابينا شئ
احنا اهل

عبير..تسلمين خالتي وماعليه ماابي فهد يعرف واسمحي لي ياخالتي امي بالسياره استحت تنزل
ام نواف..لا يابنتي امك مثل اختي والله يعلم بمعزتها
عبير..الله يسلمك يالله مع السلامه
طلعت عبير والتفت نواف على امه وقال..استنساخ من تفكير فهد
ام نواف..مشاء الله عليها
نواف وبأبتسامه ..بس كلامها عجبني
ام نواف..حتى انا هالبنت ياحظ امها فيها مشاء الله شايله هالبيت على راسها ومع هذا طيبه على امها
وحنونه حيل
نواف ويضحك ..افا الغاليه الظاهر ودك ببنت اشيل انا شغل البيت
ام نواف..هههههههه لا ماابي انت تشيله ابي ناس ثانين ينورونه مايشيلونه
نواف..ههههههههه الوالده تلمح اجل بطلع مع السلامه
طلع نواف مثل كل مره امه تفتح معه سيرة الزواج وظلت امه تدعي له لحد مادمعت عينها

من بكرا الكل اجتمع عند شوق بالبيت كل البنات مبسوطين وقالت لهم ساره الي صار معها
شوق..ياحبي لاخوي والله انه طيب
اماني..شوق و اختي طيبه
شوق..هههههههههه بسم الله انتي اخت رجلي الله يعني
اماني وتضحك ..انتي احمدي ربك
شوق..الحمد لله ان زوجي حمودي
العنود..شوق استحي بكرا زواجك
شوق..ليه تخوفيني
نجلاء..والله بكرا بفقدك يالدبه
دمعت عيون نجلاء وحضنها شوق وجلست تصيح معها
غدير..خلاص عاد ترى بنصيح معكم
خلود..لاتخافين على نجلاء بكرا ان شاء الله بتجي عندنا
استحت نجلاء بس التفت عبير على طول على ساره
عبير..وساره تنور بيتكم
غدير..لا حرام عليك كذا قلبي عورني شوفي الحب كلهم حمرت وجيهم
العنود..وانت تنورين بيت نواف
ابتسم عبير بس ابتسامة فقدان امل مو حياء..مااعتقد المهم الحين خلينا ننبسط
جلسوا البنات مع بعض لحد الليل وهم فرحانين ومبسوطين وعالساعه 11 تفرقوا عشان شوق تنام وترتاح

ومن بكرا الكل كان مشغول ام فيصل الدنيا مو سايعتها من الفرحه واخير بيتزوج احد من عيالها
والبنات كانوا مشغولين مرره ولافيه غير سلمان جالس يلعب لحد ماطفش العنود وهي مشغوله
وبالليل الكل كان جاهز بالصاله في بيت ام فيصل الي كانت وقوره بلبسها وهيبتها
وساره الي شكلها كان ناعم اما اماني كان شكلها بسيط ومرتب وغدير كانت صدق اخت المعرس
كانت الفرحه بينه على وجهها اما العنود كانت بشكلها هاديه لكنها جميله وهذا شئ واضح
وهم جالسين نزل فيصل وفزت له ام فيصل وقالت
ام فيصل..قول امين ياجعلي افرح فيك مثل مافرحت بمحمد
ابتسم فيصل وحب راس امه وبارك لها
فيصل..التفت فيصل ومن كثر ماهو مبسوط بزواج محمد ماكان مهتم اذا العنود موجوده او
..ان شاء الله تفرحين بالبنات وبعدها انا بتزوج انا اخر واحد
سلمان ويركض عنده ....يعني انا اتزوج قبلك
فيصل..هههههههههههههه لا سلوم اخاف اصير عاد شايب بقوه
سلمان..انت كم عمرك
فيصل ويبتسم له ..سلوم انا عمري عشرين
سلمان ..كبير مره
فيصل..ههههههه هذا وانا ماقلت الصدق
غدير..فيصل ماودك تطلع
فيصل. مستغرب .وليه ان شاء الله
غدير وباابتسامه..خرب مكياج البنت وهي متغطيه
انحرجت العنود وانحرج فيصل
فيصل..اها سوري ماانتبهت
العنود..لا خليك انا بطلع
فيصل..لا لا خليك تعال سلوم معي ننتظركم برا
طلع فيصل والتفت العنود على غدير..حسبي الله على عدوانك من قال ان مكياجي خرب
ابتسمت غدير بعدين ضحكت لان ام فيصل كانت تراقبهم ولما انتبهت العنود استحت
وسكتت ام فيصل ابتسمت لهم وطلعت تشوف محمد الي كان فرحان بشكل ماتتصورونه
صاحت بغرفته ولما نزل سلموا عليه البنات وباركوا له وطلعوا مع بعض لزواج


وصلوا البنات للقاعه وطلعوا لشوق الي كانت بحاله خوف خياليه
غدير..كلوووووووووووووووووش
نجلاء..بتذبحك الحين اسكتي
ساره..مبروك شوق الف مبروك
اماني..الله شو هالزين يابخت اخوي
شوق..حرام عليكم انا بموت خلاص مابتزوح
العنود..طيب عيني بعينك وقولي ماابي اتزوج
شوق وشوي بتصيح ..والله انك ماتحسون بالخوف
عبير..السلام عليكم وين عروسنا
خلود..ياسلااااااااااام ايش هالزين
شوق..هلا خلود بموت من الخوف
خلود..افرحي وانسي الخوف
ساره..انا بطلع اشوف البنات وصلوا او لا
شوق..سارونه خليهم يجون هنا
طلعت ساره واستمر تعليق البنات على شوق الي خلاص تلفت اعصابها لما قالوا لها وقت الزفه
شوق..ماابي قولي لحمد ماابي خلاص هونت
حمد يسمعها وهو يكلم نجلاء ..هههههههههههه عطيني اكلمها
شوق..حمد خلاص ماابي اتزوج
حمد وهو يضحك..شوق لاتفضحينا انزلي يالله الرجال مل لكم اربع ساعات واحنا جالسين ننتظر
شوق..ياربيه خلاص طيب

نزللت شوق بعد ماطلعت من وراء الستاير ووقفت عالدرج والانوار هاديه الكل انبهر بشكلها
كان مره حلو والي حلاه اكثر الحياء الي كان منور وجهها نزلت شوق على موسيقى هاديه
ووصلت شوق للكوشه واشتغلت الانوار وبسرعه من جهات تجمع البنات

البنات..الف الصلاة والسلام عليك ياحبيب الله محمد
الكل..كلوووووووووووووووش
ابتسمت شوق غصب عنها وهي تشوف صديقاتها وبنات عمها يغنون لها ويرقصون
الكل انبسط لكن من بين الحضور طلعت وحده حولت فرحة شوق لخوف وصلت عندها وسلمت عليها
العمه حصه..مبروك ياشوق والله واخذتي ولد ابراهيم
شوق وهي خايفه..الله يبارك فيك
العمه حصه..زواجكم المفروض احسن من كذا
شوق سكتت والعمه تركتها ونزلت وبعدها طلعت العمه لطيفه الي كانت تبتسم لشوق
العمه لطيفه..مبروك ياشوق الله يوفقك يابنتي
شوق وحست بعد هالغيبه عن عمتها انها محتاجه تحضنها رغم انها كانت احيانا قاسيه عليها
لكن الكل يعرف قلبها بس هي ضعيفه قدام اختها
سلمت العمه لطيفه ونزلت والحين طلعت امل ودلال شوق على طول التفت على عبير الي واضح انها
تحاول تخفي المها
دلال ..مبروك شوق والله وحشتيني
شوق..الله يبارك فيك دلال
على طول التفت العنود وغدير لعبير لانه عرفوا هالبنت دلال سلمت عالكل وعرفتها نجلاء عليهم
كانت دلال حلوه ولااحد يقدر يقول لا لكن لما وقفت جنب عبير كان فيه فرق كبير الي يعرف عبير
قبل جمالها الخارجي يشوف جمالها الداخلي الي يعرفها يشوف الصدق باابتسامته والعطاء بضحكته
سلمت دلال ونزلت وظلوا البنات كلهم محتارين من دلوعة امها بدور ليه ماطلعت تسلم لكنهم طنشوا
الموضوع لانه وقت الزفه وبيدخل محمد وحمد البنات بدوا يعلقون على ساره لكن هالمره ساره ماكانت
متحمسه لحمد كانت تبي تشوف محمد اكثر فرحانه لانها بتشوفه وهو داخل ومبسوط
دخل حمد ومحمد وقلبين بدت ترتجف من الخوف هي ساره الي كانت متوقعه حمد مابيعني لها شئ
اليوم لكن من شافته حست انها انبهرت بشكله وبدخلته وبدتت تتلفت وكأنه ودها تقول لكل البنات
لا ولاوحده تتجرأ وتعطيه نظره حمد ملكي انا وبس ظلت تتأمل شكله وهو يبتسم وكيف حضن شوق وحب راسها
اما محمد كان طاير من الفرحه وصل عند شوق لكن هالمره ماعمل مثل ماهو دارج لا وقف قبالها
ومد يده وصافحها ورفع يدها وباسها والكل بالصاله صفق كله وصفر له ابتسم حمد وراح واخذ
االمايك وتكلم الكل سكت
حمد..مساء الخير او صباح الخير اسمحولي انا مو شاعر اهدي اختي قصيده ولاني كاتب اكتب لها
اجمل سطور وحروف انا اخ احمل بقلبي لها الاخت كل الحب شوق يامحمد امانه
شوق بنتي مو اختي امانه وانت تستاهل اختي وهي تستاهلك والله يوفقكم
ابتسم حمد وحضن شوق الي ارتمت بحضنه ومسح دموعها وتركها حتى ماتصيح اكثر لكن قلبه
باللحظه كان مع نجلاء التفت عالبنات وقال ..نجلاء
من بين البنات حضنته نجلاء وساره جلست ماقدرت تتحمل هالموقف سلم حمد على الكل
وعلى عماته وطلع وشوي جلس محمد وشوق وطلعوا مع المصوره

والبنات ظلوا بالزواج وشوي شوي بدأ يفضى ولاباقي الا طاولات قليه فيها ام نواف وام فيصل
وام فهد..والطاوله الثانيه فيها العمه لطيفه وبناتها ..وحصه وبنتها بطاوله ثانيه

والبنات واقفين دخلوا كل الشباب حتى يسلمون على عماتهم وحمد اول مادخل لمح نجلاء بطاوله
بعيده تصيح على طول راح لها وحضنها اما فيصل ونواف وفهد سلموا على عماتهم حصه
وبنتها الي لابسه لبس عاري وحاطه على اكتافها شال خيف ولااستحت بالعكس بكل برود تناظرهم
وبكل دلع تبتسم لهم ..فهد سلن وراح وحتى نواف اما فيصل ظلت عمته تكلمه واستحى يتركها رد عليها وابتسم
وراح لفهد يسلم على عمته لطيفه
ولما راحوا لعمتهم لطيفه عبير ماقدرت كانت بتطلع مابتقدر تشوف نواف يسلم علىدلال ومسكتها غدير
غدير بصوت واطي ..البنت متزوجه ياخبله اعقلي
عبير ..مااقدر
وبالطاوله القرباه منهم سمعت عبير صوت فيضل ولاقدرت تقوم يعني خلاص نواف وصل لطاوله لفت وجها
بشكل خفيف حتى تشوف شكله وهو يسلم عليهم
فيصل..هلا والله بعمتي
ام صقر..هلا بفيصل مبروك يا ولدي
فيصل..الله يبارك فيك
سلم فهد وسلم فيصل وفهد على البنات من بعيد ولما وصل نواف
ام صقر فرحت..هلا والله بولدي
سلم عليها نواف والتفت على البنات..هلا بنات العمه شلونكم
دلال ..بخير شلونك نواف
نواف..الحمد لله
طلع نواف واستغرب فيصل وفهد بس ضحكوا لانه فعلا كان عادي جدا
غدير..سلامه عادي مره معهم وحتى هي شكله محترمه نفسها
عببير..طيب خلاص اسكتي
غدير..هههههههه يعني مافيه امل اخفف عنك
عبير..لا اسكتي
اما ساره عينها كانت عالي جالس بطاوله لحاله مع اخته وتمنت تكون معهم
ابتسم حمد لنجلاء الي ارتاحت بعد ماحست ان حمد قريب منها ضحك حمد وراح يسلم على
ام فيصل وام فهد وبعدها طلع وساره عينها مانزلت من عليه والبنات كلهم يعلقون عليها

انتهى الزواج والكل رجع للبيت مرتاح ومبسوط وقررت ام فيصل ان الكل يجتمع عندها بالبيت
بما فيهم العمات ..

هنا ينتهي الجزء ..

توقعاتكم لهذه الجمعه في بيت ام فيصل ..؟؟

متى ستكون السفره وهل بتسافر العمه حصه ولطيفه معهم..؟؟

توقعاتكم لاحساس العنود تجاه فيصل هل هو اهتمام او بداية اهتمام او شئ اخر..؟؟

احمد وعد العنود ان تدفع الثمن اين اختفى ..؟؟

نواف هل فعلا دلال مااثرت فيه لما شافها وحتى وهي متغطيه ..؟؟ او انه قدر يلبس قناع ويظهر بشكل عادي..؟؟

لحداث كثيره لنتتظر الجزء القادم

انتهت ليلة الزواج على احسن مايكون انتهت الليله وانكتب التاريخ كنقطة تحول مهمه بحياة شخصين الي هم
محمد وشوق هالتاريخ راح ينقلهم من حياة الى حياة ثانيه ممكن تكون احلى وممكن تكون لا وهذا كله بيد الله
سبحانه وتعالى ثم بيدينهم يقدرون يحولنها لجنه من السعاده اذا هم اختاروا الاحترام والثقه اساسها والحنان
والموده زادها يقدرون اذا شافوا العطاء من باب الحب لا من باب الواجب يقدرون يعيشون بسلام وبحب وحنان

بهاالليله قلوب كثيره فرحت وقلوب كثير حزنت وتألمت ومنها قلب نجلاء الي حزنت على فراق اختها الي كانت
شعله وشمعة هالبيت اختها الي عاشت الحزن معها والالم معها والفرح والخوف اختها الي كانت تحضنها اذا زعلت
وتضاربها اذا ضحكت اختها الي تسأل عنها اذا تأخرت وتفقدها اذا غابت بكت نجلاء بهاليله فرحه وحزن على شوق
بكت بقلب الاخت وبقلب الام وبقلب الصديقه ..بكت وهي تتمنى أن امها وابوها معها هالليله بكت وهي تتذكر كلمات
حمد اخوها الي اعطاهم الحب والحنان والامان الي عوضهم عن سنين القسوه والألم والحرمان ..الي دخل الفرحه
بقلوبهم ..الي اهداهم السعاده مغلفه بالامل والتفاءل بكت نجلاء وهي تدعي ربها ان يديم عليهم هالنعمه وييوفق شوق
ويعوضها محمد حنان الاب والام ويعطيها حب الزوج الصادق ..

اما عبير بكت..وبكت بشكل يكسر الخاطر وقف تصرخ بداخلها وتعاتب نفسها كيف حولت فرحتها لحالة غضب كل هذا
لانها حست بشوفة دلال ان الماضي رجع ولازم تأخذ موقف لازم تحدد مصير خطوات الحب الا انها تستمر بااتجاه قلب نواف او ترجع
وتعيش الماضي وتظل عايش على ذكرى الحب او تغير طريقها وتنسى لكن بداخلها حب السنين يترجى ويطلبها يناديها ويرجوها حرام
هالحب يندفن حرام هالحب ينتهي حرام هالصدق يختفي ..زادت دموع عبير وزادت حيرتها لكن اختها خلود الي تغيرت كثير وقدرت تسترجع نفسها بعد مااتخذت القاعد الي تقول ان لم تكن ذئبا اكلتك الذئاب استرجعت نفسها بعد ماتأكدت ان العالم مو كله ذئاب بالعكس هالعالم كله حب وصدق وامل وعطاء هالعالم كله سلام وامان لكن لو قدرنا نستخدم القواعد الصحيحه لكن الكثير مثل خلود بدأ يتخذ قواعد من صنع البشر وينسى قواعد واساسيات واضحه من الله سبحانه وتعالى ورسوله ..بعد ماعرفت خلود هالحقيقه استرجعت نفسها
وبهالليله كانت خلود بقلبها الصافي الطاهر مع دلال ضد عبير لان دلال زوجه وام وكانت عاديه ليه نحملها ذنب هي ماعملته يمكن اخطأت الطريقه لكن صغر سنها يشفع لها ارتاحت عبير بالكلام مع اختها واقتنعت ان العتب ماهو على دلال بالعكس العتب على عماتها لكذا
قررت توقف بوجه الماضي وتتصدى له وقررت انها
تدافع عن حبها الي تشوف انه ملكها ومن حقها نامت عبير بعد ماحددت هدفها وحددت مسار حبها ..

وبهالليله بعد فيه قلب يبكي حزن وفرح قلب لا انا ولااحد بالدنيا يقدر يوصل لاحساسه الا شخص عاشه وجربه الاحساس الي مستحيل
ماتخجل منه القسوه والجبروت بالظالمين ..العاطفه الي ممكن تحول هالعالم لمدينه ومدائن من الحب الرائع الصافي الصادق
هالقلب الي يعطي من غير حساب ولايحتاج جزاء..هالقلب الي سهر وبكى وعانى وتعذب ..هالقلب الي صرخ وتالم
هالقلب الي عاف الراحه لخاطر احبابه..هالقلب الي يحول التعب لقوه حتى يحمي احبابه..هالقلب الي يحمل بداخله
صدق..حب ..عطف..حنان ..رحمه ..امان..تفاني..تضحيه..ابتسامه ضحكه ..
هالقلب الي يخبي بداخله..صرخت خوف ..دمعة صدق..نظرةحزن ..ابتسامة عتب ..
هالقلب الي احساسه شمس النهار ونور الليل مطر الغيوم وذرات الهواء ..هالقلب الي يحول دنيانا لامل وامانينا لواقع
هذا قلب ام فيصل وقلب كل ام حملت تسع شهور تعب والم خوف وسهر هذا القلب الي لو تقسى عليه يزيد حنانه
هذا قلب ام فيصل بهاليوم قلب الام الفرحانه بوالدها قلب الام الي ضحت وصبرت والله ماخيب رجاها ..
ام فيصل بهالليله مانامت فرشت سجادتها ورفعت يدها لربها .." اللهم يامن اكرمتني واعطيتني وادخلت السرور بقلبي
اعني لادخل السرور والفرح لقلوب خائفه اللهم دلني لارشدهم لطريق الصحيح..اللهم يامالك الملك احمدك حمدا
كثيرا طيبا يليق بجلال وجهك وعظيم سلطانك..اللهم اني اسألك ان تبارك لهم وتوفقهم وترحمنا ياارحم الراحمين"
كذا مرت الليله على ام فيصل تناجي ربها وتحمده وتشكره انه فرحها بولدها انه حقق حلمها بشوفة الفرحه بعيون عيالها
تشكر الله على النعمه العظيمه بوجود عيالها حولها تدعي الله يهديهم ويصلحهم ويدلهم على طريق الخير ويعلمهم ماينفعهم
لامر دينهم ودنياهم ..وعلى
ووقت صلاة الفجر طلعت تصحي فيصل للصلاة وحصلته صاحي بالصاله
ام فيصل..هلا يمه صحيت
فيصل..وباابتسامخ ..ماقدرت انام
ام فيصل بخوف..فيك شئ ابوي
فيصل..سلامتك بس فرحان مبسوط مرتاح
ام فيصل وتجلس جنبه..الله يديمها عليك يارب
فيصل..يمه محمد رحلته تسع الصبح وحلف انه يمر يسلم عليك
ام فيصل..انا مرخصته يااببي
فيصل وباابتسامه..يعني ماتبين تشوفينه
دمعة عين ام فيصل..والله البيت من غيره فاضي
فيصل..افا ياام فيصل واحنا وين رحنا
ام فيصل..انت عيالي وكل واحد بقلبي له مكانته واول مره محمد ينام برا البيت
فيصل..ههههههههه ام فيصل خلاص تعودي بس لخاطرك قررت ماتزوج
ام فيصل..بتتزوج وانت فيصل ولد ابراهيم
فيصل..ههههههههه الوالده هالمره تقولها بثقه
ام فيصل وباابتسامه..لاني امك وتأشر على قلبها والي هنا قلب ام يحس ويعرف
فيصل..ان شاء الله بطلع اصلي
ام فيصل باابتسامه...انحاش مثل العاده
فيصل..ههههههههههههههههههههههاي يمه محمد مامر على زواجه الا كم ساعه عطينا بريك عالاقل سنه سنتينن
ام فيصل..رح صل الله يهديك
حب فيصل راس امه وطلع يصلي وامه طلعت تصحي البنات

وبمكان جديد بالرياض كانت العمه حصه وبنتها سهرانين للفجر يتناقشون بالزواج
حصه..اه يالقهر ليتني عرفتهم من زمان
بدور ..ليه يمه
حصه..يعني عاجبك ان شوق تاخذ محمد
بدور..لايقين على بعض
حصه..لا محمد غير اخوه شكله طيب وكنت بكسبه بصفي بسرعه
بدور..يمه قولي انتب باايش تفكرين
حصه..افكر بشئ اذا صار اكون حققت حلمي
بدور..تزوجيني من واحد غني لكن من هو
حصه..فيصل
بدور..لا يمه فيصل معقد
حصه..وانتي الي بتغيرينه انتي بنتي مايعجزك فيصل
بدور وبثقه..صح بس ماابي شرايك بنواف
حصه..لا هذا الي ناقص تاخذين واحد ردته بنت لطيفه
بدور..انتي قلتي لها ترده
حصه..ليتني خليتها تاخذه شوفيها الحين تركتني وراحت مع عيالها ضدي
بدور..بس يمه شلون اغيره وانا مااشوفه
حصه..سمعت انهم بيسافرون وقالوا للطيفه تسافر معهم واكيد بيقولون لي نروح معهم وهناك تشوفينه
بدور..لا يمه ماابي ماحبيت البنات
حصه..ماعليك منهم خليك معهي
بدور..يمه اخاف فيه احد حبه فيصل من البنات
حصه..يخسون دام انا موجوده فيصل انا الي بزوجه
بدور..اجل بروح انام حتى اصحى رايقه واعمل شغلي وابدا من بكرا بصراحه متحمسه اني اغير فيصل
حصه..ههههههههه يالله تصبحين على خير

الصباح صحت اماني من ازعاج سلوم وطلعت معه حتى تصحي العنود الي قافله غرفتها لاول مره وتوها بتفتح الباب
الاتشوف ورقه عالباب بخط العنود" امون تعبانه مانمت الا سبع الصبح اتركوني على راحتي" استغربت اماني لكنها
اخذت سلوم وراحت عند اخوانها ودخلت وحصلت ام فيصل والبنات سلمت عليهم وجلست تسولف
ساره بحزن..امون محمد سافر ماشفناه
اماني مستغربه ..متى
ام فيصل وهي تضحك على بناتها الزعلانات
غدير..مر هنا الصبح واحنا نايمين ولاصحونا نسلم عليه
ام فيصل وهي تضحك..الرجال معرس ومبسوط اخليه يشوفكم توكم صاحين من النوم ليه حرام
الكل...ههههههههههههههههههه
ساره وباابتسامه..يايمه الزين زين
ام فيصل..طيب بس امون وين العنود
ويقاطعهم سلمان..وين فيصل بروح اشتري كوره
ام فيصل..سلوم فيصل مانام الا متاخر تعبان
امون..واله حتى العنود كاتبه ورقه تقول تعبانه مانامت الا سبع
غدير وهي مبتسمه..القلوب الظاهر عند بعضها
عطتها ام فيصل نظره والبنات ابتسموا وسكتوا
طلعت ام فيصل وتركتهم مع بعض وعالعصر دخلت ام فيصل غرفة غدير عند البنات
ام فيصل..غدور روحي صحي فيصل يلحق عالصلاة وبعدها يالله اجهزوا اخاف احد يوصل بدري
وانا بروح للعنود
طلعت ام فيصل وراحت للعنود وحصلتها بالصاله سلمت عليها وسولفت معها شوي
ام فيصل وبكل حناان..اسمعك يالعنود قولي شفيك
العنود وهي تصيح من شافة ام فيصل داخله البيت حست بالامان ارتمت بحضنه وجلست تصيح
على دخلت سلمان الا من شاف العنود تصيح طلعت وجلس بالحديقه وهو يصيح
العنود..احمد ياخالتي خلاص انا مااقدر
ام فيصل..عطيني جوالك
العنود..بس

تقاطعها ام فيصل..قلت لك عطيني جوالك ويالله اغسلي وجهك والبسي وتعالي للبيت

ام فيصل طلع بيروح للمسجد واستغرب من شكل لمان راح عنده وخاف لما شافه يصيح جلس جنبه
فيصل..سلوم حبيبي شفيك من زعلك
سلمان ويصيح اكثر ويحضنه اكثر..سوم حبيبي قولي وبضربهم
سلمان..عنوده تصيح
فيصل مستغرب..ليه تصيح
سلمان..انا جيت اقولها بروح مع كومار المسجد لقيتها تصيح عندها خالتي
فيصل..طيب حبيبي يمكن تعبانه شوي
سلمان..طيب نوديها انا وانت للمستشفى
فيصل..طيب بس الحين نروح للمسجد يابطل
ضحك سلمان وطلع مع فيصل الي كل يوم عن الثاني يزيد فضوله ووده يعرف ليه العنود تصيح وليه
مافيه غير امه الي تعرف ظل محتار لحد ماوصل المسجد ودخل يصلي

طلعت ام فيصل من عند العنود بعد مااخذت جوالها والعنود حست براحه كبير لان ام فيصل شالت كل الموضوع عنها بعد هالراحه الي
حست فيها العنود طلعت تجهز وتستعد للعزيمه مثل باقي البنات ..

فيصل رجع من المسجد ودخل المسجد ينتظر سعد الي اتصل عليه وقال بيمره وصل سعد وجلس مع فيصل يسولفون باامور كثيره
سياسه اقتصاد رساضه وفجاه قال سعد
سعد..فيصل بصراحه انا جايك وعندي موضوع
فيصل..خير ان شاء الله انا داري من اول ان عند سالفه سمعني اشوف
سعد..احم بصراحه يافيصل انا جاي اخطب منك اليوم ولو بلف الدنيا مابحصل انساب احسن منكم
فيصل من الصدمه عدل جلسته ولاقدر يرد على سعد
كمل سعد..فيصل ماابي تستحي مني احنا اخوان وبنظل
قاطعه فيصل..سعد انت فاجئتني لكن انت تعرف اني أأمنك على اختي وانت صديقي واثق انك بتصونها فكيف اذا انت تزوجتها اكيد بتصونها وهي حلالك وانت تعرف رائي فيك بس لازم تعرف ان الرائي لها مع اني مااعرف ي****** من هي عندي ثلاث خوات
سعد باابتسامه..غدير
فيصل..خير ان شاء الله ابشر يالغالي
سعد..فيصل لاتطول
فيصل..ههههههههههههههههههه الظاهر محمد شجعك
سعد..والله من زمان افكر لكن ربك ماكتب الا الحين اسمع انا بطلع للمزرعه خالي ينتظر ولاتطول
فيصل وعلى باله مو مهتم..خير ان شاء الله خلي محمد يرجع ويصير خير
سعد وهو معصب..انا بتزوج محمد
فيصل..ههههههههههههه خلاص يااخي رح لخالك ويصير خير
طلع سعد وترك فيصل يفكر بالي صار وكيف هالفرحه دخلت قلبه فجأه وابتسم لان سعد اخو ويفتخر فيه لكنه ظل محتار برائي
غدير هل بتوافق او لا ..

العنود لبست وراحت بيت ام فيصل وحصلتها بالمطبخ مع سلوم ودخلت وجلست معهم وفجأه قال لها سلمان
سلمان..عنوده اذا راح سعد بنوديك انا وفيصل للمستشفى
استغربت العنود وام فيصل من كلام سلمان..
ام فيصل..ليه سلوم شفيها عنوده
سلمان وهو مستحي..انا شفتها وهي تصيح عندك وقلت لفيصل قال تعبها يمكن قلت له نوديك للمستشفى
ضحكت ام فيصل والعنود حضنته وطمنته ان مافيها شئ شويت تعب وخلاص

وهناك بعيد عن هالارض الطاهر كان فيه شخصين لاول مره يبتعدون عن ارضهم ويجتمعون مع بعض محمد وشوق
كانوا توهم صاحين بعد ماوصلوا وناموا على ط

انبه محمد ان شوق للحظه بهتت ابتسامتها وسرحت بعيد ظل يتأمل وجهها وكيف يشوف بعيونها عالم من الطفوله والبراءه
كيف هالصدق الي واضح بعفويتها وتعاملها مع الناس ينجرح بزيف وكذب وخداع المظاهر كيف قدر هالعالم بكل افراده
يقسى على هالطفله البريئه ابتسم محمد لنفسه وقال لها
محمد باابتسامه..شوقي وين وصلتي
انتبهت شوق واستحت لانها فعلا كانت سرحانه وصلت بأفكارها لدفترها الصغير الدفتر الي سجلت فيه صفحات ظلم وقهر
صفحات من العذاب والضياع صفحات من الخوف وبأخر الصفحات كتبت صفحة الفرح الي اهداها لها محمد
شوق ..محمد انت مبسوط
محمد ..شوق حياتي كيف مااكون مبسوط وانا اطهر وانقى قلب ملكي وانا ملكه
ابتسمت شوق ومحمد وطلعوا مع بعض حتى يعيشون اول يوم من حياتهم خارج حدود الارض الطاهر

الكل وصل بيت ام فيصل واجتمعوا مع بعض وجلسوا يسولفون ومبسوطين لكن فاجأتهم العمه حصه لما طلبت من
ام فيصل ان الشباب يدخلون يسلمون
ام فيصل ..ان شاء الله غدير كلمي فيصل
غدير ..ان شاء الله اجل احنا بنجلس بالصاله
هنا اقهرت العمه حصه لان غدير خربت تخطيطها لانها كانت تبي بدور تكون موجوده لكنها انحرجت لما طلعوا كل البنات
اضطرت تطلع معهم
ابتسمت عبير لنجلاء لما عرفوا ان عمتهم انقهرت من كلام غدير وجلسوا يسولفون مع بعض وفجأه جات ام فيصل لهم
ام فيصل..بدور الوالده تبيك تعالي
قامت بدور بدلع وحطت شال على اكتافها وطلعت وكل البنات يغلون بداخلهم لانهم يعرفون ان الشباب موجودين داخل
ساره بصوت واطي لاماني..امنيتي اذبحها
اماني..رغم اني مو مثلك لكن حتى انا ودي
ساره..شقصدك مثلي
اماني باابتسامه..يعني ******ب داخل
ساره..اسكتي وجع
التفت نجلاء وجلست تسولف مع دلال الي من خلال كلامها واضح انها انسانه طيبه بحالها مو مثل ماتوقعوا صح حلوه
لكن ماهي مغروره بالعكس انسانه طيبه وفيها من امها كثير اما عبير حاولت انها تتقبلها لكن كل ماتحاول تتذكر انها الي
يحبها نواف وتتراجع وتتركها ..

دخلت بدور بدلع وتفاجأت ان المجلس مافيه غير امها وفيصل
بدور وبدلع..مساء الخير
فيصل وهو منزل راسه..هلا مساء النور
العمه حصه..تعالي بدور عطي فيصل جوالك عشان يكلمني ابي منه شغل
اعطت بدور الرقم لفيصل ولاحظت انه مارفع عينه عليها لكنها استمرت تتكلم بدلع لكن فيصل اخذ الرقم ووقف
فيصل..اسمحي لي ياعمه الشبب برا بطلع لهم عن اذنكم
طلع فيصل وابتسمت له امه الي كانت معهم بالمجلس دخلت بعد بدور وطلع فيصل للمجلس وهو مستغرب من طلب عمته
ومن تصرفات بنتها المايعه ..

اجتمعوا مع بعض كلهم بالمجلس وجلسوا البنات يسولفون وصدمتهم العمه بسؤالها
حصه..اقول ياام نواف نواف ماعنده نيه يعرس والا متأثر للحين من السالفه القديمه
انقهرت عبير وانحرجت العمه لطيفه وبنتها
ام نواف ..ان شاء الله اذا الله كاتب له يعرس بيعرس
العمه لطيفه..ان شاء الله ربي يوفقه ويرزقه ببنت الحلال الي تسعده
الكل..آمين
بدور بدلع..يمه مليت بنطلع
حصه..السواق عند الباب بتروحون اطلعوا تمشوا
التلفتوا البنات على بعض مستغربين
بدور..شرايكم بنات ..؟؟
نجلاء..انا مافيه امل حمد مابيوافق
عبير..حتى احنا فهد مابيوافق
غدير..نفس الحاله يعني نجلس هنا احسن
لكن هنا التفتت العمه حصه عالعنود وقالت..وانتي يالعنود ماعندك احد يقول ايه او لا اطلعي معها
ام فيصل وبصوت حاد..لا انا الي اقول لا العنود بنتي
الكل ابتسم للعنود لكن العنود استأذنت وطلعت والكل عرف انها زعلت ماقدرت تتحمل هالنظره الحقيره من العمه
مو كافي عليها احمد الي دمر حياتها وهو يقول انتي ماعندك احد طلعت العنود ودخلت بيتهم وسكرت الباب بقوه
طلعت وراءها غدير وصادفها فيصل وهو يأشر على بيت اخوانه
فيصل..شفيه
غدير وبحزن..عمتي الله يهديها مالقت الا العنود تحط عليها
فيصل..افا غدور انا بطلع مع الشباب مشوار اوكي وبالليل تقولي لي كل السالفه وعندي لك سالفه ضروري
غدير..قول فيصل حمستني
ابتسم فيصل..لا بالليل روحي شوفي البنت يالله باي
طلع فيصل وراحت غدير للعنود وحصلتها جالسه بالصاله وحاولت معها ورجعت العنود وفرحت ام فيصل لما شافتها
لانها خافت انها زعلت ..

انتهت السهر حلوه لولا وجود العمه حصه الكل راح واجتمعوا البنات عند العنود
غدير..المشكله ان فيصل قال لعمتي حصه عن السفره ووافقت
ساره..خساره خربت السفره
اماني..ياشيخه بنروح ونوسع صدورنا ولا علينا منها
غدير..طيب عمتي لطيفه بتروح معنا
امون..تقول بتشوف عيالها خساره ماشفناهم
ساره..فيه واحد بس الثاني يشتغل بالجبيل
وفجأه قطع عليهم كلامهم صوت التيلفون وشافت العنود الرقم الا هو رقم ام فيصل وردت

العنود ..هلا خالتي
فيصل باابتسامه على وجهه..هلا العنود
استحت العنود واحمر وجهها واستغربوا البنات ..هلا على بالي خالتي
فيصل..جوالات البنات كلها ماترد بالله قولي لغدير تجي البيت ضروري
العنود..ان شاء الله
فيصل..اوكي مع السلامه
العنود ..مع السلامه
سكرت السماعه والبنات يناظرونها
العنود..فيصل يقول تعالي ضروري
غدير وهي تضحك..هههههههههههههههههههه وانا اقول البنت ليه تغير وجهها
العنود..غدير ضفي وجهك لاخوك
ساره..عنووده صدق ليه استحيتي لما سمعتي صوته
اماني وتحضن العنود..لا حرام عليكم احرجتوا عنوده
غدير..طيب بروح اشوفه يقول عنده سالفه
ساره..طيب غدير اسأليه بنروح لبيت ام نواف بكرا تقول امي عازمه عماتي عندها
غدير ..اوكي

راحت غدير للبيت وحصلت فيصل بالمكتب دخلت وسلمت وجلست عنده
فيصل..غدير اول شئ قولي لي سالفة عمتي والعنود
قالت غدير لفيصل الي صار
فيصل وهو معصب..الحين عمتك شسالفتها ليه ماتخلي البنت بحالها
غدير..والله عمتي غريبه
فيصل..ماعلينا انا فاهم عليها ويصير خير
غدير..طيب قول شسالفه الي عندك
ابتسم فيصل..غدور انا قلت لامي وقالت لي انا الي اكلمك
غدير..طيب
فيصل..غدور انتي فيه شخص خطبك مني
انصدمت غدير ماعرفت شو تقول ماتخيلت ممكن تكون بهالموقف ومع فيصل لو محمد يمكن بس فيصل غير
حس فيصل فيها وقام جلس قبالها
فيصل..غدير اول شئ انتي تعرفين انه مااحد بيغصبك على شئ لكن الي خطبك شخص اعزه وواحد كفوا ولاينرد
رجال ينضرب به المثل وغير هذا هو صديق عمري سعد
هنا غدير تجمدت بمكانها وعينها بالارض ماقدرت ترفعها
فيصل..ههههههههههه غدير مايسوى الموضوع كل هالحياء خلاص حبيبتي فكري بالموضوع وخذي وقتك وردي علي
غدير وجهها احمر..ان شاء الله
طلعت غدير وعلى طول راحت للبنات اما فيصل راح لغرفة امه وجلس يسولف معها

فيصل..يمه ابي افهم العنود ليه تصيح
ام فيصل ..قال لك سلمان صح
فيصل..ايه
سكتت ام فيصل ...

هنا ينتهي الجزء



تتوقعون ام فيصل تقول لفيصل عن احمد..؟؟ او تتصرف هي بااعتبار انها اخذت الجوال ..؟؟

تتوقعون غدير بتوافق على سعد او لا ..؟؟

توقعاتكم لبدور هل بدلعها ودلالها بتكسب فيصل ..؟؟

رقم الجوال تتوقعون هل بيكون بداية بين فيصل وبدور ...؟؟

تتوقعون بيكون في عزيمه في بيت ام نواف واذا كان هل فيه احداث بتصير ..؟؟

احداث وتطورات تنتظركم بالاجزاء القادمه ..

أم فيصل ..آيه ذكرتني بالعنود قالت لي أكلمك عن بيت أختها الله يرحمها وعمارة عندها بتبيعها وقلت لها إذا شافتك تقول لك
فيصل وهو مبتسم..يعني تغيرين الموضوع
أم فيصل..يا أبوي الموضوع خاص فيها ليه تبي تعرف ولو فيه شئ بقول لك
فيصل وهو فاقد الأمل ....يمه أنا يهمني أخواني أخاف هي متضايقة من جلستها معنا
أم فيصل ..لاتطمن الموضوع ماله دخل
فيصل بابتسامه ..طيب أم فيصل شسالفتة البيت والعمارة
أم فيصل..ما ادري هي عندها عمارة وتقول بتبيعها
فيصل ..وينها فيه وليه بتبيعها
أم فيصل وهي واقفه ..تعال نطلع بالصالة واكلمها تجي تقول لك السالفة
طلع فيصل وأمه وجلسوا بالصالة واتصلت أم فصل بالعنود

غدير من صدمتها بالكلام إلى قاله لها فيصل طلعت بسرعة للعنود كان ودها تقول لها أول وحده دخلت البيت تنادي بصوت عالي
غدير..عنووود عنووده الحقيني
قاموا البنات وطلعوا لها بالصالة
العنود بخوف..شفيك
غدير باابتسامه طمنتهم ..الحقيني ياالعنود انخطبت
اموون....ههههههههههههههه
ساره..الله يأخذ العدوء وكل الصوت لانك انخطبتي
غدير باابتسامه ....اسكتوا ماتدرون عن شئ عنوده تخيلي من خطبني
الكل..مين
غدير ووجهها احمر ..سعد صديق فيصل
العنود..احلفي والله حركات غديروه
ساره..انتي وياها شسالفه
العنود..سالفه لها فتره لقاء بالصدفه بين سعد وغدير
اماني..وليه ماقلتوا لنا
غدير..المهم شقول لفيصل
العنود..اول شئ هدي اعصابك وتعالي نجلس داخل ..
غدير..اخر شئ توقعته
ساره..الحين سعد من عرفت الدنيا وانا اسمع فيه يعني اكيد ماعليه
العنود..صح ومادام اخوك صديقه ويمدحه خلاص
امون وهي تبتسم ..العنود قصدها مادام فيصل صديقه اكيد بيكون مثله وفيصل ماعليه كلام
ناظرتها العنود بطرف عينها ..لاتقولين عني كلام اموون وروحي هاتي لنا شئ نشربه
العنود..غدير انتي شرايك
غدير وهي متوتره..هو صح شكله حلو واخواني يعرفونه ويمدحونه بس تصدقين لما عجبني ماتوقعت انه يخطبني
ساره..غدير انت فكري وصلي الاستخاره والله يكتب الي فيه الخير
غدير..على قولك وقطع عليهم صوت التيلفون
العنود..غدور ردي اخاف فيصل
غدير..هههههههههه ياخوافه ردي انتي
العنود ..لا مو خوف وعناد فيك برد .الوو
ام فيصل ..هلا العنود تعالي كلمي فيصل عن البيت والعماره احنا بالصاله يالله
العنود وهي مستحيه ....خالتي بوقت ثاني اخاف الوقت متأخر
أم فيصل..لايابنتي تعالي بسرعه
العنود..ان شاء الله
قالت العنود للبنات عن طلب ام فيصل ورفضها هي
غدير..عنوده شفيك والله فيصل مايأكل
العنود..غديروه اسكتي وامشي يالله
غدير..وانا ليه اروح
العنود..يعني اروح لحالي
ساره..يالله عليكم بنروح كلنا يالله

طلعوا البنات وراحوا بيت ام فيصل وحصلوا ام فيصل وفيصل بالصاله سلموا وجلسوا
ام فيصل..قولي يالعنود لفيصل انا نسيت الي قلتي لي
فيصل وهو عادي جدا ....تفضلي العنود
العنود وهي ميته من الخوف..اول شئ بخصوص بيت اختي عايشه مااعرف حسيتها انانيه مني اني ارفض
انه ينباع او يتأجر وبصراحه مالي الحق وبأن انك اخوهم انا اعطيك اوراق البيت وتصرف فيه
فيصل سكت شوي ....لكن والا اقول شرايك امون
اماني احتارت..مااعرف صح ماهو سهل ان البيت الي تربية فيه ينباع بس انت تعرف مصلحتنا اعمل الي تشوفه صح
فيصل..خير ان شاء الله خلوني افكر بالموضوع طيب وموضوع العماره
العنود..العماره لي وبصراحه انا عامله وكاله لجرانا واحس انه تعب عليه هو كبير بالسن قلت برتاح وابيعها واذا
ماعليك امر تشوف لي احد يشتريها
فيصل وهو يتكلم كان يرفع عينه لكن ماكان يركز عالعنود لكن مايعني انه ماشافها او انتبه لها لكن العنود مغطيه عيونها بطرق خفيف لكذا كانت مرتاحه اكثر..طيب هالعماره وين موقعها
العنود..في حي ...
فيصل..بس خساره هالمنطقه اسعارها باارتفاع كل يوم عن الثاني
العنود بصوت واطي ....قالوا لي بس بصراحه اريح لي
فيصل سرح شوي واستغربت العنود ....طيب شوفي انا عندي مناقصه ومحتاج سكن لمجموعة خبراء ومهندسين وهذا مشروع كبير داخله فيه اكثر من شركه
شرايك تأجريني العماره لمدة ثلاث سنوات وتقدرين تسحبين الوكاله والتعامل يكون معك مباشره بااعتبار انا الي بكون الطرف الاخر
العنود وهي متفاجئه من عرضه ....مااعرف بس
فيصل..فكري بالموضوع وانا بعد بشوف العماره واقيم الوضع واعطيك خبر
العنود..ان شاء الله ويعطيك العافيه شكرا
فيصل بأبتسامه لفتت انتباه العنود ....ولو بالخدمه حاضرين
العنود استحت تجلس اكثر لان فيصل جالس أول ماانتهت كلام معه قامت وقالت..يالله تصبحون على خير
ام فيصل..العنود وين اجلسي انتي بنتنا ومنا وفينا
العنود..مشكوره خالتي
ام فيصل..اذا تعزيني اجلسي معنا مابتنامين الحين اجلسي يالله
جلست العنود بس غيرت مكانها وجلس فيصل يسولف مع امه وخواته بشكل عادي مره وهذا اعطى العنود فرصه انها تشوف فيصل
عن قرب كيف يبتسم ويضحك مع امه وخواته وكيف يشده خبر بالتلفزيون انبسطت العنود عالجلسه معهم ..

ام فيصل ..فيصل بكرا العزيمه عند ام نواف بتروح
فيصل..والله ماادري عندي بكرا شغل كثير
ام فيصل..مابيطير الشغل ياولدي
غدير وبصوت مرح..فيصل متى بنسافر
فيصل..المفروض بعد ثلاث ايام
ساره باابتسامه ..المفروض يعني تغير الموعد
فيصل باابتسامه..المشكله ان الشباب بيسافرون خط سياره وهذا صعب
ام فيصل مستغربه ....ليه صعب
فيصل..لان يالغاليه تقريبا من هنا لطايف ثمان ساعات يعني نحتاج نكون مرتاحين وانا سيارتي ماتكفي
ومحمد مو موجود والسواق مستحيل اخليه يمشي معي خط سفر
فهمت العنود قصد فيصل وسكتت اصلا حتى هي بتخاف تسافر خط مع سواق حتى لو هم معها
ام فيصل..طيب نروح بطياره
فيصل..ماوافقوا الشباب حمد يقول معه مكان لان مامعه الا اخته ونفس الشئ نواف مامعه الا امه
ام فيصل..طيب اجل خلا ص ياولدي
فيصل..اوكي احنا اتفقنا لو نروح بسياره نترك توزيع الاماكن لكم انتم يعني الي علينا احنا نسوق
ام فيصل..من الحين انا مابركب الا مع وليدي الله لايحرمني منه
قام فيصل وحب راس امه ..احطك بعيوني يالغاليه
ام فيصل..الله لايحرمني منك
فيصل..ولامنك يالله اسمحولي تصبحون على خير
الكل..وانت من اهله
طلع فيصل وفتشت العنود وقامت ام فيصل بتطلع غرفتها
ام فيصل ..بروح اصلي

طلعت ام فيصل وجلسوا البنات يسولفون مع بعض لحد الفجر بعدين تفرقوا حتى ينامون ..

من بكرا الكل اجتمع عند ام نواف وانبسطوا البنات كثير لانها تعودوا يشوفون بعض بااستمرار وبما ان ام نواف ماعندها بنات
ماقصروا كل البنات قاموا معها للمطبخ وبالاخير مابقى غير غدير وعبير بالمطبخ

غدير..عبوره شو شعورك وانتي ببيته قريبه منه
عبيربأبتسامه حزينه ..تبين الصدق غدير نواف حلم حياتي لكن مايهمني اذا انا حلم حياته المهم اني اشوفه مبسوط
غدير..لهالدرجه عبير تحبينه لدرجة ماتعنيك نفسك المهم سعادته هو
عبير باابتسامه..من وانا صغيره اشوف نواف رجل مختلف وهالاختلاف يزيد غلاه كل يوم عن الثاني
وسعادته تكفيني لانها سعادتي
غدير..يعني اتمنى متأكده انك تحبينه من وانتي صغيره مو من وقت خطبته من دلال او بس غيره من دلال
عبير بصوت يكسر الخاطر ..لو مااحب نواف ما حسيت بالغيره من دلال لو مايعني لي نواف مابكيت سنين بصمت وكتمت حبي بداخلي
سكتت عبير وغدير ابتسمت..والله يابخته
وفجأه ام نواف..منهو هذا
ارتاعت غدير وعبير خافوا ان ام نواف سمعت كلامهم لكنها عادي شكلها
غدير..يابخت الي بيتزوج عبير والله انها طباخه
ام نواف باابتسامه حنونه..ايه والله الله يسعدها
طلعت ام نواف والتفت عبير ..تتوقعبن سمعت
غدير وتهز كتفها ..مااعرف يمكن بس ماواضح عليها شئ
عبير..غديروه وانتي مالقيتي تتكلمين الا الحين
غدير..ياشيخه طنشي تعالي نجلس مع البنات
طلعوا واجتمعوا مع بعض البنات وانبسطوا ولااهتموا من بدور الي تتصنع الدلع والابتسام وتحاول تكون خيفة دم
بدور بدلع ..اول مره ادخل بيت خالتي ام نواف بصراحه مره حلو خالتي ممكن اخذ جوله بالبيت
ام نواف..البيت بيتكم كله تحت امركم الا الغرفه الي على يمينك
بدور.ليه خالتي
ام نواف..هذي مكتب نواف ولايحب احد يدخله
حصه..بس احنا مو أي احد
ام نواف..ادري والله بس هذا نواف وهذا طبعه
بدور..بنات من بتقوم معي
ام نواف..قوموا يابنات كلكم يالله البيت بيتكم
قاموا البنات مع بدور الي من غير أي حياء تفتح الغرفه وعبير ماقدرت تبتعد عنها ماتعرف ليه لكن حست انها لازم تكون قريبه منها
بدور هذي شكلها غرفة نواف للحين ذوقه جنان
عبير..بدور تعالي نطلع عيب ندخل غرفته وهو مايدري
بدور..عادي عبير
عبير..انا طالعه
طلعت عبير وطلعت بدور وجلسوا مع بعض البنات وفجأه دق التيلفون
ام نواف..عبير الله لايهينك ردي يابنتي
عبير..ان شاء الله
استغربوا البنات عبير ماهي قريبه من التليفون ليه اختارتها ام نواف
عبير..الوو
نواف..هلا من معي
عبير على طول تغير وجهها وحاولت تكون طبيعيه..هلا نواف معك عبير
نواف..هلا ببنت العم شلونك
عبير وتحس ان قلبها مايقوى خلاص ...بخير الحمد لله انت شلونك
نواف..بخير ونعمه الله لايهينك عبير قولي للخدامه تطلع لي الي امي عندك
عبير..ايه تحب تكلمها
نواف..لا بس عبير اطلبك خدمه
عبير..تفضل
نواف..بمكتبي فيه ملف مكتوب عليه الواردت 13 لونه ازرق خلي الخدامه تطلعه لي لان بصراحه صعب ادخل
عبير وهي مرتبكه..يعني اقول لخالتي تطلعه من المكتب
نواف..لا انتي هاتيه امي بتقلب الملفات ولاراح تعرفه ممكن
عبير..ان شاء الله
نواف..مشكوره بنت العم باي
عبير ...باي
سكرت عبير والتفت على ام نواف وهي محرجه من الكل ..خالتي نواف يقول يبي ملف من المكتب ما عليه أروح اطلعه
أم نواف وهي مبتسمة..مادام هو أعطاك الأمان ما اقدر أقول لا روحي يابنتي
طلعت عبير وهي بتطير من الفرحه حست بالانتصار لاول مره يكفيها انها من بين الكل تدخل هالمكتب الي رافض أي احد يدخله
دخلت المكتب وللحظه حست بالخوف من هيبة المكان الي تحسه ينطق رجوله بااثاثه ولوحاته وحتى ترتيبه
جلست عالمكتب ولما شافت صورته حست دموعها بتخونها وعلى طول طلعت الملف لكن من بين الملفات حصلت ملف عنوانه
سيكون لها ))))))
حاولت ماتفتحه لكن ماقدرت فتحت اول صفحه وقرت اول سطر وسكرته بسرعه ماقدرت تكمل سطر واحد وخانتها قوتها ودموعها ونبضات قلبها وطلعت من المكتب طلعت وهالسطر يتردد ببالها بعد ماارسلت له الملف "" انها صفحات قلبي ..هي ستمحي المي وهي ستكتب فرحي لذا ما بالداخل سيكون لها وحدها وحدها ستكون اميرة قلبي ""

بالمجلس عند الكل حصه كانت تكلم اختها بنبره متعاليه
حصه..اجل سلطان وينه يالطيفه
لطيفه..بالجبيل بشغله
حصه..للحين على شطانته
لطيفه واضح انها متضايقه..بسم الله عليه من الشطانه
حصه..ايه الله يهدي الجميع انا خابرته الله ياكافي نار الله الموقده
لطيفه..انتي خابره اشياء كثيره يااختي بس مافيه شئ للحين على خبرك
تضايقت حصه من رد اختها وغيرت الموضوع..الا بتسافرين معهم
لطيفه..ان شاء الله انا وعيالي صقر وسلطان وانتي
حصه..ايه بس بدور ماتحب السياره بالسفر بنروح لشرقيه كم يوم بعدين نجيكم هناك
الكل تضايق بعد ماعرف انها بتروح معهم وتغيرت وجيههم
بدور وبدلع..يالله يمه تعبانه بنام
حصه..يالله اجل مع السلامه