بشرونا بالصحافة عن علاج جديد **** ينعش الابدان ويرجع الشايب ولد
صانعينه بواشنطن ومفعوله اكيد **** جعل من جابه يوسع له بالقبر واللحد
قلت فرصة شايبي له زمن ما يستفيد **** من كبر سنه يعاني وروح بلا جسد
له سنين منعزل لاشقي ولا سعيد **** كل ما شاف العجيز تثاوب ثم رقد
ما بيده حيله وانتهى منه الرصيد **** العظام مهلهلة والعروق بها سدد
بندقه ما عاد تنفع ولا تقدر تصيد **** والسلاح الي معه الفشق فيها فسد
قلت ابر بوالدي وانفعه حتى يعيد **** ماضي الامجاد ويصبح بعيشة رغد
اشتريت اربع قوارير بالفين ويزيد **** الحبوب الي تخلي من الثعلب اسد
يوم اخذ منها تنافض رجع كنه ولد **** ومن نشاطه قام يركض ويصدم بالعمد
شهر كامل مانشوفه من بعيد لبعيد **** منهمك هو والعجيز كل ما نزل صعد
وبعد مده قال انا ودي اسافر للصعيد **** من مصر ناوي افيز لعمال جدد
غاب يومين جانا معه شي فريد **** بنت شمحوطه وبيضاء ومركوزة نهد
عمرها تسعة عشر عام ينقص او يزيد **** اسمها فيفي وابوها حج عبدالصمد
هام فيها ابوي والحكي ما عاد يفيد **** حلق اللحيه وعن ربعه قفا وابتعد
صار خاتم في يديها ويفعل ما تريد **** واصبحت تتحكم فينا مثل شيخ البلد
اسلبته المال والعقل والراي السديد **** وبالمقالب والحيل عيشتنا في نكد
طلق ام عياله الي لها ساس جويد **** قال طسي ياعجوز المشاكل والعقد
من يذوق الكيك مايرجع يفكر بالعصيد **** وانتي العيشه معك مثل حبل المسد
هانت العشره وخانه عسى عمره يبيد **** باعنا بابخس ثمن وراح عنا ما نشد
اعرف اني سبة اللي حصل والله شهيد **** جيت اكحل عين محروم واعماها الرمد
اثر بعض البر وسواس شيطان مريد **** يفسد الاخلاق ويضيع الوالد والولد
لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك
للمتابعة و
إذا لم تكن فيمكنك تسجيل عضوية جديدة
مجانا ً (
من هنا )
مختصرات طريق حواء
العرض العادي
