ولد الهوى ما جاد في ظنه ** انك تشمت فيه عدوانه

يامن يعاوني على الونه ** ويساعد المفجوع باحسانه

ويساعد اللي بالهوى كنه ** سيد العذارى واحدث اشجانه

يا ما عفا الله يوم انا منه ** اجني الزهر من روض بستانه

يا ما وقع سني على سنه ** وأصبحت كني فالقٍ دانه

في مجلسٍ له بالهوى رنه ** تسعى لنا بالكاس غزلانه

ما أحلاه في عيني إلى منه ** أقبل يحاكي نبعة البانه

واليوم يا الخلان يوم انه ** لباه عهدي بالوفاخانه

شاقول انا في حوري الجنه ** اللي فجا قلبي بهجرانه

يا بو ثليل ينفح الخنه ** ومعكرش يضفي على امتانه

ما هو بلا فرض ولا سنه ** تلعب بروح فيك ولهانه

ما ترحم اللي ما سلا كنه ** مطعون في فرقاك بالزانه

ولد الهوى ما جاد في ظنه ** انك تشمت فيه عدوانه

يا لايمي بسّك من الحنه ** وشلك على قلبي وسلطانه

ام الروايح من لها بنه ** اللي غدت للروح ولجانه

حتني كما المهره ومعتنه ** خمريه المجدول فتانه

يا شايل في ذا الهوى فنه ** ومضيع بالغي برهانه

الحمد للمعبود والمنه ** في ما قضاه اليوم سبحانه