الزير حجازي

حبايبي اهل الحجاز بدون زعل قصدنا نضحك ولا والله لهجتكم رهيييييييييييييييييبه مره (تسالي على غفله) كليب كان ماشي في برحة مرة كبيرة ومافي ناس ولا في احد جنبو .

والواد جساس بصراحة خلبوص شويه وجبان ..لأنو استغل وجود الحونشي كليب لوحدو..

المهم عمنا كليب ماشي بامان الله وقاعد يشم شوية هوا وبعيد عن رجةالبزورة والبيت ومشاكل عيال عمو وقلق الناس الي عندو...

المهم جا الواد جساس وقلّو: انت يا كليب

طبعا كليب ادالو اشكل مارد عليه ولا ادالو وجه

قال جساس: انت يا كليب رد اشبك انا قاعد اهرجك ياهووه

وداك مديه اشكل وربي ولا هو معبرو

جساس: شوف ياكليب..انتا كسرة الماصورة حقتنا ولا خليتنا نشرب مويه

لا نحنا ولا غنماتنا ولاجملاتنا ... وكل هادا ونحنا ساكتين

وقلنا عيب مو مشكلة دا برضو ولد عمنا ومن لحمنا ودمنا... وكبير العيلة

لكن انك تفرد عدلاتك( عضلاتك )علي الجمل حقت خالتي (البسبوسة)وتقتلها كمان؟

لا حبيبي دا مو كلام رجاجيل وألّي انتا سويتو غلط في غلط

مو عشان سكتنالك تحسبنا خايفين منك..نحنا احترمنا صلة القرابةالي بيننا

وقلنا هذا( بو رحم )ومننا و فينا بس انتا بالمرة خبصت أم الشغلة.

ومع كل دا الكلام والحونشي عمنا كليب مديلو اشكل بقوة ، ولا كأنو في احد بالمرة.

جساس صرخة بصوت عالي مرةانت يا كلــــــــــيب ياخي رد عليّا ايشبك ،اتبكمت والا ايش؟

انا عارف انو ما تطالع وراك الا ازا كان فيه بشكة اقل شي اربعين راجل...

كليب طبعا رد وهو لاوي بوزو ، ويعني اٍنو قوي مرة.. وقال:لا يا بويا غلطان ،أنا ما ارد إلا لمن تكون البشكة 50 راجل.

ساعتها الواد جساس جسمو تكهرب شويه بس سوى فيها انو ولا همو

وداك عمنا طنش وكمّل مشيو مع الحصان حقو المهم الواد جساس طرطع وقفلت معاه وركبو 100 عفريت..

وفي لحظة غضب الواد جساس طلّع الرمح حقو..ورماه علي عمنا كليب وغرزو في ظهرو ..

قام يتألم ويتبكبك الحونشي كليب وقعد يصرخ بصوت عالي كأنو بعبع(وحش ) ...

الواد جساس قال: ياواد ما يبغالهاالا افركلهاواشرد لا يجي احد دحين والا يجي الزير ويسويلنا قلق محنا فاضيلو دحينا، وهاتك يا فكيك دق سلف بالحصان حقو ودعس لها..



اما عمنا كليب حالتو صارت حاله ، قام يزحف علي بطنو شوية لمن وقف علي رجولو ويمشي والرمح معلق بظهرو ، لمن التقى بواحد بدوي حق غنمات ... لمن شافو البدوي انفجع

وقلّو: مو انتا عمّنا كليب ،اشبك كدا؟ ... ايش صار فيك ياعمنا ..

رد عمنا كليب على البدوي وقلّو: روقنا ياخي ، مو وقتو ، ما تشوفني مغرق بالدم وانتا لسه تسال؟

.ياخي جيب لي شوية مويه ابغى اشرب ياواد...

البدوي صاحبنا جبلو مويه وشرّبو .

كليب: اسمع ياواد انا غدر بي الواد جساس واكلني الرمح حقو بظهري من ورى ...

والي خلق امك لو انو كان من قدامي كان عرفت اتصرف معاه ...

لكن هو رمه وجبان وخيخة وجايني من ورى لكن مو مشكلة انا اعرف اجيب حقي...

حتي وانا ميت ورايا رجاجيل ما تترك حقي يابويا.

وقال كليب للبدوي: حكتب لك وصية تخليها حلقه بودنك وحكتبها

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور

يسلمووووووووووووووووووووووووووووووووو ههههههههههههههههههههههههههههههههه

والله ما اعرف شقولك اخجلتي تواضعنا على العموم مشكور على اهتمامك ويارب دووووووووووووووم هالضححكه

اشكر اهتمامك اخوي والله يسعدني انك تمر يسلموووووووووووووووو

هههههههههههههههههههههههههههههههههههههههههههههههههه ههههههههههههههههههههههههههههههههه مقصرت فينا ليل

ليله وجع ليه تاركه البزوره لوحدهم بلا بشكلك انتي ما تخافي اديلك بونيه اغير ملامحك هيه ارجعي للبيت وسيبك من البهلله هادي بلا منتدى بلا تعليق ................ ههههههههههههههههه مشكوره ليله جفا على مرورك